Ab'Efeso 1:13 - Baibuli Ekibono kya Katonda 2014

¹³ Era mu Kurisito oyo, n'imwe mwena abaawulira ekibono eky'amazima eky'Amawulire Amalungi ag'okulokolebwa kwaimwe era ni mwikiriza Kurisito, Katonda yabasibaku akamanhiso ng'abagha Mwoyo Mutukuvu ye yasuubiza.

Ab'Efeso 1:13 ပူးပေါင်းရင်းမြစ်များ

Zabbuli 119:43

Nhamba okwogeranga amazima buli kiseera, kuba eisuubi lyange liri mu nsala yo.

Yoeli 2:28

“Ebyo nga biwoire, ekiseera kirituuka naayugha omwoyo gwange ku bantu boonaboona. Batabane baimwe ni baghala baimwe baliranga ebiribaagho, abakaire mu imwe baaloota ebirooto, n'abaisuka baimwe baabonekerwa.

Luka 11:13

Kale oba imwe, ababi, mwidhi okugha abaana baimwe ebirabo ebirungi, memale Lata waimwe ow'omu igulu! Talisingagho inho okugha Mwoyo Mutukuvu ababa bamusabye?”

Luka 24:49

Era nze mwene ndidha kubagheereza oyo Lata wange ye yabasuubiza aye musigale mu kibuga okutuusa nga muvaaziibwa amaani okuva mu igulu.”

Yoanne 1:17

Kuba, nga Katonda bwe yateeka Amateeka ng'abita mu Musa, ekisa n'amazima abibisa mu Yesu Kurisito.

Yoanne 14:26

Aye omubeezi, Mwoyo Mutukuvu, Lata y'alituma mu liina lyange, alibeegeresa ebintu byonabyona, yaabaidhusa byonabyona bye nabakoba.

Yoanne 15:26

“Aye Omubeezi bw'aliidha ye ndibatumira okuva eri Lata, Mwoyo ow'amazima ava mu Lata, oyo alindhulira.

Yoanne 3:33

Oyo aikiriza by'akoba akakasa nga Katonda wa mazima.

Yoanne 6:27

Mutakolereranga mere ewaagho, aye mukolererenga emere etawaagho, etuusa ku bulamu obutawaagho. Eyo n'emere Omwana w'Omuntu yaalibagha. Kuba oyo Katonda Lata yamutaaku akamanhiso.”

Ebikolwa by'Abatume 1:4

Bwe baali balya yaabalagira obutava mu Yerusalemu, aye bateegerere Lata kye yasuubiza kye yali abamanhiisaaku ati:

Ebikolwa by'Abatume 13:26

“Imwe aboluganda baidhukulu ba Aburahamu n'imwe abandi mwenamwena abatya Katonda, obukwenda buno obw'obulokozi bwagheebwa ife.

Ebikolwa by'Abatume 2:33

Mperaano, bwe yamala okuniinisibwa ku mukono omusaadha ogwa Katonda, era n'okufuna Mwoyo Mutukuvu, eyamusuubizibwa Katonda Lata, n'okutugha ekirabo kino kye muli kubona era kye muli kuwulira.

Ab'e Roma 1:16

Amawulire Amalungi tigangemya nsoni, kuba n'amaani ga Katonda agalokola buli aikiriza, okusookera ku Bayudaaya memale oizeeku abamaghanga agandi.

Ab'e Roma 4:11

Olumaliira yakeketebwa, okukeketebwa kwe kaaba akamanhiso akakakasa obutuukirivu, bwe yagheebwa olw'okwikiriza kwe, ng'akaali kukeketebwa memale yaaba dhaadha w'abo boonaboona abaikiriza Katonda, ababalibwa okuba abatuukirivu ni bwe baba nga ti bakekete.

Ab'e Roma 6:17

Aye Katonda yeekaza, kuba mwali nga muli bairu ba kibi, aye mwaganha n'omwoyo gwaimwe gwonagwona ebyo ebyali mu kwegeresebwa kwe mwagheebwa.

2 Ab'e Korintho 1:22

Yatutaaku akamanhiso ke ng'ababe, era yatugha Mwoyo Mutukuvu mu myoyo gyaife ng'omusingo olw'ebyo by'atuterekera.

2 Ab'e Korintho 6:7

Twogera amazima n'amaani ga Katonda, era twakozesa obutuufu ng'eky'okulwanisa kyaife mu kulumba ni mu kwetaasa.

Ab'e Galatia 3:14

Kurisito yakola atyo, olw'omukisa Katonda gwe yasuubiza Aburahamu gugheebwe n'abamaghanga agandi mu Kurisito Yesu, era olw'okwikiriza tusobole okufuna Mwoyo Katonda ye yasuubiza.

Ab'Efeso 4:21

Nkakasa nga mwamuwuliraku, era imwe ng'ababe, mwayegeresebwa amazima agali mu Yesu.

Ab'Efeso 4:30

Era mutanakughazanga Mwoyo Mutukuvu wa Katonda, kuba Mwoyo n'akamanhiso ke mwateebwaku okutuuka ku lunaku olw'okununulibwa.

1 Ab'e Thessalonika 2:13

Era titulekera kweyanza Katonda kuba bwe mwawulira ekibono kye, kye twabakobera mwakisangaalira ti ng'ekibono eky'abantu aye ng'ekibono ekya Katonda, nga era bwenebwene bwekiri ekibono kya Katonda ekikolera mu imwe abaikiriza.

2 Timotheo 2:15

Kola kyonakyona ky'osobola osiimibwe Katonda, obe mukozi atagemerwa mulimo gwe nsoni, era ayegeresa obukalamu ekibono eky'amazima.

2 Timotheo 2:19

Aye omusingi gwa Katonda mugumu era gughandiikiibwaku ebibono ebikoba biti: “Musengwa aidhi ababe,” era ni biti “Kiisi ayatula eriina lya Musengwa ateekwa okuva mu bibi.”

2 Timotheo 3:15

Era oidhukira ng'okuva mu buto bwo obaire oyegeresebwa Ebyaghandiikibwa Ebitukuvu ebisobola okukugalagira okukutuusa ku kulokolebwa olw'okuba n'okwikiriza mu Kurisito Yesu.

Tito 2:11

Kuba ekisa kya Katonda kiboneike, abantu boonaboona baghange okulokoka.

Abaheburayi 2:3

memale ife tuliwona tutya bwe tugayaalirira obulokozi obukulu obwaga agho? Obwo Musengwa mwene n'eyasooka okubulangirira, memale abo abaabuwulira, baatukakasa nga bwa mazima.

Yakobo 1:18

Olw'okwenda kwe mwene yatutonda n'ekibono eky'amazima, olwo tutwale ekifo ekisooka mu bitonde bye.

Yakobo 1:21

Kale mulekeyo emize n'empisa embi dhoonadhoona, mwikirize n'obuwombeefu ekibono Katonda ky'asiga mu myoyo gyaimwe era ekisobola okubawonia.

1 Petero 2:10

Eira timwali bantu ba Katonda, aye buti muli bantu be. Eira mwali timusaasirwa Katonda, aye buti musaasirwa.

Okwolekebwa 7:2

Era naabona malaika owundi ng'ali kuniinaniina okuva e buvandhuba, ng'ali n'ekitaaku akamanhiso ka Katonda omulamu. Yaayeta n'amaani bamalaika abana abaali bagheereibwa obukumu okuzikiriza obukalu n'enhandha ku nsi.