Abalevi 6:14 - Baibuli Ekibono kya Katonda 2014

¹⁴ “Gano n'amateeka aganaafuganga ekigheebwayo eky'emere ey'empeke: kabona ow'oku lulyo lwa Aaroni anaakighangayo eri Musengwa Katonda emberi gh'alutaari.

Abalevi 6:14 ပူးပေါင်းရင်းမြစ်များ

1 Ebyomubyanda 9:31

Owundi ku Balevi abo ye baayetanga Mattithia, nga n'omwana omuberi owa Shallumu eyasimuka mu Kora, n'eyakolanga ogw'okufumba emigaati emitono.

Abalevi 1:13

Aye byenda n'ebibbonge binaanaazibwanga n'amaadhi. Agho kabona anaayokeranga byonabyona ku alutaari, ng'ekigheebwayo ekyokebwa n'omuliro. Akawoowo kaakyo kasangaaza Musengwa Katonda.

Abalevi 1:17

Agho kabona anaagigemanga amaghagha, yaagiyuza aye nga tagikutwiremu ghabiri, yaagyokera ku nku edhiri ku muliro ku alutaari ng'ekigheebwayo ekyokebwa, nga kyokeibwa n'omuliro. Akawoowo kaakyo kasangaaza Musengwa Katonda.

Abalevi 1:9

Aye ebyenda n'ebibbonge binaanaazibwanga n'amaadhi. Agho kabona anaayokeranga byonabyona ku alutaari, ng'ekigheebwayo ekyokebwa n'omuliro. Akawoowo kaakyo kasangaaza Musengwa Katonda.

Abalevi 10:12

Agho Musa yaakoba Aaroni ni batabane be abaasigalagho nga balamu, Eleazari ni Ithamari, ati: “Mutwale ekigheebwayo eky'emere ey'empeke ekisigairegho ku bigheebwayo eri Musengwa Katonda ebyokebwa, mubikolemu emigaati egitazimbulukusiibwa, mugiriire ku mbali kw'alutaari, kuba ekigheebwayo ekyo kitukuvu inho.

Abalevi 6:13

Omuliro gunaakuumibwanga nga guli kwaka buliidho ku alutaari, aghazira kuzikira naire.

Abalevi 6:15

Anaayoolangaku omuganda ku buwunga obwo obuseereibwa obukalamu, n'omuzigo, n'obubbaani bwonabwona ebireeteirwaku, byonabyona yaabyokera ku alutaari, ng'akamanhiso akooleka nga byonabyona bigheereibwayo eri Musengwa Katonda. Akawoowo kaabyo kasangaaza Musengwa Katonda.

Okubala 15:4

Omuntu yeenayeena bw'ayendanga okughaayo ye nze Musengwa Katonda ekigheebwayo eky'ensambo ng'oti n'eyo, akighangayo ghalala ni kilo ndala ey'obuwunga obuseereibwa obukalamu, nga butabwirwamu lita ey'omuzigo. Ekyo nga n'ekigheebwayo eky'emere ey'empeke.

Okubala 15:6

Bw'aghangayo entaama enume enkulu, ategekangayo kilo ibiri edh'obuwunga obuseereibwa obukalamu, nga butabwirwamu lita ndala n'ekitundu ey'omuzigo, ekyo kibe ekigheebwayo eky'emere ey'empeke.

Okubala 15:9

agigheerangayo ghalala n'ekigheebwayo eky'emere ey'empeke, nga kya kilo isatu edh'obuwunga obuseereibwa obukalamu, nga butabwirwamu lita ibiri edh'omuzigo.

Yoanne 6:32

Yesu yaabakoba ati: “Bwenebwene ka mbakobere, Musa ti n'eyabagha omugaati oguva mu igulu. Lata wange n'agaba omugaati gwene oguva mu igulu