Abalevi 6:18 - Baibuli Ekibono kya Katonda 2014

¹⁸ Mu byanda byonabyona ebiriidha, kiisi musaadha ku b'oku lulyo lwa Aaroni anaabanga wa idembe okukiryaku, ogwo nga n'omugabo gwaibwe ogw'olubeerera ku by'okulya ebigheebwayo eri Musengwa Katonda nga byokebwa omuliro. Kiisi anaakigemangaku, anaabanga mutukuvu.”

Abalevi 6:18 ပူးပေါင်းရင်းမြစ်များ

Okuvaayo 29:37

Enaku omusanvu edho oidha kughangayo ekigheebwayo olw'ebibi okutukuza alutaari, olwo ebe ng'eidhwire obutukuvu ng'ekintu kyonakyona ekigyekontaku kifuuka kitukuvu.

Abalevi 3:17

Mutalyanga ku masavu oba ku musaayi; eryo n'erinaabanga eiteeka ery'olubeerera, lye munaakuumanga buli ghe munaabanga enaku dhoonadhoona.”

Abalevi 4:24

Anaatanga omukono gwe ku mutwe gwayo, yaagiitira ku luuyi olw'omugooda olw'alutaari ng'olingiriire e buvandhuba, agho mu maiso ga Musengwa Katonda aghaitirwa ensolo edh'ebigheebwayo ebyokebwa; ekyo n'ekigheebwayo olw'ebibi.

Abalevi 4:3

Omukulu wa Bakabona bw'anaabanga nga n'akoze ekibi, mu nsambo eyo n'aleeta ku bantu omusango, aidha kughangayo eri Musengwa Katonda olw'ekibi kye, ente enume entototo ng'eziraku kikyamu kyonakyona.

Abalevi 4:33

Anaatanga omukono gwe ku mutwe gwayo, yaagiitira ku luuyi olw'omugooda olw'alutaari ng'olingiriire e buvandhuba, aghaitirwa ensolo edh'ebigheebwayo ebyokebwa.

Abalevi 6:10

Agho kabona anaavaalanga ekivaalo eky'olugoye olughegheevu, n'empale ey'olugoye olughegheevu, era yaatoola eivu eriva ku kigheebwayo ekyokeibwa ku alutaari, yaalita gha mbali gh'alutaari eyo.

Abalevi 6:19

Musengwa Katonda yaalagira Musa ati:

Abalevi 6:27

Buli ekinaagemanga ku mamba yaakyo, kinaakolwangaku amaani ag'obutukuvu bwakyo. Era ekivaalo ekinaamansirwangaku omusaayi gwakyo, banaakyolezanga mu kifo ekitukuvu.

Abalevi 6:29

Kiisi musaadha ow'oku lulyo lwa Aaroni, anaabanga wa idembe okukiryaku. Kitukuvu inho.

Abalevi 7:6

Kiisi musaadha ow'oku lulyo lwa bakabona, anaabanga wa idembe okukiryaku. Aye kiteekwa okuliirwa mu kifo ekitukuvu, kuba kitukuvu inho.

Okubala 18:10

Ebintu ebyo mwidha kubiriiranga mu Kifo Ekitukuvu Einho, era buli musaadha anaabanga wa idembe okubiryaku. Mubitwalenga nga bitukuvu.

Okubala 18:8

Agho Musengwa Katonda yaakoba Aaroni ati: “Era bona eno, nkughaire ebyo byonabyona ebirekebwagho nga tibyokeibwa ku bigheebwayo ebitukuvu Abaisiraeli bye bampa nze Musengwa Katonda. Mbikughaire iwe ni batabane bo ng'omugabo gwe munaafunanga ebyanda n'ebyanda.

1 Ab'e Korintho 9:13

Timwidhi ng'abo abakola mu isinzizo balya ku bya mu ndhu ya Katonda, era n'abo abagheereza ku alutaari ya Katonda bafuna omugabo gwaibwe okuva ku bigheebwayo ku alutaari?

1 Petero 1:16

Kuba kyaghandiikibwa kiti: “Mubenga batukuvu, kuba nze ndi Mutukuvu.”

1 Petero 2:9

Aye imwe muli lulyo lulonde, bakabona aba Kyabazinga, muli ighanga itukuvu era abantu ba Katonda beene. Katonda oyo n'eyabeeta okuva mu nzikiiza okwira mu butangaavu bwe obwewuunhisa einho, yaabalonda okukobera abantu ebyewuninkiriza bye yakola.