Ab'Efeso 1:17 - Baibuli Ekibono kya Katonda 2014

¹⁷ Katonda wa Musengwa waife Yesu Kurisito, Lata ow'ekitiisa, abaghe Mwoyo ow'amagezi era ayoleka, mumumanhe.

Ab'Efeso 1:17 ပူးပေါင်းရင်းမြစ်များ

1 Ebyomubyanda 29:11

Wo Musengwa Katonda, niiwe omukologho, ow'obuyinza, ow'ekitiisa, omughanguzi era omufuzi kuba byonabyona ebiri mu igulu n'ebiri mu nsi, bibyo iwe Musengwa Katonda. Niiwe kyabazinga ali ghaigulu gh'ebintu byonabyona.

Yobu 42:5

Nawuliranga buwulire bye bakwogerangaku, aye mpegaano nkweboneireku n'agange.

Zabbuli 24:10

Naani oyo Kyabazinga omukologho? Musengwa Katonda Afuga Amagye ni Kyabazinga omukologho.

Zabbuli 24:7

Mwigulegho endhigi bukalamu, mughaluzeeyo endhigi enkaire edh'eira, Kyabazinga omukologho aingire.

Zabbuli 29:3

Amamiro ga Musengwa Katonda ogawulirira ku maadhi; Katonda ow'ekitiisa abwatuka ng'oti lukuba; Musengwa Katonda awulirwa ku maadhi amangi.

Okuvaayo 28:3

Oidha kwogera n'abantu abasobola okukola ekyo, abantu be nagha amagezi n'obumanhi, bamukolere ebivaalo ayawulibwe ankolere omulimo ogw'obwakabona.

Ensambo 18:15

Omuntu omutegeevu ayenda okwega, era omugezi anoonenkereza okumanha.

Ensambo 2:5

Olwo olyega okutya Musengwa Katonda, era waamanhira irala Katonda ky'ali.

Isaia 11:2

Omwoyo gwa Musengwa Katonda gulimubaaku, gwamugha amagezi n'okutegeera, era gwamulamba yaafuna amaani, agalimusobozesa okumanha Musengwa Katonda.

Yeremia 2:11

Ghaligho eighanga eryafaanisaaku bakatonda baalyo, waire nga mu butuufu ti bakatonda beene? Aye abantu bange bafaanisaamu nze Katonda abagheesa ekitiisa, baaja n'ebintuntu ebiziramu makulu naire.

Yeremia 24:7

Ndidha kubaleeteranga okuumanha nga ninze Musengwa Katonda. Olwo beene babenga bantu bange, ate nze mbenga Katonda waibwe, kuba baja kukyuka baire ye ndi n'omwoyo gwaibwe gwonagwona.

Yeremia 31:34

Kiriba tikikeetaagisa muntu kwegeresa mwine amanhe Musengwa Katonda, kuba boonaboona baliimanha okuviira irala ku basembayo ghansi okutuukira irala ku babbede beene. Ndibasonigha ebibi byaibwe era neerabirira irala okwonoona kwaibwe. Nze Musengwa Katonda, ninze nkobye.”

Yeremia 9:24

“Aye buli yeesuuta, yeesuutenga lwa kuba nti: antegeera era andidhi nga ninze Musengwa Katonda agonza abantu obutalekera, era ni nkola amazima n'ebituufu. Ebintu ebyo n'ebinsanhusa. Nze Musengwa Katonda, ninze nkobye.”

Danieli 10:1

Mu mwaka ogwokusatu nga kyabazinga Kuro n'afuga Perusia, Katonda yaayoleka Danieli, ye baamutuuma eriina Beluteshazzari, obukwenda. Obukwenda obwo bwali bwa mazima aye nga bukalangafu inho okubutegeera. Aye yaamala yaabutegeera nga babumwinhonhoire mu kubonekerwa.

Danieli 5:11

Mu bwakyabazinga bwo mulimu omusaadha aliku omwoyo ogwa bakatonda abatukuvu. Mu biseera bya lata wo kyabazinga Nebukadinezzari, omusaadha oyo yeeyoleka okuba omuntu alengera eghala, ng'ali n'okutegeera, era ng'ali n'amagezi agali ng'oti n'aga bakatonda. Era kyabazinga Nebukadinezzari oyo lata wo, yaamufuula okuba omukulu ow'abalaguzi, abasamize, ab'amaghembe, n'abo abeetegereza ebiri ku igulu.

Matayo 11:25

Mu kiseera ekyo Yesu yaakoba ati: “Lata nkusaaka, Musengwa ow'eigulu n'ensi, kuba bino wabigisa abagezi n'abamanhi, waabimanhisa abato.

Matayo 11:27

“Byonabyona Lata wange yabingemya, era ghazira aidhi Mwana okutoolaku Lata, waire aidhi Lata okutoolaku Mwana, n'oyo Mwana y'aba asiimye okumumanhisa.

Matayo 16:17

Yesu yaamukoba ati: “Simoni mutabane wa Yona, oli wa nkabi, kuba ti muntu buntu eyakubwikulira ekyo, aye Lata wange ow'omu igulu.

Matayo 20:33

Baamukoba bati: “Musengwa tuzibule amaiso.”

Matayo 6:13

Totutwala mu kulebwa, aye tulokole mu bubi.’

Luka 12:12

kuba Mwoyo Mutukuvu alibeegeresa mu saawa yeene eyo kye mugwaine okwogera.”

Luka 2:14

“Ekitiisa kibe ye Katonda eyo ghaigulu yeene, n'emiraala gibe ku nsi ku bantu be b'agonza.”

Luka 21:15

Kuba ninze ndibagha engeri ey'okwogera n'amagezi, nga ku bazigu baimwe ghazira aghanga kubitakania waire kubiroba.

Yoanne 14:17

Ni Mwoyo ow'amazima. Abantu ab'ensi tibasobola kumusangaalira, kuba tibamubona era tibamwidhi. Aye imwe mumwidhi kuba aba n'imwe, era aba mu imwe.

Yoanne 14:26

Aye omubeezi, Mwoyo Mutukuvu, Lata y'alituma mu liina lyange, alibeegeresa ebintu byonabyona, yaabaidhusa byonabyona bye nabakoba.

Yoanne 16:3

Ebintu bino balibikola olw'okuba tibamanhanga Lata waire nze.

Yoanne 17:3

Era obulamu obutawaagho ni buno: Abantu okukumanha iwe wenka Katonda ow'amazima n'oyo ye watuma, Yesu Kurisito.

Yoanne 20:17

Yesu yaamukoba ati: “Otangemaku, kuba nkaali kwirayo ye Lata aye ja ye baganda bange obakobere oti ndi kwirayo ye Lata wange era Lata waibwe, Katonda wange era Katonda waibwe.”

Ebikolwa by'Abatume 6:10

Aye tibaamusobola olw'amagezi aga Mwoyo eyamwogererangamu.

Ebikolwa by'Abatume 7:2

Sitefano yaakoba ati: “Balata ni baganda bange mumpulirise. Katonda ow'ekitiisa yabonekera dhaadha waife Aburahamu bwe yali mu Mesopotamia ng'akaali kuja kuba mu Harani,

Ab'e Roma 1:28

Olw'okuba baaloba okumanha Katonda, kyova Katonda yabaleka ni badankaana mu myoyo, ni bakola ebitasaana.

Ab'e Roma 15:6

Musaake Katonda Lata wa Musengwa waife Yesu Kurisito nga mwogera n'omwoyo mulala.

1 Ab'e Korintho 12:8

Mwoyo agha owundi okwogera ebiidhwire amagezi, ate owundi yaamugha okwogera ebiidhwire okumanha.

1 Ab'e Korintho 14:6

Kale aboluganda bwe ndidha ye muli nga ndhogera mu nnimi muganhulwamu ki? Ghazira naire, okutoolaku nga mbakoberayooku Katonda by'andholeike, oba okumanha, oba obulanzi oba okugalaga.

1 Ab'e Korintho 2:10

Aye niife Katonda be yamanhisa ekyama kye ng'abita mu Mwoyo we. Kuba Mwoyo aidhi buli kintu, era n'entegeka dha Katonda edh'omunda.

1 Ab'e Korintho 2:8

Ghazira naire ku bafuzi ab'ensi eyakimanha, kuba nguli baali bakiidhi, tibandikomereire Musengwa ow'ekitiisa.

2 Ab'e Korintho 12:1

Nteekwa okwesaaka, waire ng'okwesaaka kuziramu muganhulo. Aye mperaano ka ndhogere ku kubonekerwa n'okwolekebwa Musengwa.

Ab'Efeso 1:3

Katonda era Lata wa Musengwa waife Yesu Kurisito, eyatugha mu Kurisito kiisi mukisa gwa Mwoyo oguva mu igulu, agheebwe ekitiisa.

Ab'Efeso 3:5

Mu byanda eby'eira ghazira muntu yeenayeena eyamanhisibwaku ku kino mu nsambo oti n'eno Mwoyo y'akyolekamu Abatume be n'abalanzi be abatukuvu.

Ab'Efeso 4:13

okutuusa twenatwena lwe tulituuka okuba omuntu mulala mu kwikiriza ni mu kumanha Omwana wa Katonda. Olwo tukakate mu by'omwoyo, era tube abatuukiriire mu bulamu bwa Kurisito.

Ab'e Filippi 3:15

Twenatwena abakuze mu by'omwoyo tugwaine okuba n'ebidhuubo oti n'ebyo. Aye oba ng'abandi ku imwe muli n'ebidhuubo ebindi, Katonda aja kukibooleka bukalamu.

2 Timotheo 2:25

era agalagira abamutakania aghazira ikabyo, kuba tomanha Katonda bw'abagha kwenenia ni beiraku ni bamanha mazima.

Tito 1:1

Ninze Paulo omugheereza wa Katonda era omutume wa Yesu Kurisito. Natumibwa okugaziya okwikiriza okw'abantu ba Katonda abalonde, n'okubamanhisa amazima ag'endhikiriza etya Katonda,

Yakobo 2:1

Aboluganda, nga bwe mwikiriza mu Musengwa waife Yesu Kurisito, oyo Musengwa ow'ekitiisa, mulekere kuboolanga bantu abatababonekera bukalamu.

2 Petero 1:3

Musengwa waife oyo, mu buyinza bwe nga Katonda, yatugha byonabyona bye twetaaga okuba abalamu n'okutya Katonda, nga tubita mu kumanha oyo eyatweta tube mu kitiisa kye ni mu bulungi bwe.

2 Petero 3:18

Aye mukule mu kuyambibwa ni mu kumanha Musengwa waife era Omulokozi Yesu Kurisito. Oyo agheebwenga ekitiisa mperaano ni mu byanda ebiidha. Amiina.

Okwolekebwa 7:12

Nga bakoba bati: “Amiina. Okusinzibwa, okutiibwa, amagezi, okweyanzibwa, okusaakibwa, obukumu, n'amaani, bibenga bya Katonda waife ebyanda n'ebyanda! Amiina.”