Abalevi 4:33 - Baibuli Ekibono kya Katonda 2014

³³ Anaatanga omukono gwe ku mutwe gwayo, yaagiitira ku luuyi olw'omugooda olw'alutaari ng'olingiriire e buvandhuba, aghaitirwa ensolo edh'ebigheebwayo ebyokebwa.

Abalevi 4:33 ပူးပေါင်းရင်းမြစ်များ

2 Ebyomubyanda 29:23

Olwo baaleeta embuzi enume mu maiso ga kyabazinga n'ag'abantu abeesoloiza, ng'ekigheebwayo olw'ebibi, era abo baadhitaaku emikono gyaibwe.

Abalevi 1:4

Omuntu oyo aidha kutanga omukono gwe ku mutwe gwayo, olwo Musengwa Katonda asiimenga omusengo gwe, olw'okutoolebwaku ebibi bye.

Abalevi 1:5

Anaitiranga ente agho mu maiso ga Musengwa Katonda, era bakabona ab'oku lulyo lwa Aaroni baatwala omusaayi, baagumansira ku ndhuyi dhoonadhoona edh'alutaari eri ku mulyango gw'Eweema ey'Okwagaananirangamu ni Musengwa Katonda.

Abalevi 4:4

Aidha kugireetanga ku mulyango gw'Eweema ey'Okwagaananirangamu ni Musengwa Katonda, era anaatanga omukono gwe ku mutwe gwayo, yaagiitira agho mu maiso ga Musengwa Katonda.

Abalevi 6:18

Mu byanda byonabyona ebiriidha, kiisi musaadha ku b'oku lulyo lwa Aaroni anaabanga wa idembe okukiryaku, ogwo nga n'omugabo gwaibwe ogw'olubeerera ku by'okulya ebigheebwayo eri Musengwa Katonda nga byokebwa omuliro. Kiisi anaakigemangaku, anaabanga mutukuvu.”

Abalevi 7:2

Ensolo ey'ekigheebwayo kino enaitirwanga ku luuyi olw'omukono omugooda ng'olingiriire e buvandhuba, agho ghe baitira ensolo edhigheebwayo okwokebwa. Era omusaayi gwayo gunaamansirwanga ku ndhuyi dhoonadhoona edh'alutaari.