Abalevi 5:16 - Baibuli Ekibono kya Katonda 2014

¹⁶ Era anaaleetanga ekyo ky'ataaghaayo, yaayongeraku n'omutango gwa kitundu kirala kirala ku buli bitundu bitaanu eby'ekyo ky'ataaghaayo. Ebyo anaabireetanga eri kabona, kabona oyo yaaghaayo ensolo eyo yaaba ekigheebwayo ng'omusengo olw'ebibi by'omuntu oyo, era omuntu oyo yaasoniyibwa.

Abalevi 5:16 ပူးပေါင်းရင်းမြစ်များ

Zabbuli 69:4

Abankyagha ng'ate ghazira kye mbakoze bali kamaala okusinga enviiri edhiri ku mutwe gwange. Abo abenda okusirisa obulamu bwange nga bampaama bye ntakoze, ba maani beenebeene. Bampaliriza okuligha ebintu bye ntaibangaku naire.

Okuvaayo 22:1

“Omuntu bw'anaibanga ente oba entaama, n'agiita oba n'agitunda, aidha kusasulanga ente itaanu olw'ente endala ye yaiba, oba entaama ina olw'entaama endala ye yaiba.

Abalevi 22:14

“Omuntu atali wa ku lulyo lwa bakabona bw'anaalyanga ku kigheebwayo ekitukuvu nga tagendereire, anairizangagho kabona ekigheebwayo ekyo ekitukuvu, yaayongeraku n'omutango gwa kitundu kirala kirala ku buli bitundu bitaanu eby'ekigheebwayo ekyo.

Abalevi 27:13

Oyo agireese bw'anaayendanga okuginunula, anaasasulanga omughendo gwayo, yaagaitaku n'ekitundu kirala kirala ku buli bitundu bitaanu eby'omughendo ogwo.

Abalevi 27:15

Oyo agighaireyo bw'anaayendanga okuginunula, anaasasulanga omughendo gwayo, yaagaitaku n'ekitundu kirala kirala ku buli bitundu bitaanu eby'omughendo ogwo.

Abalevi 27:27

Aye ensolo eyo ezaaliibwa mu luzaalo olusooka bw'enaabanga nga ya nsolo etali nongoofu, enaanunulibwanga ku mughendo ogubaliriirwa ku mbala entongole, ni gugaitibwaku ekitundu ekirala ekirala ku buli bitundu ebyagwo ebitaanu. Bw'enaabanga nga tenunwirwa, enaaguzibwanga omuntu owundi ku mughendo gw'ebaliriirwamu.

Abalevi 27:31

Omuntu bw'anaayendanga okununula ekirala ku bitundu ebyo, ka kibe eky'ensigo oba eky'ebibala eby'emiti, anaasasulanga omughendo ogukijaamu nga gubaliriirwa ku mbala entongole ey'eisinzizo, yaagaitaku n'ekitundu kirala kirala ku buli bitundu ebitaanu eby'omughendo ogwo.

Abalevi 4:20

Anaakolanga ku nte eyo nga bw'akola ku nte ey'ekigheebwayo olw'ebibi, olwo agheeyo omusengo olw'ebibi by'abantu abo basoniyibwe.

Abalevi 4:26

Amasavu gaayo goonagoona anaagookeranga ku alutaari, ng'oti ni bw'ayokya amasavu ag'ekigheebwayo olw'okutabagana. Atyo Kabona bw'anaaghangayo omusengo olw'ekibi ky'omufuzi, era omufuzi oyo aidha kusoniyibwanga.

Abalevi 5:10

Anaaghangayo enhonhi ere eyindi, ng'ekigheebwayo ekyokebwa, ng'ajiira ku mateeka. Mu nsambo eyo kabona anaabanga aghaireyo omusengo olw'ekibi omuntu oyo ky'akoze, era omuntu oyo anaasoniyibwanga.

Abalevi 5:13

Mu nsambo eyo kabona anaabanga aghaireyo omusengo olw'ekibi omuntu oyo ky'akoze, era omuntu oyo anaasoniyibwanga. Obuwunga obusigairegho bunaabanga bwa kabona, nga bwe kiba ku kigheebwayo eky'emere ey'empeke.

Abalevi 5:6

Era anaaleetanga eri Musengwa Katonda entaama enkazi oba embuzi ng'omutango olw'omusango ogwo gw'aiziiza. Kabona anaaghangayo ebintu ebyo byaba ekigheebwayo ng'omutango olw'ekibi eky'omuntu oyo.

Abalevi 7:2

Ensolo ey'ekigheebwayo kino enaitirwanga ku luuyi olw'omukono omugooda ng'olingiriire e buvandhuba, agho ghe baitira ensolo edhigheebwayo okwokebwa. Era omusaayi gwayo gunaamansirwanga ku ndhuyi dhoonadhoona edh'alutaari.

Okubala 5:7

Aidha kwatulanga ekibi kye ky'akoze, aghengayo omutango omwidhuvu olw'ekibi ekyo, era ateerengaku n'ekitundu kirala kirala ku buli bitundu bitaanu eby'omutango ogwo, abighe oyo yaiziizaaku omusango.

Okubala 5:8

Aye omuntu ye yaizaaku omusango bwaba nga yafa ate nga azira musika ye basobola kugha mutango ogwo, olwo gunaaghebwanga Musengwa Katonda gwaba gwa kabona, okwongereza ku ntaama enume egheebwayo olw'okutoolebwaku ebibi y'ali n'okughaayo.

Luka 19:8

Agho Zakkayo yaayemerera yaakoba Musengwa ati: “Musengwa, ndidha kwawulamu ghagati ebintu byange, ekitundu ekindi nkigabire abaavu era oba nga ghaligho omuntu yeenayeena ye nakupankupaniaku ekikye kyonakyona, ndidha kukimuliyira emikuzi ena.”

Ebikolwa by'Abatume 26:20

Aye natoolera n'ab'omu Damasiko, n'ab'omu Yerusalemu, n'ab'omu Buyudaaya yoonayoona, era n'ab'omu maghanga agandi, naabakobera beenenie, bakyuke baire ye Katonda, bakole ebikolwa ebyoleka nga beeneniiza.

1 Samueli 6:3

Baabairamu bati: “Bwe munaaba nga mwizaayo Esanduuku ey'Endagaano ya Katonda wa Isiraeli, timwidha kugiizaayo ndhereere. Mu buli ngeri muli n'okugiizaayo ye Katonda oyo ghalala n'ekigheebwayo ng'omutango. Olwo mwidha kuwona era mumanhe lwaki abaire ababonerezanga nga tasalaku.”