Abalevi 8:23 - Baibuli Ekibono kya Katonda 2014

²³ Musa oyo yaagiita, yaatoolaku omusaayi ogundi yaagusiiga ku ntobo ya kutu wa Aaroni ow'oku mukono omusaadha, ni ku kyala kye ekisaadha eky'oku mukono omusaadha, ni ku kigere kye ekisaadha eky'oku mukono omusaadha.

Abalevi 8:23 ပူးပေါင်းရင်းမြစ်များ

Okuvaayo 29:20

memale ogiite. Olwo oidha kutoola ku musaayi gwayo ogundi ogusiige ku ntobo ya kutu ow'oku mukono omusaadha ow'Aaroni n'owa buli mutabane, ni ku byala byaibwe ebisaadha eby'oku mikono gyaibwe emisaadha, ni ku bigere byaibwe ebisaadha eby'oku migulu gyaibwe emisaadha. Olwo otoole omusaayi ogunaasigalagho ogumansire ku ndhuyi dhoonadhoona edh'alutaari.

Okuvaayo 29:21

Agho oidha kutoola ku musaayi ogunaaba ku alutaari, ni ku muzigo ogusiigibwa, byombi obimansire ku Aaroni ni ku bivaalo bye, ni ku batabane ni ku bivaalo byaibwe. Olwo onaaba otukwiza Aaroni n'ebivaalo bye, ni batabane n'ebivaalo byaibwe.

Abalevi 14:14

“Kabona anaatoolanga ku musaayi ogw'ekigheebwayo ng'omutango, yaagusiiga ku ntobo ya kutu ow'oku mukono omusaadha, ni ku kyala ekisaadha, ni ku kigere ekisaadha eky'oku mugulu omusaadha, ogw'oyo aja okulangirirwa ng'omulongoofu.

Abalevi 14:17

Anaatoolanga ku muzigo ogunaabanga nga gusigairegho mu ngalo dhe, ni ku musaayi ogw'ekigheebwayo ng'omutango, yaagusiiga ku ntobo ya kutu ow'oku mukono omusaadha, ni ku kyala ekisaadha eky'oku mukono omusaadha, ni ku kigere ekisaadha eky'oku mugulu omusaadha, ogw'oyo aja okulangirirwa nga mulongoofu.

Abalevi 14:25

Anaitanga entaama ento eyo, yaatoola ku musaayi gwayo yaagusiiga ku ntobo ya kutu ow'oku mukono omusaadha, ni ku kyala ekisaadha eky'oku mukono omusaadha, ni ku kigere ekisaadha eky'oku mugulu omusaadha ogw'oyo aja okulangirirwa nga mulongoofu.

Abalevi 14:28

Anaatoolanga ku muzigo ogwo, yaagusiiga ku ntobo ya kutu ow'oku mukono omusaadha, ni ku kyala ekisaadha eky'oku mukono omusaadha, ni ku kigere ekisaadha eky'oku mugulu omusaadha, ogw'oyo aja okulangirirwa nga mulongoofu.

Abalevi 7:37

Ago n'amateeka agafuga ebigheebwayo ebyokebwa, n'ebigheebwayo eby'emere ey'empeke, n'ebigheebwayo olw'ebibi, n'ebigheebwayo ng'omutango, n'ebigheebwayo olw'okwawulibwa, n'ebigheebwayo olw'okutabagana.

Ab'e Roma 12:1

Kale ni aboluganda mbeeghemba olw'ekisa kya Katonda, mwegheeyo ng'omusengo omulamu omutukuvu era ogwikirizibwa Katonda. Okwo n'okumusinza okw'amazima.

Ab'e Roma 6:13

Timughangayo bitundu bya mibiri gyaimwe y'ekibi okubikozesa mu kwonoona. Aye mweghengayo ye Katonda oti n'abantu abaviire mu kufa ni baira mu bulamu, era mwegheereyo irala ye Katonda abakozesenga ebikolwa eby'obutuufu.

Ab'e Roma 6:19

Ndhogera ng'omuntu obuntu, olw'obunafu obw'okutegeera kwaimwe. Ng'era bwe mweghangayo ni muba abairu mu kukola eby'eiko ni mu kwonoona, ni mukola ebibi, kale ni mperaano mwegheereyo irala ng'abairu ab'obutuufu, musobole okutukuzibwa.

1 Ab'e Korintho 1:2

Tughandiikira Ekikunsu eky'Abaikiriza mu Kurisito ekya Katonda ekiri mu Korintho abo boonaboona abaayetebwa okuba abatuukirivu mu Kurisito Yesu, ghalala n'abantu boonaboona abali buli ghantu, abeeghemba mu liina lya Yesu Kurisito Musengwa waibwe era owaife.

1 Ab'e Korintho 1:30

Katonda oyo n'ensimuko ey'obulamu bwe muli nabwo mu Kurisito Yesu. Kurisito oyo Katonda ye yafuula amagezi gaife, era oyo n'atufuula abatuufu eri Katonda, era n'atutukuza, era oyo n'okununulibwa kwaife.

1 Ab'e Korintho 6:20

Katonda yamala okubagula, kale mugheese Katonda ekitiisa n'emibiri gyaimwe.

Ab'e Filippi 1:20

Kye nandyenze einho era kye nsuubira n'ekyo nti ndobe kuswala naire, aye mpeesenga Kurisito ekitiisa mu bulamu bwange nga ndi mugumu inho, mperaano ni buliidho, ni bwe mba omulamu, oba ni bwe nfa.

Ab'e Filippi 2:17

Omusaayi gwange ni bwe guyuyibwa ni gutabulwa n'omusengo gwe mughaayo olw'okwikiriza kwaimwe, nsangaala era nsagambira ghalala n'imwe mwenamwena.

1 Ab'e Thessalonika 5:22

aye mulobenga kukola kibi kyonakyona.

Abaheburayi 2:10

Kuba kyali kituufu Katonda eyatonda ebintu byonabyona era n'abibeesaagho, okuleeta abaana be kamaala mu kitiisa. Kye yava n'abona nga kigwaine oyo abakulembera okubatuusa ku bulokozi okumufuula atuukiriire, ng'amubisa mu kudaazibwadaazibwa.

Abaheburayi 5:8

Waire yali Mwana wa Katonda, yayega obuwulize olw'okudaazibwadaazibwa kwe yabitamu.