Abalevi 5:7 - Baibuli Ekibono kya Katonda 2014

⁷ Aye omuntu oyo bw'anaabanga nga tasobola kughaayo ntaama oba mbuzi, olw'okuba ow'entoola ghatono, anaaleetanga enhonhi dhino eri Musengwa Katonda dhaaba ekigheebwayo ng'omutango olw'omusango gw'aiziiza: amaghemba abiri oba enjiibwa ibiri enhonhi eyindi ng'ekigheebwayo olw'ebibi, ate eyindi ng'ekigheebwayo ekyokebwa.

Abalevi 5:7 ပူးပေါင်းရင်းမြစ်များ

Abalevi 12:6

“Agho enaku edh'okutukuzibwa kwe bwe dhinaawangaku, edh'omwana omulenzi oba omughala, omukazi oyo anaaleetanga eri kabona ku mulyango gw'Eweema ey'Okwagaananirangamu ni Musengwa Katonda, entaama ento ey'omwaka omulala, ebe ekigheebwayo ekyokebwa, n'enjiibwa oba eighemba eito, okuba ekigheebwayo olw'ebibi.

Abalevi 12:8

“Omukazi bw'aba nga taghanga kughaayo ntaama nto, anaaghangayo amaghemba amato abiri oba enjiibwa ibiri, olw'ekigheebwayo ekyokebwa, n'olw'ekigheebwayo olw'ebibi. Kabona anaaghangayo ebigheebwayo ebyo ng'omusengo eri Musengwa Katonda olw'omukazi oyo, yaaba mulongoofu.”

Abalevi 14:30

Agho anaaghangayo eyindi ku njiibwa, oba erindi ku maghemba amato, ng'ole bw'anaabanga ng'asoboire okufuna,

Abalevi 14:31

ebyo bibe ekigheebwayo olw'ebibi, n'ekindi ng'ekigheebwayo ekyokebwa. Mu nsambo eyo kabona anaaghangayo omusengo olw'oyo aja okulangirirwa ng'omulongoofu.

Abalevi 15:30

Kabona anaabighangayo olw'ekigheebwayo olw'ebibi, n'olw'ekigheebwayo ekyokebwa. Mu nsambo eyo kabona anaabighangayo ng'omusengo mu maiso ga Musengwa Katonda, olw'okutukuzibwa okw'omukazi oyo.”

Abalevi 16:5

“Abantu Abaisiraeli banaaghanga Aaroni embuzi enume ibiri edh'ekigheebwayo olw'ebibi, n'entaama enume ndala ey'ekigheebwayo ekyokebwa.

Abalevi 27:8

Aye ole eyeeyama bw'anaabanga omwavu, nga taghanga kusasulira ku mbalirira eyo anaaleetanga omuntu oyo ye yeeyama okughaayo mu maiso ga kabona, kabona yaamubaliramu omughendo ogwa ghansi, ng'ajiira ku busobozi bw'oyo ali kughaayo eyeeyama.

Abalevi 5:11

Aye omuntu oyo bw'anaabanga nga tasobola kughaayo maghemba abiri oba njiibwa ibiri, anaaleetanga kilo ndala ey'obuwunga obuseereibwa obukalamu, ng'ekigheebwayo olw'ebibi. Taateerengaku muzigo waire obubbaani, kuba ekyo n'ekigheebwayo olw'ebibi, se ti ni kire ekigheebwayo eky'emere ey'empeke.

Abalevi 7:1

“Gano n'amateeka aganaafuganga ekigheebwayo ng'omutango. Kiba kitukuvu inho.

Abalevi 9:3

Era okobe Abaisiraeli batwale embuzi enume, ebe ekigheebwayo olw'ebibi, n'ente ento ey'omwaka omulala, n'entaama ento ey'omwaka omulala, dhombi nga dhiziraku kikyamu kyonakyona, dhibe ekigheebwayo ekyokebwa,

Okubala 5:6

“Koba Abaisiraeli oti omusaadha oba omukazi bw'anaakolanga ekibi kyonakyona, n'amenha obwesigwa eri Musengwa Katonda, anaabangaku omusango.

Okubala 6:10

Ku lunaku olwomunaana aidha kuleetanga amayemba abiri oba enjiibwa ibiri ye kabona, ku mulyango ogw'Eweema ey'Okwagaananirangamu ni Musengwa Katonda.

Okubala 6:11

Agho Kabona oyo aidha kughangayo enhonhi eyindi ng'ekigheebwayo olw'ebibi, n'eyindi ng'ekigheebwayo ekyokebwa, amutooleku ekibi ekyamwidhaku olw'okuliiraana omulambo. Ku lunaku lwene olwo, omuntu oyo aidha kwirangamu okutukuza omutwe gwe,

Matayo 10:16

“Bona, ndi kubatuma, nga muli oti ntaama ghagati mu misege. Kale ni mube bakabwidhibwidhi ng'emisota, ng'ate muli bawolu ng'oti njiibwa.

Matayo 21:12

Agho Yesu yangira mu isinzizo lya Katonda, yaabingamu boonaboona abaali batundira n'abaali bagulira mu isinzizo. Yaafundika emeeza edh'abaali bafaana empiiya, n'ebityamo eby'abaali batunda enjiibwa.

Matayo 3:16

Yesu bwe yamala okubatizibwa, mangu ago yaava mu maadhi, era okuja okubona ng'eigulu limubwikulirwa, yaabona Mwoyo wa Katonda ng'aika ng'enjiibwa, ng'amwikaku.

Luka 2:24

Era baaja n'okughaayo omusengo nga bwe kyalagirwa mu iteeka lya Musengwa amayemba abiri oba enjiibwa ento ibiri.

2 Ab'e Korintho 8:12

Kuba omuntu ayenda okugaba, asiimibwa Katonda olw'okugaba ekyo ky'ali nakyo se ti ekyo ky'azira.