Ab'Efeso 2:11 - Baibuli Ekibono kya Katonda 2014

¹¹ Mwidhukire nga mwazaalibwa nga muli bamaghanga gandi mu by'omubiri, Abayudaaya baabeeta abatali bakekete, kuba beene beeyeta abakekete, ekintu ekikolebwa abantu n'engalo dhaibwe.

Ab'Efeso 2:11 ပူးပေါင်းရင်းမြစ်များ

Ezekieli 20:43

Nga muli eyo muliidhukira emize gyaimwe n'ebikolwa byaimwe byonabyona bye mweyonoona nabyo. Olwo mwenenia era mwawulira n'enaku olw'ebibi byaimwe byonabyona bye mwakola.

Ezekieli 36:31

Agho muliidhukira empisa dhaimwe edhaali embi n'ebikolwa byaimwe ebyali ebibi. Olwo mwekyagha olw'ebibi byaimwe n'olw'ebikolwa ebyenhinhalwa bye mwakola.

Matayo 20:7

Baamukoba bati: “Kuba ghazira atughaire kya kumukolera.” Yaabakoba ati: “Mwena muje mu isamba ery'emizabbibu.”

Ab'e Roma 11:17

Aye oba nga ensaga edhindi edh'omuti omwoliva ogw'omu nimiro dhaawogolwaku, iwe ng'olusaga olw'omuti omwoliva ogw'omu nsiko, waateebwa mu kifo kyadho okugabana ku bugimu bwa gwo,

Ab'e Roma 2:26

Kale omuntu oyo atali mukekete bw'agema ebiragiro ebiri mu Mateeka, waire nga ti mukekete, talitwalibwa ng'omukekete?

Ab'e Roma 2:27

Era oyo ataakeketebwa mu mubiri, aye n'agema Amateeka bye gakoba, talikusingisa musango iwe omumenhi w'Amateeka waire ng'oli n'ebyaghandiikibwa mu Mateeka era ng'oli mukekete?

1 Ab'e Korintho 12:2

Mwidhi nga bwe mwali nga mukaali kufuuka ba Kurisito, mwabuzibwabuzibwanga, mwajanga okusinza ebintu ebisinzibwa ebitali Katonda ebitoogera.

1 Ab'e Korintho 6:11

Era abandi ku imwe mutyo bwe mwali, aye mwanaazibwa mwafuulibwa bantu ba Katonda era abatuufu eri Katonda, mu liina lya Musengwa waife Yesu Kurisito, ni mu Mwoyo wa Katonda.

Ab'e Galatia 2:15

Ife twazaalibwa mu mubiri nga tuli Bayudaaya nga tituli bamaghanga gandi aboonooni.

Ab'e Galatia 6:12

Abantu abo abagezaaku okubakaka okukeketebwa, n'abo abenda okwesuuta mu by'oku ngulu. N'ekindi, benda kweghala kukirigibwa olw'omusalaba gwa Kurisito.

Ab'Efeso 2:2

bye mwalimu nga mujiira ku bantu b'ensi nga bwe bakola, nga mufugibwa omukulu ow'emizimu egy'omu ibbanga, buti egikolera mu abo abatawulira Katonda.

Ab'Efeso 5:8

kuba eira mwali mu nzikiiza, aye okuva lwe muli bantu ba Musengwa, muli ba butangaavu. Kale mutambule ng'abantu abali mu butangaavu,

Amateeka Agokubiri 15:15

Mwidhukire nga mwali bairu mu Misiri, Musengwa Katonda waimwe yaabanunula. Kyenva ndi kubagha ekiragiro ekyo mpegaano.

Amateeka Agokubiri 16:12

Mufengayo inho okutuukiriza amateeka gano, nga timwerabiire bwe mwali abairu mu Misiri.”

Amateeka Agokubiri 5:15

Mwidhukirenga nga mwali bairu mu Misiri, nze Musengwa Katonda waimwe naabatoolayo, nga nkozesa amaani n'obuyinza bwange. Kyenva ni, mbalagira okukuumanga olunaku lwa Sabbato.

Amateeka Agokubiri 8:2

Era muteerabiranga nga Musengwa Katonda waimwe bweyabakulemberamu mu lugendo lwonalwona, emyaka gino amakumi ana mu irungu, ng'agendereramu okubafuula abawulize. Era yaabaleba, asobole okumanha ekiri mu myoyo gyaimwe, abone oba nga munaakuumanga ebiragiro bye.

Amateeka Agokubiri 9:7

“Mutagezangaku naire okwerabira nga bwe mwaleetera Musengwa Katonda waimwe okubasungughalira mu irungu. Okuviira irala ku lunaku lwe mwaviiraku mu Misiri, okutuusa lwe mwatuuka mu kifo kino, mubairenga nga mumudheemera.

Ab'e Filippi 3:3

Kuba niife abaafuna okukeketebwa okutuufu, abasinza Katonda nga Mwoyo we bw'atugalagira, abasagambira mu kwisa ekirala mu Kurisito Yesu, era abatata bwesige mu bya mubiri.

Ab'e Kolosai 1:21

Eira mwali ghala ni Katonda, era nga muli bazigu be olw'ebidhuubo byaimwe n'ebikolwa ebibi bye mwakolanga.

Ab'e Kolosai 2:11

Era mu Kurisito oyo mwakeketebwa, ti n'okukeketebwa kuno okukolebwa abantu, aye n'okukeketebwa kwa Kurisito okuleetera omuntu okuva mu kufugibwa ekibi.

Ab'e Kolosai 2:13

Era imwe abaali abafu olw'okuba mu bibi byaimwe, era n'olw'obutaba bakekete mu mibiri gyaimwe, Katonda yabafuula abalamu ni Kurisito, nga amaze okutusonigha twenatwena ebibi byaife.

Ab'e Kolosai 3:11

Olwo ghabe nga tighakaali kuboola oti ono Mugureki, ono Muyudaaya, ono mukekete, ate ono ti mukekete, ono wa ighanga lindi, ono ti mugundhufu, ono mwiru, ate ono ti mwiru. Kurisito n'ali byonabyona era n'ali mu byonabyona.

1 Samueli 17:26

Daudi yaabuuza abantu abaali beemereire okumpi naye, ati: “Kiki kye baja okukolera omuntu anaita Omufilisiti oyo, n'atoola ku Isiraeli ekyobeera ekyo? Obwo katyo Omufilisiti oyo atali mukekete naani, yeena okunhooma eigye lya Katonda omulamu?”

1 Samueli 17:36

Nze omugheereza wo, nga bwembairenga nga ndhita empologoma n'ensolo enkambwe, era ntyo bwe ndidha okwita n'Omufilisiti oyo atali mukekete, anhoomye amagye ga Katonda omulamu.”