Abalevi 8:35 - Baibuli Ekibono kya Katonda 2014

³⁵ Muteekwa okusigala ku mulyango gw'Eweema ey'Okwagaananirangamu ni Musengwa Katonda, okumala enaku musanvu, okutuukiriza ekiragiro kya Musengwa Katonda, memale mulobe kufa, kuba atyo Musengwa Katonda bweyandagira.”

Abalevi 8:35 ပူးပေါင်းရင်းမြစ်များ

1 Bakyabazinga 2:3

Otuukirizanga ebyo byonabyona Musengwa Katonda wo by'ayenda okole, ng'ojiira ku ebyo by'akukoba mu mateeka ge ni mu biragiro bye, nga bwe byaghandiikibwa mu Mateeka ga Musa. Olwo obenga n'enkabi mu byonabyona by'onaakolanga, ni yoonayoona y'onaajanga.

Okuvaayo 29:35

“Oidha kukola omukolo ogw'okwawula Aaroni ni batabane, ogwidha okutwala enaku omusanvu, ng'ojiira ku ebyo byonabyona bye nkulagiire.

Ezekieli 43:25

Olimala enaku musanvu nga buli lunaku otoola mu byayo byo, embuzi, n'ente enume, n'entaama enume, nga dhoonadhoona dhiziraku kikyamu kyonakyona, waadhitaagho dhibe ekigheebwayo olw'ebibi.

Ezekieli 48:11

Era kiriba kya bakabona Abalevi abaatukuzibwa nga ba ku nda ya Zadoki, abaasigala nga bakampeereza mu isinzizo lyange n'obwesigwa, mu kiseera Abaisiraeli abandi boonaboona kye banviiraku ni badaaliima, ng'oti n'Abalevi abandi bwe baakola.

Abalevi 10:1

Agho Nadabu ni Abihu batabane ba Aaroni, baatoola ebiniokezebwaku obubbaani, buli mulala ekikye, baabitaamu omuliro baataaku obubbaani, baabuniokeza mu maiso ga Musengwa Katonda. Aye omuliro ogwo tigwali mutukuvu, kuba Musengwa Katonda ti n'eyabalagira okuguleeta.

Abalevi 14:8

Omuntu oyo aja okutukuzibwa anaayozanga ebivaalo bye, yaamwaku enviiri dhoonadhoona, yaanaaba, olwo yaabalibwa nga mulongoofu, memale yaaja eri weema edh'abatali balwaire. Aye anaamalanga enaku musanvu ng'ali ku luya lwa weema ye.

Abalevi 8:30

Musa yaatoola ku muzigo ogusiigibwa, ni ku musaayi ogwali ku alutaari, yaagumansira ku Aaroni ni ku bivaalo bye, era ni ku batabane be, ni ku bivaalo byaibwe. Mu nsambo eyo yaayawula Aaroni ni batabane be baaba ba Musengwa Katonda, ghalala n'ebivaalo byaibwe.

Abalevi 8:34

Musengwa Katonda n'eyatulagira okukola ebyo bye tukoze olwaleero, olw'okutoolagho ebibi byaimwe.

Abalevi 8:36

Kale, Aaroni ni batabane be baakola byonabyona Musengwa Katonda bye yalagira ng'abita mu Musa.

Okubala 19:12

Ku lunaku olwokusatu ni ku lunaku olwomusanvu aidha kunaabanga n'amaadhi ag'okwetukuza, memale abenga omulongoofu. Aye bw'ateetukuzenga ku nnaku edho dhombi, olwokusatu n'olwomusanvu, taabenga mulongoofu.

Okubala 3:7

Baidha kukolanga mu Weema ey'Okwagaananirangamu ni Musengwa Katonda, nga bagheereza kabona Aaroni oyo era n'abantu abandi boonaboona.

Okubala 9:19

Ekire ekyo ni bwe kyasigalanga nga kikaaghembye ku Weema eyo okumala ekiseera ekireeyi, Abaisiraeli bagonderanga ekiragiro kya Musengwa baasigala mu kifo kirala ekyo.

2 Ab'e Korintho 7:1

Bakagwa, nga bwe tuli n'ebisuubizo bino, ka twenaazeeku buli kintu kyonakyona ekyonoona omubiri n'omwoyo, tube mu bulamu obutuukiriire nga tutya Katonda.

Amateeka Agokubiri 11:1

Musa yaakoba Abaisiraeli ati: “Mugonzenga Musengwa Katonda waimwe buliidho, era mutuukirizenga byonabyona by'ayenda mukole: amateeka ge, n'ebiragiro bye, n'okulamba kwe.

1 Timotheo 1:18

Mwana wange Timotheo, bye nkulagira bijiira ku bibono eby'abalanzi bye baakwogeraku eira. Idhukiranga ebibono ebyo, memale oghange okulwana obukalamu,

1 Timotheo 5:21

Nkusikirira mu maiso ga Katonda, ni Kurisito Yesu, ni bamalaika abatukuvu, ojiirenga ku biragiro bino buliidho, aghazira kwekubira oba okusaliriza.

1 Timotheo 6:13

Ndi kukusikirira mu maiso ga Katonda agha byonabyona obulamu, n'aga Kurisito Yesu eyayatula okwikiriza mu maiso ga Pontio Pilato,

1 Timotheo 6:17

Labula abakombe ab'oku nsi kuno, balobe kweghanika, waire okwesiga obukombe obutali bwa lubeerera, aye beesige Katonda atugha byonabyona ebitusangaaza.

1 Timotheo 6:20

Timotheo, kuumanga bukalamu bye wagemesebwa. Oteeyimbanga mu mpayo edh'abatatya Katonda, ni mu kutakana ebiziramu, abandi kwe beeta amagezi

2 Timotheo 4:1

Nkusikirira mu maiso ga Katonda ni Kurisito Yesu, aja okusalira abalamu n'abafu omusango, era aja okwira okufuga nga Kyabazinga.

Abaheburayi 7:28

Amateeka gataagho abantu mu bunafu bwaibwe okuba abakulu ba bakabona, aye ekibono eky'ekirayiro ekyaidha oluvainhuma ng'Amateeka galigho, kyataagho Mwana eyafuulibwa atuukiriire ebyanda n'ebyanda.