Abalevi 8:33 - Baibuli Ekibono kya Katonda 2014

³³ Mutava ku mulyango gwa Weema ey'Okwagaananirangamu ni Musengwa Katonda, okumala enaku musanvu, okutuusa emikolo egy'okwawulibwa kwaimwe lwe girimalirizibwa.

Abalevi 8:33 ပူးပေါင်းရင်းမြစ်များ

Okuvaayo 29:30

Mutabane oyo aidha kufuukanga kabona mu kifo kye, aidha kuvaalanga ebivaalo ebyo okumala entangama ya nnaku musanvu ng'aidhie mu Weema ey'Okwagaananirangamu ni Musengwa Katonda okukola emirimo egy'obwakabona mu Kifo Ekitukuvu.

Okuvaayo 29:35

“Oidha kukola omukolo ogw'okwawula Aaroni ni batabane, ogwidha okutwala enaku omusanvu, ng'ojiira ku ebyo byonabyona bye nkulagiire.

Abalevi 14:8

Omuntu oyo aja okutukuzibwa anaayozanga ebivaalo bye, yaamwaku enviiri dhoonadhoona, yaanaaba, olwo yaabalibwa nga mulongoofu, memale yaaja eri weema edh'abatali balwaire. Aye anaamalanga enaku musanvu ng'ali ku luya lwa weema ye.

Abalevi 15:13

“Ow'obulwaire obwo bw'anaawonanga obulwaire obwo, anaateegangaku enaku musanvu okwetukuza, memale yaayoza ebivaalo bye era yaanaaba omubiri mu maadhi agaviire mu nsulo edhikuuluula, olwo yaaba mulongoofu.

Abalevi 8:34

Musengwa Katonda n'eyatulagira okukola ebyo bye tukoze olwaleero, olw'okutoolagho ebibi byaimwe.

Okubala 19:12

Ku lunaku olwokusatu ni ku lunaku olwomusanvu aidha kunaabanga n'amaadhi ag'okwetukuza, memale abenga omulongoofu. Aye bw'ateetukuzenga ku nnaku edho dhombi, olwokusatu n'olwomusanvu, taabenga mulongoofu.