Era yankoba ati: “Kalangusa emyoyo gy'abantu bano, osembe n'amatu gaibwe, otulughaze n'amaiso gaibwe; kuba tomanha bwe babona n'amaiso gaibwe, ni bawulira na matu gaibwe, era ni bategeera na myoyo gyaibwe, ni bakyuka ni mbawonia.”
Ghaabaagho omukazi mulala ng'eriina lye ni Ludia nga ava mu kibuga Thuyatira. Yali atundanga bivaalo ebya nakasooma era nga atya Katonda. Ono Musengwa yamugha omwoyo omugonvu, yaikiriza ebyo Paulo bye yayogera.
Olibazibula amaiso, bagaluke okuva mu nzikiiza baire mu butangaavu, era bave mu buyinza bwa Sitaani baire ye Katonda, basoniyibwe ebibi byaibwe era bafune omugabo n'abo abatukuzibwa olw'okundhikiriza.’
Olwo mwali muzira kye mwidhi ku Kurisito, nga muli ba ndha era nga timubalibwa mu ba ighanga lya Isiraeli. Era mwali muzira mugabo mu bisuubizo ebiri mu ndagaano dha Katonda. Mwali mu nsi nga muzira kye musuubira, era nga muzira Katonda.
Abo Katonda be yasiima okumanhisa obukombe obw'ekitiisa obuli mu kyama ekyo, mu bamaghanga agandi. Ekyama ekyo ni Kurisito ali mu imwe era eisuubi ery'ekitiisa ekiri kwidha.
Kino nkikola bairemu amaani mu myoyo gyaibwe era babe mu kugonzania, bamanhire irala era bategeerere irala ekyama kya Katonda. Ekyama ekyo nga ni Kurisito.
Era tube nga tuteegerera olunaku olw'enkabi lwe tusuubira, era nga tuteegerera okuboneka okw'ekitiisa kya Katonda waife omukologho era Omulokozi waife Yesu Kurisito.
kuba tikisoboka kwikirizisa bantu kweiraku abaali bamulisiibwaku obutangaavu bwa Katonda ni babuvaamu, era abaali bafunieku ku kirabo eky'omu igulu ni bagabana ni ku Mwoyo Mutukuvu.
Katonda Lata wa Musengwa waife Yesu Kurisito asaakibwe, kuba olw'okusaasira kwe okungi twazaalibwa buyaaka okufuna okusuubira okulamu, lwe yazuukiza Yesu Kurisito okuva mu bafu!