Abalevi 6:11 - Baibuli Ekibono kya Katonda 2014

¹¹ Agho anaatoolangamu ebivaalo ebyo yaavaala ebindi, yaatwala eivu kuliya kwa weema, mu kifo ekirongoofu.

Abalevi 6:11 ပူးပေါင်းရင်းမြစ်များ

Okuvaayo 29:37

Enaku omusanvu edho oidha kughangayo ekigheebwayo olw'ebibi okutukuza alutaari, olwo ebe ng'eidhwire obutukuvu ng'ekintu kyonakyona ekigyekontaku kifuuka kitukuvu.

Ezekieli 44:19

Bwe banaabanga nga bafuluma okuja mu luya olw'okuliya eri abantu, baidha kutoolangamu ebivaalo bye bakozesa mu kugheereza babirekenga mu bisenge ebitukuvu, bamale baavaalenga ebivaalo ebindi. Olwo ebivaalo byaibwe ebitukuvu birobenga kukola kabi ku bantu.

Abalevi 16:27

Ente enume n'embuzi edh'ekigheebwayo olw'ebibi, dheene musaayi ogwingizibwa mu Kifo Ekitukuvu olw'okukola omukolo ogw'okutukuza, dhinaafulumizibwanga ku luya dhaatwalibwa mu kifo omutaba bantu, dhaayokebwa. Amawu, emamba n'ebyenda byadho, binaayokebwanga.

Abalevi 24:9

Emigaati egyo ginaabanga gya Aaroni ni batabane be, era bagiriiranga mu kifo ekitukuvu, kuba ekyo n'ekitundu ekitukuvu einho eky'eby'okulya ebigheebwayo eri Musengwa Katonda.”

Abalevi 4:12

binaatwalibwanga kuliya kw'ekifo abantu kye baasimbamu weema dhaibwe, mu kifo ekirongoofu kye bafukamu eivu. Eyo ye banaabyokeranga n'omuliro ku nku.

Abalevi 4:21

Agho ente eyo enaatwalibwanga kuliya kwa weema, Omukulu wa Bakabona yaagyokera eyo ng'oti ni bw'ayokya ere y'aba ng'aghaireyo olw'ekibi kye. Ekyo n'ekigheebwayo olw'ebibi eby'abantu boonaboona aghalala.

Abalevi 6:10

Agho kabona anaavaalanga ekivaalo eky'olugoye olughegheevu, n'empale ey'olugoye olughegheevu, era yaatoola eivu eriva ku kigheebwayo ekyokeibwa ku alutaari, yaalita gha mbali gh'alutaari eyo.

Abalevi 6:12

Omuliro oguli ku alutaari gunaakuumibwanga nga guli kwaka, aghazira kuzikira naire. Buli nkyo kabona anaagutangaku enku yaayaliiraku ekigheebwayo ekyokebwa, era anaagwokerangaku amasavu ag'ekigheebwayo olw'okutabagana.

Abalevi 6:20

“Kino n'ekigheebwayo Aaroni ni baidhukulu be kye banaaghangayo eri Musengwa Katonda, ku lunaku lwe banaasiigirwangaku omuzigo okwawulibwa. Banaaghangayo buli lunaku kilo ndala ey'obuwunga obuseereibwa obukalamu ekitundu kyabwo ekindi ku nkyo, n'ekitundu kyabwo ekindi eigulo.

Abalevi 6:22

Mu byanda byonabyona ebiriidha, ekigheebwayo kino kinaagheebwangayo mwidhukulu wa Aaroni yeenayeena anaabanga nga n'akola ng'Omukulu wa Bakabona. Kinaayokebwanga kyonakyona ekiramba.

Abalevi 7:6

Kiisi musaadha ow'oku lulyo lwa bakabona, anaabanga wa idembe okukiryaku. Aye kiteekwa okuliirwa mu kifo ekitukuvu, kuba kitukuvu inho.