Abalevi 9:4 - Baibuli Ekibono kya Katonda 2014

⁴ n'ente era n'entaama, nga dhombi nume, dhibe ekigheebwayo olw'okutabagana. Bino bali n'okubighaayo ng'omusengo mu maiso ga Musengwa Katonda, aghalala n'ekigheebwayo eky'emere ey'empeke ekitabwirwamu omuzigo. Bali n'okukola batyo, kuba Musengwa Katonda aidha kubabonekera olwaleero.”

Abalevi 9:4 ပူးပေါင်းရင်းမြစ်များ

Okuvaayo 16:10

Aaroni bweyali ali kwogera eri Abaisiraeli, baaja okulinga bati mu irungu, nga babona ekitiisa kya Musengwa Katonda nga kibonekera mu kire.

Okuvaayo 19:11

olwadhuuzi babe nga beetegefu, kuba ku olwo nze Musengwa Katonda ndiika ku lusozi Sinai ng'abantu boonaboona babona.

Okuvaayo 24:16

Olusozi Sinai lwaidhula ekitiisa kya Musengwa Katonda era ekire kyalughembaku okumala enaku mukaaga. Ku lunaku olwomusanvu Musengwa Katonda ng'ali mu kire, yaayeta Musa.

Okuvaayo 29:43

Mu kifo ekyo mwe ndidha okwagaanananga n'Abaisiraeli boonaboona, era ekitiisa kyange kiidha kukifuulanga kitukuvu.

Ezekieli 43:2

Okuja okulinga nti nga mbona okumesunkana okw'ekitiisa kya Katonda wa Isiraeli, nga kuli kuva e buvandhuba. Yaidha n'omuvuuma nga guli ng'oti mpiriito ya maadhi, ensi yaayakaayakana olw'ekitiisa kye.

Ezekieli 43:27

Bwe balimala okukola batyo mu nnaku omusanvu edho, olwo okuviira irala ku lunaku olwomunaana n'okweyongerayo, bakabona baligheerangayo ku alutaari eyo ebigheebwayo byaimwe ebyokebwa, n'ebigheebwayo olw'okutabagana. Era nze ndibasiimanga imwe abantu bange. Nze Musengwa Katonda ninze nkobye.”

Abalevi 2:1

“Omuntu yeenayeena bw'anaabanga ng'ali kughaayo ekigheebwayo eky'emere ey'empeke eri Musengwa Katonda, emere anaamalanga kugisa bukalamu, yaateeraku n'omuzigo, n'obubbaani.

Abalevi 3:1

“Omuntu bw'anaaghangayo ekigheebwayo olw'okutabagana, aidha kughangayo ente enkazi oba enume ng'eziraku kikyamu kyonakyona.

Abalevi 9:23

Musa ni Aaroni baingira mu Weema ey'Okwagaananirangamu ni Musengwa Katonda. Bwe baafuluma, baasabira abantu enkabi, era ekitiisa kya Musengwa Katonda ekimesunkana kyabonekera abantu boonaboona.

Abalevi 9:3

Era okobe Abaisiraeli batwale embuzi enume, ebe ekigheebwayo olw'ebibi, n'ente ento ey'omwaka omulala, n'entaama ento ey'omwaka omulala, dhombi nga dhiziraku kikyamu kyonakyona, dhibe ekigheebwayo ekyokebwa,

Abalevi 9:5

Ebyo byonabyona Musa bye yalagira, baabireeta emberi w'Eweema ey'Okwagaananirangamu ni Musengwa Katonda. Abaisiraeli boonaboona baaseeta, baayemerera mu maiso ga Musengwa Katonda.

Abalevi 9:6

Musa yaakoba ati: “Musengwa Katonda abalagiire okukola kino, memale ekitiisa kye ekimesunkana kibabonekere.”

Okubala 14:10

Aye abantu boonaboona abeesoloza baayenda bwa kubakuba mabaale. Agho ekitiisa kya Musengwa Katonda kyabonekera Abaisiraeli boonaboona ku Weema ey'Okwagaananirangamu ni Musengwa Katonda.

Okubala 16:19

Kora yaasoloza abantu boonaboona, baayemerera ku mulyango ogw'Eweema eyo nga balingiriire Musa ni Aaroni. Agho ekitiisa kya Musengwa Katonda kyabonekera abantu boonaboona.