Ab'Efeso 2:18 - Baibuli Ekibono kya Katonda 2014

¹⁸ Twenatwena tubita mu mwene nga tuli mu Mwoyo mulala, twaghanga okutuuka ye Lata.

Ab'Efeso 2:18 ပူးပေါင်းရင်းမြစ်များ

Zekaria 12:10

“Era ndita mu baidhukulu ba Daudi ni mu bantu ab'omu Yerusalemu abandi boonaboona, omwoyo omusaasizi era ogwenda einho okusinza. Kale bwe baliringa ku ole ye baafumita, balimulira ng'oti n'omuntu alira omwana we y'abaire naye yenka ati. Baliwowoola ng'oti n'omuntu alira omwana we omuberi.

Matayo 28:19

Kale ni muje mu maghanga goonagoona, abantu mubafuule beegeresebwa, nga mubabatiza mu liina lya Lata n'erya Mwana, n'erya Mwoyo Mutukuvu

Yoanne 10:7

Agho Yesu kabiri yaabakoba ati: “Bwenebwene ka mbakobere, ninze omulyango gw'entaama.

Yoanne 10:9

Ninze omulyango, yeenayeena abita mu nze ng'aingira, aliwona yaingira era yaafuluma, era yaafuna n'eby'okulya.

Yoanne 14:6

Yesu yaamwiramu ati: “Ninze engira, ninze amazima, era ninze obulamu. Ezira atuuka ye Lata okutoolaku ng'abise mu nze.

Ab'e Roma 5:2

Ku lulwe twafuna okusaasirwa kwa Katonda kuno kwe tulimu, era tusagamba nga twesunga okugabana ku kitiisa kya Katonda.

Ab'e Roma 8:15

Katonda ti yabagha Mwoyo wa kubasibira mu bwiru na kubaleetera kutya, aye mwagheebwa mwoyo abafuula abaana ba Katonda abasobola okweta Katonda “Abba”, ekitegeeza kiti “Iseife”.

1 Ab'e Korintho 12:13

Mu nsambo n'endala twenatwena, ka tube Bayudaaya, oba bamaghanga gandi, oba bairu, oba abatali bairu, Mwoyo yatubatiza mu mubiri mulala, era twenatwena twagheebwa Mwoyo mulala oyo.

1 Ab'e Korintho 8:6

ife tuli ni Katonda mulala, Lata, eyatonda ebintu byonabyona, era tuligho ku lw'oyo. Era ghaligho Musengwa mulala, Yesu Kurisito, ebintu byonabyona mwe byabita okutondebwa, era mwe tubita okuba abalamu.

Ab'e Galatia 4:6

Era olw'okuba muli baana be, Katonda kyeyava n'atuma Mwoyo w'Omwana we angire mu myoyo gyaife. Mwoyo oyo ayeta ati: “Abba!” Ekitegeeza “Iseife.”

Ab'Efeso 3:12

Nga tubita mu Kurisito oyo, olw'okumwikiriza, tuguma twaseeta ye Katonda nga titutya.

Ab'Efeso 3:14

Kyenva ni nkuba amakiryaivu mu maiso ga Lata,

Ab'Efeso 4:4

Omubiri guli mulala, ni Mwoyo mulala, ng'era ekisuubizo kye mwayeterwa bwekiri ekirala.

Ab'Efeso 6:18

Buliidho musabenga, nga Mwoyo bw'anaabanga abagalagiire. Mubenga beetegefu nga timwiririra, musabirenga abatuukirivu boonaboona.

Ab'e Kolosai 1:12

Mweyanzenga Lata eyatugwaniza okuba aghalala n'abatuukirivu mu butangaavu.

Abaheburayi 7:19

kuba Amateeka ghazira kye gatuukiriza. Aye mperaano tuli n'eisuubi erisingaku obukalamu mwe tubita okuseeta ye Katonda.

Yakobo 3:9

Lwe tukozesa okusaaka Musengwa era Lata, ate era lwe tukozesa okufuugha abantu beene abaakolebwa mu kifaananie kya Katonda.

1 Petero 1:17

Katonda mumweta Lata nga musaba era tasaliriza bw'asalira omuntu yeenayeena omusango, ajiira ku ebyo kiisi muntu by'akola. Kale ni mumutyenga enaku dhoonadhoona edh'obulamu bwaimwe nga muli mu nsi eno etali yaimwe.

1 Petero 1:21

Mu oyo mwe mubita okwikiriza Katonda eyamuzuukiza okuva mu bafu, naamugha ekitiisa, olwo okwikiriza kwaimwe n'okusuubira byaba nga biri mu Katonda.

1 Petero 3:18

kuba ni Kurisito atyo bwe yafa olw'ebibi byaife omukuzi mulala guti era yaamala. Oyo aziraku kibi yaafiirira aboonooni, olwo atutuuse ye Katonda. Yaitibwa mu mubiri aye yairizibwa obulamu mu mwoyo.

Yuda 1:20

Aye imwe bakagwa, okwikiriza kwaimwe okutukuvu n'okube kube omusingi kwe mwezimbira. Musabirenga mu maani ga Mwoyo Mutukuvu,