Abalevi 6:21 - Baibuli Ekibono kya Katonda 2014

²¹ Bunaatabulwangamu omuzigo, bwakalangirwa ku lugyo. Bwe bunaamalanga okukalangibwamu ebitole, bunaaleetebwanga ng'ekigheebwayo eky'emere ey'empeke. Akawoowo kaakyo kasangaaza Musengwa Katonda.

Abalevi 6:21 ပူးပေါင်းရင်းမြစ်များ

1 Ebyomubyanda 23:29

okulabiriranga ebigema ku migaati egigheebwayo eri Musengwa Katonda, obuwunga bwe baakozesanga mu kigheebwayo eky'emere ey'empeke, emigaati emitono egitazimbulukusiibwa, ebigheebwayo ebifumbibwa, n'ebigheebwayo eby'obuwunga obutabwirwamu omuzigo ogw'ebibala by'emiti emyoliva. Era n'okupimanga obungi, n'obuzito, n'obunene obw'ebigheebwayo mu isinzizo.

1 Ebyomubyanda 9:31

Owundi ku Balevi abo ye baayetanga Mattithia, nga n'omwana omuberi owa Shallumu eyasimuka mu Kora, n'eyakolanga ogw'okufumba emigaati emitono.

Abalevi 11:33

Era ebintu ebyo ebibalirwa mu bitali birongoofu bwe bigwa mu kintu ekyawumbibwa mu itosi, byonabyona ebiri mu kintu ekyo tibiibenga birongoofu era ekintu ekyo kinaamenhebwanga.

Abalevi 15:12

Ekintu eky'eitosi ow'obulwaire obwo ky'anaagemangaku, kinaamenhebwanga. Na buli kintu kya muti ky'anaagemangaku, kinaanaazibwanga mu maadhi.

Abalevi 2:5

“Ekigheebwayo bwe kinaabanga eky'emigaati egikalangiibwa ku lugyo, giidha kubanga gya buwunga obuseereibwa obukalamu nga butabwirwamu omuzigo, aye nga buziramu kizimbulukusa.

Abalevi 6:22

Mu byanda byonabyona ebiriidha, ekigheebwayo kino kinaagheebwangayo mwidhukulu wa Aaroni yeenayeena anaabanga nga n'akola ng'Omukulu wa Bakabona. Kinaayokebwanga kyonakyona ekiramba.

Abalevi 7:12

Omuntu bw'anaaghangayo ekigheebwayo ekyo olw'okwebaza Katonda, anaagheerangaku emigaati eminene egitazimbulukusiibwa egitabwirwamu omuzigo, oba emigaati emitono egitazimbulukusiibwa egisiigiibwaku omuzigo, oba emigaati egikoleibwa mu buwunga obuseereibwa obukalamu, obutabwirwamu omuzigo.

Abalevi 7:9

Buli ekigheebwayo eky'emere ey'empeke, ekifumbibwa nga kiziikibwa mu ziiko, oba ekifumbibwa mu ntamu, oba ekikalangibwa ku lugyo, kinaatwalibwanga kabona akikozeeku.