Abalevi 6:16 - Baibuli Ekibono kya Katonda 2014

¹⁶ Ekyo ekisigalagho bakabona n'abanaakiryanga. Kinaafumbwangamu emigaati egitazimbulukusiibwa, era baagiriira mu kifo ekitukuvu, mu luya lw'Eweema ey'Okwagaananirangamu ni Musengwa Katonda.

Abalevi 6:16 ပူးပေါင်းရင်းမြစ်များ

2 Ebyomubyanda 31:14

Ate Kore mutabane wa Imuna, omukuumi w'omulyango ogw'e buvandhuba, n'eyalabiriranga ebyo abantu bye baaghaayo ye Musengwa Katonda ekyeyendere nga n'agabaniamu ebigheereibwayo okuba ebitukuvu einho ebya Musengwa Katonda oyo.

Okuvaayo 12:8

Obwire obwo emamba eri n'okwokebwa ku muliro, eriibwe n'emigaati egitazimbulukusiibwa era n'eiva erikaagha.

Ezekieli 44:29

Baidha kulyanga ebyo abantu bye banaaleetanga, ng'ebigheebwayo eby'emere ey'empeke, ebigheebwayo olw'ebibi, n'ebigheebwayo ng'omutango. Na buli kintu kyonakyona ekinaagheebwangayo mu Isiraeli okuba ekyange kinaabanga kyaibwe.

Abalevi 2:3

Ekyo ekisigalagho ku kigheebwayo ekyo eky'emere ey'empeke, kiba kya bakabona kitukuvu inho, kuba kitoolebwa ku ekyo ekigheereibwayo ye Musengwa Katonda, nga kyokebwa n'omuliro.

Abalevi 5:13

Mu nsambo eyo kabona anaabanga aghaireyo omusengo olw'ekibi omuntu oyo ky'akoze, era omuntu oyo anaasoniyibwanga. Obuwunga obusigairegho bunaabanga bwa kabona, nga bwe kiba ku kigheebwayo eky'emere ey'empeke.

Abalevi 6:23

Ekigheebwayo eky'emere ey'empeke ekigheebwayo kabona, tikiiriibwengaku. Kinaayokebwanga kyonakyona.”

Abalevi 6:26

Kabona anaakighangayo n'aidhanga okukirya era kinaaliirwanga mu kifo ekitukuvu, mu luya lw'Eweema ey'Okwagaananirangamu ni Musengwa Katonda.

Okubala 18:8

Agho Musengwa Katonda yaakoba Aaroni ati: “Era bona eno, nkughaire ebyo byonabyona ebirekebwagho nga tibyokeibwa ku bigheebwayo ebitukuvu Abaisiraeli bye bampa nze Musengwa Katonda. Mbikughaire iwe ni batabane bo ng'omugabo gwe munaafunanga ebyanda n'ebyanda.

1 Ab'e Korintho 5:8

Kale ka tufumbe embaga, ti na mugaati ogulimu ekizimbulukusa ekikaire eky'eitima n'obubi, aye n'omugaati oguziramu kizimbulukusa, omugaati gwenegwene ogw'amazima.