Abalevi 5:15 - Baibuli Ekibono kya Katonda 2014

¹⁵ “Omuntu bw'anaakolanga ekibi nga tagendereire, olw'obutaghaayo ebitukuvu by'ateekwa okughaayo eri Musengwa Katonda, anaaleetanga eri Musengwa Katonda entaama enume, oba embuzi eziraku kikyamu kyonakyona ebe ekigheebwayo ng'omutango. Omughendo ogw'empiiya oguja mu nsolo eyo, gunaabalirirwanga mu mbala entongole ey'eisinzizo.

Abalevi 5:15 ပူးပေါင်းရင်းမြစ်များ

2 Bakyabazinga 12:16

Empiiya edhaagheebwangayo ng'omutango era n'edho edhaagheebwangayo olw'ebibi, tibaadhireetanga mu isinzizo dhaabanga dha bakabona.

Ezera 10:19

Abo baasuubiza okwawukana ni bakazi baibwe abo abamaghanga agandi era baaghaayo entaama enume ng'ekigheebwayo olw'ebibi byaibwe.

Okuvaayo 30:13

Buli muntu abalibwa aidha kughaayo ebitundu bya feeza ng'ajiira ku mbalirira entongole ey'omu isinzizo. Buli muntu anaabanga n'okughaayo ekigheebwayo ekyo eri nze Musengwa Katonda.

Ezekieli 40:39

Era mu kisenge ekyo mwalimu emeeza ibiri ibiri ku luuyi ni ku luuyi. Ku meeza edho kwe baitiranga ebigheebwayo ebyokebwa byonabyona okuwaagho, n'ebigheebwayo olw'ebibi, n'ebigheebwayo ng'omutango.

Abalevi 1:10

“Bw'anaabanga ng'aja kughaayo musengo ogwokebwa omulomba, ng'atoola mu ntaama dhe oba mu mbuzi dhe, aidha kughangayo enume eziraku kikyamu kyonakyona.

Abalevi 1:3

Bw'anaabanga ng'aja kughaayo musengo ogwokebwa gwonagwona ni guwaagho ng'atoola mu nte dhe, aidha kughangayo enume eziraku kikyamu kyonakyona. Anaagigheerangayo ku mulyango gw'Eweema ey'Okwagaananirangamu ni Musengwa Katonda, olwo Musengwa Katonda oyo asobole okumusiima.

Abalevi 14:12

Agho kabona anaatoolanga eyindi ku ntaama edho enume ento, ghalala n'ekitundu kirala kirala ku buli bitundu bisatu ebya lita ey'omuzigo ogw'emiti emyoliva, yaabighaayo ng'omutango, yaabiwuuba, bibe ekigheebwayo nga kiwuubibwa mu maiso ga Musengwa Katonda.

Abalevi 27:3

ogunaabalirirwanga ku mbala entongole ey'omu isinzizo: Bw'anaabanga omusaadha ow'emyaka okuva ku makumi abiri okutuuka ku nkaaga anaanunulwanga ebitundu amakumi ataanu (50) ebya feeza.

Abalevi 4:2

akobere Abaisiraeli ati omuntu bw'anaakolanga ekibi nga tagendereire, n'asobya mu kintu kyonakyona ku ebyo Musengwa Katonda bye yalagira, anaabanga n'okukola bino:

Abalevi 5:14

Musengwa Katonda yaagha Musa ebiragiro bino ati:

Abalevi 5:16

Era anaaleetanga ekyo ky'ataaghaayo, yaayongeraku n'omutango gwa kitundu kirala kirala ku buli bitundu bitaanu eby'ekyo ky'ataaghaayo. Ebyo anaabireetanga eri kabona, kabona oyo yaaghaayo ensolo eyo yaaba ekigheebwayo ng'omusengo olw'ebibi by'omuntu oyo, era omuntu oyo yaasoniyibwa.

Abalevi 5:18

Anaaleetanga eri musengwa entaama enume, oba embuzi eziraku kikyamu kyonakyona ng'eviire mu kisibo kye, yaagighaayo ebe ekigheebwayo ng'omutango. Omughendo ogw'empiiya oguja mu nsolo eyo, gunaabalirirwanga mu mbalirira entongole ey'omu isinzizo. Kabona anaaghangayo omusengo olw'ebibi omuntu oyo bye yakola nga tagendereire, era omuntu oyo yaasoniyibwa.

Abalevi 6:6

Anaaleetanga eri kabona entaama enume eziraku kikyamu kyonakyona, ebe ekigheebwayo ng'omutango. Omughendo ogw'empiiya oguja mu ntaama eyo gunaabalirirwanga mu mbalirira entongole ey'omu isinzizo.

Abalevi 7:1

“Gano n'amateeka aganaafuganga ekigheebwayo ng'omutango. Kiba kitukuvu inho.

Abalevi 7:6

Kiisi musaadha ow'oku lulyo lwa bakabona, anaabanga wa idembe okukiryaku. Aye kiteekwa okuliirwa mu kifo ekitukuvu, kuba kitukuvu inho.

Okubala 15:24

Aye okusobya bwe kuba nga tikwakolebwa mu bugenderevu era ng'abantu boonaboona tibaakimanha, olwo abantu boonaboona baghangayo ente ento enume ndala olw'ekigheebwayo ekyokebwa, ekiri n'akawoowo akansangaaza nze Musengwa Katonda. Era bateerangaku ekigheebwayo eky'emere ey'empeke, n'ekigheebwayo eky'ebyokunhwa, ng'amateeka bwe galagira. Era baghangayo n'embuzi ndala enume ng'ekigheebwayo olw'ebibi.

Okubala 5:5

Era Musengwa Katonda yaakoba Musa ati:

Okubala 5:8

Aye omuntu ye yaizaaku omusango bwaba nga yafa ate nga azira musika ye basobola kugha mutango ogwo, olwo gunaaghebwanga Musengwa Katonda gwaba gwa kabona, okwongereza ku ntaama enume egheebwayo olw'okutoolebwaku ebibi y'ali n'okughaayo.

Amateeka Agokubiri 12:26

Mwidha kutwalanga ebigheebwayo byaimwe n'ebyo bye mweyama okugha Musengwa Katonda, mu kifo ekyo Musengwa Katonda ky'aliba ng'alonzeegho.

1 Samueli 6:3

Baabairamu bati: “Bwe munaaba nga mwizaayo Esanduuku ey'Endagaano ya Katonda wa Isiraeli, timwidha kugiizaayo ndhereere. Mu buli ngeri muli n'okugiizaayo ye Katonda oyo ghalala n'ekigheebwayo ng'omutango. Olwo mwidha kuwona era mumanhe lwaki abaire ababonerezanga nga tasalaku.”