Abalevi 8:14 - Baibuli Ekibono kya Katonda 2014

¹⁴ Agho Musa yaaleeta ente egheebwayo olw'ebibi, Aaroni ni batabane be baata emikono gyaibwe ku mutwe gwayo.

Abalevi 8:14 ပူးပေါင်းရင်းမြစ်များ

Zabbuli 66:15

Ndidha kukughanga ensolo empiite ensavu ng'ebigheebwayo ebyokebwa; era ndidha kughangayo embuzi n'ente enume, aghalala n'entaama enume, memale omwosi gwabyo gunioke nga guja ghaigulu.

Isaia 53:10

Musengwa Katonda akoba ati: “Ninze namuleetera okumunuubulanuubula, era naamuleetera okwetwika obughafu bwaimwe; kuba bw'aghaayo obulamu bwe ng'ekigheebwayo olw'ebibi, alibona abaidhukulu abamusimukamu, yaayongera ku nnaku dhe edh'oku nsi. Olwo bye nhenda byaba nga bituukirizibwa mu oyo.

Ezekieli 43:19

bakabona Abalevi ab'oku nda ya Zadoki, nga ni bonka abaseeta ye ndi okumpeereza, olibagha ente enume ng'ekigheebwayo olw'ebibi. Nze Musengwa Katonda ninze nkobye.

Ezekieli 43:20

Olitoola ku musaayi gwayo waagusiiga ku bintu bire ebiri ng'oti mayiga ga nsolo ebiri ku alutaari eyo, waagusiiga ni ku nsonda eina edh'omugo gwayo era ni ku mugo ogwo gwene okugwezunguluza. Mu nsambo eyo oliba ogitoireku okuba nga ti nongoofu, waagitukuza.

Ezekieli 44:27

memale yaaghangayo ekigheebwayo olw'ebibi ekikye, ku lunaku lw'anaingirirangaku mu luya olw'omunda olw'eisinzizo okugheereza. Nze Musengwa Katonda ninze nkobye.

Abalevi 1:4

Omuntu oyo aidha kutanga omukono gwe ku mutwe gwayo, olwo Musengwa Katonda asiimenga omusengo gwe, olw'okutoolebwaku ebibi bye.

Abalevi 16:21

Anaatanga emikono gye gyombi ku mutwe gw'embuzi eyo enamu, yaalaamiriza ng'ayatula ebyonoono n'ebibi eby'Abaisiraeli n'obudheemu bwonabwona yaabisindika ku mutwe gwayo, olwo yaagisindiikiriza mu irungu ng'etwalibwa omuntu eyategekebwa okukola ekyo.

Abalevi 16:6

Aaroni oyo aidha kughangayo ente enume eyiye ku bubwe ey'ekigheebwayo olw'ebibi, olwa mwene n'olw'ab'endhu ye okutoolebwaku ebibi.

Abalevi 4:15

Era abakulu ab'ebikunsu banaatanga emikono gyaibwe ku mutwe gwayo, nga bali mu maiso ga Musengwa Katonda, era baagiitira agho.

Abalevi 8:2

“Twala Aaroni ni batabane be, otwale n'ebivaalo, n'omuzigo ogusiigibwa, n'ente ey'ekigheebwayo olw'ebibi, n'entaama enume eibiri, n'ekiibo ekirimu emigaati egitazimbulukusiibwa.

Okubala 8:12

Agho Abalevi baidha kugema ku mitwe egy'ente enume dhombi, eyindi mugigheeyo ng'ekigheebwayo olw'ebibi ate eyindi mugigheeyo ng'ekigheebwayo ekyokebwa. Olwo Abalevi batoolebweku ebibi byaibwe.

Ab'e Roma 8:3

Amateeka kye gataasobola kukola olw'obunafu bw'obuntu Katonda yakikola. Yaasingisa ekibi ekiri mu mubiri omusango, bwe yatuma Omwana we mwene ng'ali n'omubiri ogufaananira irala n'omubiri ogukola ebibi, aidhe aghangule ekibi.

2 Ab'e Korintho 5:21

Kurisito tiyali na kibi, aye ku lwaife Katonda yamutaaku ebibi byaife tusobole okubita mu oyo okugabana ku butuufu bwa Katonda.

1 Petero 3:18

kuba ni Kurisito atyo bwe yafa olw'ebibi byaife omukuzi mulala guti era yaamala. Oyo aziraku kibi yaafiirira aboonooni, olwo atutuuse ye Katonda. Yaitibwa mu mubiri aye yairizibwa obulamu mu mwoyo.