Abalevi 7:32 - Baibuli Ekibono kya Katonda 2014

³² Era ekisambi eky'oku luuyi olw'omukono omusaadha kyona munaakighanga kabona, kyaba ekigheebwa kabona oyo nga kitoolebwa ku musengo ogugheebwayo olw'okutabagana.

Abalevi 7:32 ပူးပေါင်းရင်းမြစ်များ

Okuvaayo 29:27

“Era ku ntaama enume eyo egheebwayo olw'okwawulibwa kw'Aaroni ni batabane, oidha kutukuzaaku akafumito kaayo, n'ekisambi kyayo, byombi bibe ekigheebwayo nga kiwuubibwa.

Abalevi 10:14

Aye ekifuba ekigheebwayo nga kiwuubibwa, n'ekisambi ekigheebwayo obugheebwe, iwe ni batabane bo ni baghala bo, munaabanga ba idembe okubiriira mu kifo kyonakyona ekirongoofu, kuba ebyo bikugheebwa iwe n'abaana bo, nga n'omugabo gwaimwe bakabona, ku misengo egigheebwayo Abaisiraeli olw'okutabagana.

Abalevi 7:33

Kabona oyo ow'oku lulyo lwa Aaroni ow'okwokyanga amasavu era n'okumansiranga omusaayi ogw'ekigheebwayo ekyo, n'anaatwalanga ekisambi ekyo ng'omugabo gwe.

Abalevi 7:34

Ekifuba ekigheebwayo nga kiwuubibwa n'ekisambi ekigheebwa kabona nga kitoolebwa ku musengo ogugheebwayo olw'okutabagana, mbitoire ku Baisiraeli okuva ku misengo gye baghaayo olw'okutabagana, naabigha Aaroni n'abaana be. Bino Abaisiraeli banaateekwanga okubigha bakabona enaku dhoonadhoona.

Abalevi 9:21

Aye ebifuba n'ebisambi eby'oku mukono omusaadha eby'ensolo edho, yaabighaayo eri Musengwa Katonda ng'abiwuuba, byaba ekigheebwayo mu maiso ga Musengwa Katonda nga kiwuubibwa ebintu ebyo biba bya bakabona, nga Musa bweyalagira.

Okubala 5:9

Era kiisi kigheebwayo ekitukuvu eri Musengwa Katonda, Abaisiraeli kye banaaghangayo, kinaabanga kya kabona oyo ye bakigemeisa.

Okubala 6:20

Era kabona anaabiwuubanga mu maiso ga Musengwa Katonda ng'ekigheebwayo nga kiwuubibwa. Ebintu ebyo ghalala n'akafumito akawuubibwa n'ekisambi ekigheebwayo, biidha kwawulwangaku bibe bya kabona. Olumaliira lw'ebyo Omunaziri anaabanga wa idembe okunhwa ku mwenge ogw'emizabbibu.

Amateeka Agokubiri 18:3

“Guno n'omugabo abantu abali kughaayo omusengo, gwe banaaghanga bakabona: bw'enaabanga ente oba entaama, banaaghanga bakabona omukono, n'emba dhombi, n'ebyenda.

1 Samueli 9:24

Agho omufumbi yaaleeta ekisambi n'ebyakiriku, yaakita mu maiso ga Saulo. Samueli yaakoba Saulo ati: “Eno n'emamba ye nakugisiire. Girye, kuba nagitoireku naagikugisira, oghange okugirya mu kaseera kano ghalala n'abageni be nayese.”