Abalevi 6:10 - Baibuli Ekibono kya Katonda 2014

¹⁰ Agho kabona anaavaalanga ekivaalo eky'olugoye olughegheevu, n'empale ey'olugoye olughegheevu, era yaatoola eivu eriva ku kigheebwayo ekyokeibwa ku alutaari, yaalita gha mbali gh'alutaari eyo.

Abalevi 6:10 ပူးပေါင်းရင်းမြစ်များ

Zabbuli 20:3

Asiime ebigheebwayo by'omugha byonabyona, era asangaalire emisengo gyo gyonagyona egyokebwa.

Zabbuli 37:20

Aye ababi baja kufa; abazigu ba Musengwa Katonda abo baja kuwaagho mangu ng'oti munhiriro gwa isubi, era ng'oti n'omwosi bwegubulagho.

Ezekieli 44:19

Bwe banaabanga nga bafuluma okuja mu luya olw'okuliya eri abantu, baidha kutoolangamu ebivaalo bye bakozesa mu kugheereza babirekenga mu bisenge ebitukuvu, bamale baavaalenga ebivaalo ebindi. Olwo ebivaalo byaibwe ebitukuvu birobenga kukola kabi ku bantu.

Abalevi 1:13

Aye byenda n'ebibbonge binaanaazibwanga n'amaadhi. Agho kabona anaayokeranga byonabyona ku alutaari, ng'ekigheebwayo ekyokebwa n'omuliro. Akawoowo kaakyo kasangaaza Musengwa Katonda.

Abalevi 1:9

Aye ebyenda n'ebibbonge binaanaazibwanga n'amaadhi. Agho kabona anaayokeranga byonabyona ku alutaari, ng'ekigheebwayo ekyokebwa n'omuliro. Akawoowo kaakyo kasangaaza Musengwa Katonda.

Abalevi 16:4

Anaamalanga kunaaba mubiri mu maadhi, yaavaala ebivaalo ebitukuvu eby'engoye empegheevu: ekanzu empale, olusibiro, n'ekitambaala ku mutwe.

Abalevi 2:11

“Tighaabengagho kigheebwayo kya mere ya mpeke, ekinaagheebwangayo eri Musengwa Katonda nga kirimu ekizimbulukusa. Mutakozesanga kizimbulukusa waire omudheenene gw'endhuki, mu kigheebwayo eri Musengwa Katonda nga kyokebwa.

Abalevi 21:22

Omuntu oyo, aikirizibwa okulya ku bigheereibwayo eri Katonda we, ku by'okulya ebitukuvu einho, ni ku bindi ebitukuvu.

Abalevi 4:12

binaatwalibwanga kuliya kw'ekifo abantu kye baasimbamu weema dhaibwe, mu kifo ekirongoofu kye bafukamu eivu. Eyo ye banaabyokeranga n'omuliro ku nku.

Abalevi 6:11

Agho anaatoolangamu ebivaalo ebyo yaavaala ebindi, yaatwala eivu kuliya kwa weema, mu kifo ekirongoofu.

Abalevi 6:18

Mu byanda byonabyona ebiriidha, kiisi musaadha ku b'oku lulyo lwa Aaroni anaabanga wa idembe okukiryaku, ogwo nga n'omugabo gwaibwe ogw'olubeerera ku by'okulya ebigheebwayo eri Musengwa Katonda nga byokebwa omuliro. Kiisi anaakigemangaku, anaabanga mutukuvu.”

Abalevi 6:22

Mu byanda byonabyona ebiriidha, ekigheebwayo kino kinaagheebwangayo mwidhukulu wa Aaroni yeenayeena anaabanga nga n'akola ng'Omukulu wa Bakabona. Kinaayokebwanga kyonakyona ekiramba.

Abalevi 8:2

“Twala Aaroni ni batabane be, otwale n'ebivaalo, n'omuzigo ogusiigibwa, n'ente ey'ekigheebwayo olw'ebibi, n'entaama enume eibiri, n'ekiibo ekirimu emigaati egitazimbulukusiibwa.

Okubala 16:21

“Mwesende muve mu bantu bano, mbazikirize amangu gano.”

Okubala 16:35

Agho Musengwa Katonda yaasindika omuliro gwayokya abantu ebikumi ebibiri n'ataanu abaali nga bali kuniosa obubbaani.

Okwolekebwa 19:14

Amagye ag'omu igulu gaamunonereza, ng'abaisirukale bali kuvuga embalaasi endheru era nga bavaire ebivaalo ebyeru, ebyamule, era ebighegheevu.

Okwolekebwa 19:8

Omugole oyo aikiriziibwa okuvaala ebivaalo ebighegheevu, ebyamule era ebimirimiinha.” Ebivaalo ebighegheevu n'ebikolwa ebirungi eby'abatuukirivu.

Okwolekebwa 7:13

Agho owundi ku bakulembeze yambuuza ati: “Abo abavaire ebivaalo ebyeru ni baani, era bava gha?”