Abalevi 7:34 - Baibuli Ekibono kya Katonda 2014

³⁴ Ekifuba ekigheebwayo nga kiwuubibwa n'ekisambi ekigheebwa kabona nga kitoolebwa ku musengo ogugheebwayo olw'okutabagana, mbitoire ku Baisiraeli okuva ku misengo gye baghaayo olw'okutabagana, naabigha Aaroni n'abaana be. Bino Abaisiraeli banaateekwanga okubigha bakabona enaku dhoonadhoona.

Abalevi 7:34 ပူးပေါင်းရင်းမြစ်များ

Okuvaayo 29:26

“Bw'omala oidha kutoola akafumito ak'entaama eyo enume egheebwayo olw'okwawulibwa kwa Aaroni, ogiwuube ebe ekigheebwayo ye ndi nga kiwuubibwa. Ekitundu ekyo eky'ensolo n'ogunaabanga omugabo gwo.

Okuvaayo 29:9

obasibe enkoma mu nkende era obavaaze n'enkuufiira ku mitwe. Otyo bw'oidha okwawula Aaroni ni batabane babe bakabona. Era obwakabona bwidha kubanga bwaibwe olw'ekiragiro ekitaja kuvaagho.

Abalevi 3:17

Mutalyanga ku masavu oba ku musaayi; eryo n'erinaabanga eiteeka ery'olubeerera, lye munaakuumanga buli ghe munaabanga enaku dhoonadhoona.”

Abalevi 7:33

Kabona oyo ow'oku lulyo lwa Aaroni ow'okwokyanga amasavu era n'okumansiranga omusaayi ogw'ekigheebwayo ekyo, n'anaatwalanga ekisambi ekyo ng'omugabo gwe.

Okubala 5:9

Era kiisi kigheebwayo ekitukuvu eri Musengwa Katonda, Abaisiraeli kye banaaghangayo, kinaabanga kya kabona oyo ye bakigemeisa.

Okubala 6:20

Era kabona anaabiwuubanga mu maiso ga Musengwa Katonda ng'ekigheebwayo nga kiwuubibwa. Ebintu ebyo ghalala n'akafumito akawuubibwa n'ekisambi ekigheebwayo, biidha kwawulwangaku bibe bya kabona. Olumaliira lw'ebyo Omunaziri anaabanga wa idembe okunhwa ku mwenge ogw'emizabbibu.

Okubala 8:11

era Aaroni aidha kubaghaayo ye ndi ng'ekigheebwayo ekiwuubibwa eky'Abaisiraeli, olwo gube mulimo gwaibwe okumpeereza.

Amateeka Agokubiri 18:3

“Guno n'omugabo abantu abali kughaayo omusengo, gwe banaaghanga bakabona: bw'enaabanga ente oba entaama, banaaghanga bakabona omukono, n'emba dhombi, n'ebyenda.