Abalevi 6:13 - Baibuli Ekibono kya Katonda 2014

¹³ Omuliro gunaakuumibwanga nga guli kwaka buliidho ku alutaari, aghazira kuzikira naire.

Abalevi 6:13 ပူးပေါင်းရင်းမြစ်များ

Okuvaayo 29:1

“Buti kino ky'oja okubakolaku mu kubaawula, olwo bampeereze nga bakabona. Funayo ente enume ento n'entaama enume ibiri, nga dhiziraku kikyamu kyonakyona

Okuvaayo 29:2

Ofuneyo emigaati egitazimbulukusiibwa, nga gya bika bisatu bino: eminene egitabwirwamu omuzigo, n'egindi egiziramu muzigo, n'emitono egisiigiibwaku omuzigo. Era nga mugifumbye mu buwunga obuseereibwa obukalamu.

Okuvaayo 29:40

Bw'oghaayo entaama esooka, oghaayo ni kilo ey'engaano eseereibwa obukalamu ng'etabwirwamu lita ey'omuzigo omukenenule ogukamwirwa mu bibala eby'emiti emyoliva ebisekwirwa, waateeraku ni lita ey'omwenge ogw'emizabbibu ng'ekigheebwayo eky'ebyokunhwa.

Isaia 31:9

Kyabazinga waibwe alitya inho yaalumuka. N'abakungu baibwe baalumuka, era nga bali mu kabuguutano ako, baalekulira agho bendera dhaibwe edh'omu lutalo.” Musengwa Katonda oyo abantu ye basinziza mu Sioni, era ye bookera emisengo mu Yerusalemu, atyo bw'akobye.

Ezekieli 40:46

Era ati ekisenge ekiringiriire ku luuyi olw'omukono omugooda olw'e buvandhuba kya bakabona abalabirira alutaari. Abo nga n'abasimuka mu Zadoki, era nga ni bonka ku b'omu kika kya Levi abaikirizibwa okuseeta ye Musengwa Katonda okumugheereza.

Abalevi 6:12

Omuliro oguli ku alutaari gunaakuumibwanga nga guli kwaka, aghazira kuzikira naire. Buli nkyo kabona anaagutangaku enku yaayaliiraku ekigheebwayo ekyokebwa, era anaagwokerangaku amasavu ag'ekigheebwayo olw'okutabagana.

Abalevi 6:14

“Gano n'amateeka aganaafuganga ekigheebwayo eky'emere ey'empeke: kabona ow'oku lulyo lwa Aaroni anaakighangayo eri Musengwa Katonda emberi gh'alutaari.

Abalevi 6:9

aghe Aaroni ni batabane be amateeka aganaafuganga ebigheebwayo ebyokebwa ati: “Ekigheebwayo ekyokebwa, kinaasigalanga ku nku ku alutaari obwire bwonabwona, era omuliro gunaakuumibwanga nga guli kwaka.

Abalevi 9:24

Amangu ago Musengwa Katonda yaasindika omuliro, gwayokya ekigheebwayo ekyokebwa era n'amasavu ku alutaari. Abantu bwe baagubona, boonaboona baawowoigana, baakutama n'ebyeni byatuuka ku itaka.