Ab'Efeso 1:10 - Baibuli Ekibono kya Katonda 2014

¹⁰ Entegeka eyo aligituukiriza ng'ekiseera kyayo kituuse, ng'ayimba ghalala mu Kurisito ebintu byonabyona ebiri mu igulu n'ebiri mu nsi.

Ab'Efeso 1:10 ပူးပေါင်းရင်းမြစ်များ

Amainhama 49:10

Yuda n'anaagemanga omwigo ogw'obwakyabazinga, era baidhukulu be n'abanaafuganga, okutuusa mwene bwakyabazinga lw'aliidha. Era oyo abantu ye banaawuliranga.

Danieli 2:44

Mu biseera eby'abafuzi abo, Katonda ow'eigulu alitaagho obwakyabazinga nga ghazira kisobola kubuzikiriza, era ng'ezira ighanga lisobola kubaghangula. Aye bulimaniangula obwakyabazinga obundi bwonabwona bwabusaaniagho, bwene bwabaagho ebyanda n'ebyanda.

Amosi 9:11

Musengwa Katonda akoba ati: “Olunaku lwidha kutuuka ndhizeegho obwakyabazinga bwa Daudi, nga bwe bwalinga mu biseera Daudi mwe yabeera kyabazinga kuba buti buli ng'oti n'endhu eyagwa. Kale nja kuzimba ebimante byayo buyaaka, ngiizeegho nga bwe yalinga eira.

Malaki 3:1

Agho Musengwa Katonda Afuga Amagye yaabairamu ati: “Bona eno, ndituma omukwenda wange yantegekera engira mwe ndibita. Olwo Musengwa Katonda ye muli kwagala alibazinduukiriza nga timwetegeike, yaidha mu isinzizo lye. Era omukwenda oyo ye mwegomba okubona, aliidha yaalangirira endagaano yange.”

Matayo 25:32

Amaghanga goonagoona galyesololeza mu maiso ge, era yaabaawulamu, ng'omwayi bw'ayawula entaama mu mbuzi,

Mariko 1:15

Era ng'akoba ati: “Obwire butuuse, Obwakyabazinga bwa Katonda buseese, mwenenie era mwikirize Amawulire Amalungi.”

1 Ab'e Korintho 10:11

Bino byonabyona byabatuukaku bibe eby'okuboneraku eri abandi, era byaghandiikibwa olw'okutwegeresa ife abaligho mu biseera bino ng'ensi eri kumpi okutuuka ku nkomerero.

1 Ab'e Korintho 11:3

Aye nhenda mumanhe nga Kurisito n'afuga buli musaadha, omusaadha n'afuga mukazi we, era Katonda n'afuga Kurisito.

Ab'e Galatia 4:4

Aye ekiseera ekironde bwe kyatuuka, Katonda yaatuma Omwana we mwene. Yaazaalibwa omukazi era yaafugibwa Amateeka,

Ab'Efeso 1:22

Katonda yata ebintu byonabyona mu bufuzi bwa Kurisito, yaamufuula omutwe ogw'ekikunsu eky'abamwikiriza mu byonabyona.

Ab'Efeso 2:15

Yaadibya eiteeka ni byonabyona bye lyalagiranga, atondegho mu mwene, omuntu mulala mu kifo ky'ababiri, olwo aleete emiraala.

Ab'Efeso 3:15

ebika byonabyona eby'omu igulu n'eby'oku nsi mwe bisimuka.

Ab'Efeso 3:2

Ndhuuba nti mwawulira nga Katonda olw'ekisa kye yangemya omulimo guno ku lwaimwe.

Ab'e Kolosai 1:16

Mu oyo ebintu byonabyona mwe byatonderwa: Ebiri mu igulu, ebiri mu nsi, ebiboneka, n'ebitaboneka. Ka bibe bityamo bya bakyabazinga oba bakyabazinga beene, oba abaami oba ab'obuyinza ebintu byonabyona byatonderwa mu oyo, era ku lulwe.

Ab'e Kolosai 1:20

era abite mu oyo okwiza ebintu byonabyona y'ali ka bibe ebiri mu igulu oba ebiri ku nsi. Katonda atyo bwe yaleeta emiraala ng'abita mu kufa kw'Omwana we ku musalaba.

Ab'e Kolosai 3:11

Olwo ghabe nga tighakaali kuboola oti ono Mugureki, ono Muyudaaya, ono mukekete, ate ono ti mukekete, ono wa ighanga lindi, ono ti mugundhufu, ono mwiru, ate ono ti mwiru. Kurisito n'ali byonabyona era n'ali mu byonabyona.

Abaheburayi 1:2

Aye mu nnaku dhino edhisembayo yaayogera n'ife ng'abita mu Mwana we, ye yataagho okuba mwene bintu byonabyona, era ye yabitamu okutonda ensi.

Abaheburayi 11:40

Kuba Katonda yatutegekera ekisinga obukalamu, abo balobe kufuulibwa batuukiriire okutuusa nga twena tubeeyimbyeku.

Abaheburayi 9:10

Bino byakomanga ku bya ku ngulu ebigema ku kulya, ni ku kunhwa, ni ku bulombolombo obw'okwetukuza, ebyali eby'okubaagho okutuusa ku kiseera eky'okwiza ebintu byonabyona obuyaaka.

1 Petero 1:20

Kurisito oyo yalondebwa nga n'ensi ekaali kutondebwa, aye yaaboneka mu biseera bino ebisembayo ku lwaimwe.

Okwolekebwa 5:9

Baayemba olwembo oluyaaka, bati: “Ogwaine okutoola enzingo ey'ekitabo n'okukakampula obumanhiso obugisibye, kuba waitibwa era waanunulira Katonda abantu, aba kiisi kika, kiisi lulimi, kiisi luse, na kiisi ighanga.