Ab'Efeso 1:11 - Baibuli Ekibono kya Katonda 2014

¹¹ Katonda akola byonabyona nga bw'ayenda ng'ajiira ku ntegeka ye, mu Kurisito oyo

Ab'Efeso 1:11 ပူးပေါင်းရင်းမြစ်များ

Yobu 12:13

Katonda ali n'amagezi n'obuyinza; ali n'okutetenkania n'okutegeera.

Yobu 33:29

Bona, ebyo byonabyona Katonda abikolera abantu emikuzi kamaala,

Zabbuli 37:18

Musengwa Katonda alabirira abaziraku musango, era omugabo gwaibwe gwa kutwala nsi ebyanda n'ebyanda.

Ensambo 8:14

Ninze agha abantu amagezi ni bakola ebikalamu. Ntegeera era ndi n'amaani.

Isaia 25:1

Wo Musengwa Katonda wange, ndidha kukugulumizanga era nsaakenga eriina lyo. Kuba okoze ebyewuninkiriza, waatuukiriza n'obwesigwa n'amazima ebyo bye wategeka okukola okuva eira.

Isaia 28:29

Amagezi ago goonagoona gava wa Musengwa Katonda Afuga Amagye. Oyo n'omuwi w'amagezi ataloodheka era n'omugezi ekibitiriire, atatuukikaku.

Isaia 5:19

Bakoba bati: “Musengwa Katonda atere ayanguyeeku by'akola tusobole okubibona; Omutukuvu wa Isiraeli oyo akole mangu by'ategeka tusobole okubimanha.”

Yeremia 23:18

Aye nze naakoba nti: “Naani ku balanzi abo eyaali amanhieku Musengwa Katonda by'alowooza mule. Era ezira ku abo yaali awulireku bukwenda bwa Musengwa Katonda, waire okutaayo omwoyo ku ebyo Musengwa Katonda oyo by'akoba.

Yeremia 32:19

Okola entegeka edh'amagezi agataloodheka, era waakola eby'amaani. Obona ebintu byonabyona abantu bye bakola, era waabasasulamu ng'ojiira ku bikolwa byaibwe.

Zekaria 6:13

Oyo n'alizimba eisinzizo eryo, era oyo ye baligha ekitiisa eky'obwakyabazinga, yaaba mufuzi. Ghalibaagho kabona alibanga agho okumpi n'ekityamo kye eky'obwakyabazinga, nga bombi bategeeragana mu miraala.’

Ebikolwa by'Abatume 13:48

Abamaghanga agandi bwe baawulira ebyo, baasangaala, ekibono kya Katonda baakitaamu ekitiisa. Abo abaali balondeibwa okufuna obulamu obutawaagho baikiriza.

Ebikolwa by'Abatume 2:23

Ono yabagheebwa nga Katonda amaze okukiteesa n'okukimanha, era imwe mwakozesa ababi okumwita nga bamukomerera ku musalaba.

Ebikolwa by'Abatume 20:27

Ghazira kye nabagisa, nabakobera Katonda by'abendeza.

Ebikolwa by'Abatume 20:32

“Era mperaano, mbagemya Katonda n'ekibono eky'ekisa kye, ekisobola okubazimba n'okubafunisa omugabo aghalala n'abo boonaboona abatukuzibwa.

Ebikolwa by'Abatume 26:18

Olibazibula amaiso, bagaluke okuva mu nzikiiza baire mu butangaavu, era bave mu buyinza bwa Sitaani baire ye Katonda, basoniyibwe ebibi byaibwe era bafune omugabo n'abo abatukuzibwa olw'okundhikiriza.’

Ebikolwa by'Abatume 4:28

Baakola, ebyo bye watereeza mu maani go n'amagezi go nga biri n'okubaagho.

Ab'e Roma 11:34

Ng'ebyaghandiikibwa bwe bikoba biti: “Naani aidhi Katonda by'alowooza? Naani asobola okuba omuwi w'amagezi y'ali?

Ab'e Roma 8:17

Nga bwe tuli abaana be, tulifuna ebirungi bye yasuubiza abantu be, era tuligabanira ghalala ni Kurisito ebyo Katonda bye yamuterekera. Kuba bwe tudaagiradaagira aghalala ni Kurisito, tulifunira ghalala naye ekitiisa.

Ab'e Roma 8:28

Twidhi nga mu buli kintu Katonda akola olw'obukalamu bw'abo abamugonza, era abaayetebwa nga bwe yayenda.

Ab'e Roma 8:29

Kuba abo be yalonda yabaawula era yaabategeka okufaanana Omwana we, Omwana we oyo abe omuberi mu baganda be kamaala.

Ab'e Roma 8:30

Abo Katonda be yategeka, yabeeta, era abo be yayeta be yafuula abatuukirivu era abo be yafuula abatuukirivu, yabagha ekitiisa.

Ab'e Roma 9:11

Waire baali nga bakaali na kuzaalibwa era nga bakaali na kukolaku kibi oba kikalamu, aye olw'okutuukiriza entegeka ya Katonda ey'okulondaku omwana omulala, nga tajiira ku bikolwa aye nga ajiira ku kweta kwe mwene,

Ab'e Galatia 3:18

Kale oba Katonda agha omuntu ekirabo lwa kutuusa Mateeka, agho kiba nga tikikaali kisuubizo aye ekirabo Katonda kye yagha Aburahamu kyava mu kisuubizo.

Ab'Efeso 1:14

Mwoyo Mutukuvu oyo n'omusingo okukakasa nga tulifuna ebyo Katonda bye yatusuubiza, tusaake ekitiisa kye.

Ab'Efeso 1:18

Abazibule amaiso ag'omwoyo mubone ebyo bye yasuubiza bwe yabeeta, mumanhe obukombe obuli mu ebyo eby'ekitiisa by'abiikira abatuukirivu.

Ab'Efeso 1:5

Olw'okutugonza, yatufuula baana be ng'abita mu Yesu Kurisito, nga bwe yakitutondera mu kusiima kwe.

Ab'Efeso 1:8

kye yatugemerwa. Katonda mu magezi ge goonagoona ni mu kumanha kwe,

Ab'Efeso 1:9

yatumanhisa ekyama eky'ebyo bye yayenda, bye yali yategeka eira okutuukiririza mu Kurisito.

Ab'Efeso 3:11

Katonda yakola kino ng'ajiira ku kigendererwa eky'ebyanda n'ebyanda era kye yatuukiriza mu Kurisito Yesu Musengwa waife.

Amateeka Agokubiri 4:20

Aye imwe yabagemaku, yaabatoola e Misiri ye mwabanga ng'oti n'abali mu muliro ogw'amaani ogusaanuusa ekyuma ekigumu einho. Yaabafuulira irala abantu be nga bwe muli mpegaano.

Ab'e Kolosai 1:12

Mweyanzenga Lata eyatugwaniza okuba aghalala n'abatuukirivu mu butangaavu.

Ab'e Kolosai 3:24

nga mwidhi muti Musengwa n'alibagha empeera, kuba Kurisito ni Musengwa ye mugheereza.

Tito 2:14

Oyo n'eyeeghaayo okutununula mu bibi byaife byonabyona era n'okutufuula abantu be abaamufu abenda einho okukola ebintu ebikalamu.

Tito 3:7

Ekyo yakikola okutugheesa obutuukirivu olw'ekisa kye, tusuubire okugheebwa obulamu obutawaagho.

Abaheburayi 6:17

Kale Katonda bwe yayenda akakase bye yasuubiza, kye yava n'alayira. Yayenda okukakalisa irala abo abalifuna ebyasuubizibwa ati ebyasuubizibwa talibikyusa.

Yakobo 2:5

Aboluganda abagonzi, muwulire kino: Katonda yalonda abaavu ab'oku nsi kuno okuba abakombe mu kwikiriza, era n'okuba mu Bwakyabazinga bwe yasuubiza abo abamugonza.

1 Petero 1:4

Era n'okufuna omugabo ku birungi bya Katonda ebitawaagho, ebitayonooneka era ebitasiiwuuka, ebyabaterekerwa mu igulu.

1 Petero 3:9

Timwesasuuzanga nga mukoleibwa ekibi, oba okuvuma nga muvumiibwa, aye mubasabirenga bwa nkabi kuba kino Katonda kye yabeetera, olwo mufune enkabi.