Abalevi 6:4 - Baibuli Ekibono kya Katonda 2014

⁴ Ole anaakolanga ekibi ku ebyo ebyogeirwaku, era abantu ni bamanha ng'ali n'omusango, anaizangagho ekintu ekyo kye yanhaga, oba ekyo kye yafuna mu kuguyaguya, oba ekyo Muisiraeli mwine kye yamulekera ng'omusingo n'aloba okukimwiriza, oba ekyo ekyabula n'akyeiriza ng'akiboine,

Abalevi 6:4 ပူးပေါင်းရင်းမြစ်များ

Amainhama 21:25

Aburahamu yeemuluguunhiza Abimeleki olw'ensulo ye abairu ba Abimeleki ye baali nga banhaze obunhage.

Nehemia 5:11

Mubairize olwaleero luno ebyo bye mubaire mubakakanga babaghe: enimiro dhaibwe, n'amasamba gaibwe ag'emizabbibu, n'ag'emiti emyoliva, n'endhu dhaibwe, n'ekitundu ekirala ekirala ku buli bitundu kikumi eby'empiiya dhe bafuna, n'engaano, n'omwenge ogw'emizabbibu, n'omuzigo ogw'emiti emyoliva.”

Yobu 20:19

olw'okuba yatuntuza abaavu yaabalekulira agho, yaanhaga endhu dh'ataazimba.

Yobu 24:2

Ghaligho abaiba eitaka lya banaibwe, baalyetwalira, baanhaga ensolo, baadhaaya ng'edhaibwe.

Isaia 59:6

Aye enkwe dhaimwe tidhiribaviiramu kalungi. Dhiriba ng'oti lugoye olukoleibwa mu wuuzi dha nabumbuli, oluzira muganhulo naire.

Ezekieli 18:12

yaakiriga abaavu n'abali mu bwetaavu, yaakola obunhazi, yaaloba kwiriza muntu eyamwewolaku musingo gwe, yaasinza ebyo ebitali nze Katonda, yaakola ebyenhinhalwa,

Ezekieli 18:18

Aye ise olw'okuba yali mukupankupania, ng'anhaga ku bantu ebyaibwe era ng'akola ebitali birungi, alifa olw'ebibi bye yakola.

Ezekieli 18:7

Atafufunkiriza muntu yeenayeena, era atanhaga kintu kyonakyona ku muntu. Airiza eyamwewolaku omusingo gwe, n'agha omuyala eky'okulya, era n'agha ali amadu eky'okuvaala.

Ezekieli 33:15

ng'airiza eyamwewolaku omusingo gwe, yairiza omuntu ebintu bye yamunhagaku, yaajiira ku mateeka agagha obulamu, era ng'azira kibi ky'akola, bwenebwene talifa, aliba mulamu.

Ezekieli 44:19

Bwe banaabanga nga bafuluma okuja mu luya olw'okuliya eri abantu, baidha kutoolangamu ebivaalo bye bakozesa mu kugheereza babirekenga mu bisenge ebitukuvu, bamale baavaalenga ebivaalo ebindi. Olwo ebivaalo byaibwe ebitukuvu birobenga kukola kabi ku bantu.

Abalevi 24:18

N'oyo aitanga ensolo etali yiye, aliyiranga mwene yo eyindi enamu. Obulamu busasulwa bulamu.

Abalevi 24:21

Aitanga ensolo, agirighangamu eyindi enamu. Oyo aitanga omuntu, yeena aitibwanga.

Abalevi 4:12

binaatwalibwanga kuliya kw'ekifo abantu kye baasimbamu weema dhaibwe, mu kifo ekirongoofu kye bafukamu eivu. Eyo ye banaabyokeranga n'omuliro ku nku.

Amosi 3:10

Musengwa Katonda akoba ati: “Abantu abo tibaidhi kukolera ku butuufu, okutoolaku okwidhuza endhu dhaibwe ebintu ebinhage n'ebiibe.

Mika 2:2

Bwe beegwaniza omusiri, nga bagunhaga, oba ndhu, nga batwala butwale. Era nga bwebabisa ebintu eby'omuntu, n'omuntu mwene yeena bwe bamubisa.

Zefania 1:9

Ku lunaku olwo, nja kubonereza abo boonaboona abasinza mu nsinza ey'abamaghanga agandi, era ni baidhuza endhu ya musengwa waibwe omunhago gwe bafuna mu kwiba ni mu kutemula.”

Malaki 1:13

Mukoba muti, ‘Bino nga tubikooye’, era mwaneesimooza. Mwaleeta ensolo dhe munhaze obunhage, oba enema, oba endwaire, mwadhighaayo ye ndi ng'ebigheebwayo byaimwe. Olwo mulowooza muti nze Musengwa Katonda nsobola okusiima ebigheebwayo ng'oti n'ebyo, ebiva mu ngalo dhaimwe?

Okubala 5:7

Aidha kwatulanga ekibi kye ky'akoze, aghengayo omutango omwidhuvu olw'ekibi ekyo, era ateerengaku n'ekitundu kirala kirala ku buli bitundu bitaanu eby'omutango ogwo, abighe oyo yaiziizaaku omusango.