Abalevi 4:27 - Baibuli Ekibono kya Katonda 2014

²⁷ Omuntu yeenayeena ku bantu ababuliidho bw'anaabanga nga n'akoze ekibi nga tagendereire, n'asobya ku ebyo Musengwa Katonda bye yalagira,

Abalevi 4:27 ပူးပေါင်းရင်းမြစ်များ

Zabbuli 19:13

Era nkuuma ndobe kugwa mu bisobyo nga ngendereire, otabiganha kunfuga. Olwo ndidha kuba omutukuvu era aziraku musango gwa kibi.

Okuvaayo 12:49

Amateeka gano gaidha kugemanga ku muntu ow'endha aba ng'abasenzeemu, ni ku Baisiraeli baamu.”

Ezekieli 45:17

Era kyabazinga oyo n'aidha okutangagho ebigheebwayo ebyokebwa byonabyona okuwaagho, n'ebigheebwayo eby'emere ey'empeke, n'ebigheebwayo eby'okunhwa, ku mikolo gino: ku mbaga edh'Ebibinuko eby'Okuboneka kw'Omwezi, ni ku Sabbato, ni ku mbaga edh'ebibinuko ebindi ebyalagirwa mu ighanga Isiraeli. Era aidha kutangagho ebigheebwayo olw'ebibi, n'ebigheebwayo eby'emere ey'empeke, n'ebigheebwayo ebyokebwa, n'ebigheebwayo olw'okutabagana, olw'okusabira abantu b'eighanga Isiraeli basoniyibwe ebibi byaibwe.”

Ezekieli 45:20

Ni ku lunaku olwomusanvu olw'omwezi mwidha kukolanga mutyo, olwa buli muntu anaabanga ng'akoze ekibi, nga tagendereire oba nga taidhi nga ky'ali kukola kibi. Mutyo bwe munaakuumanga eisinzizo nga itukuvu.

Abalevi 4:13

Abaisiraeli boonaboona aghalala bwe banaabanga nga n'abakoze ekibi nga tibagendereire, ni basobya ku ebyo Musengwa Katonda bye yalagira, era ekibi ekyo ni kitamanhikiragho,

Abalevi 4:2

akobere Abaisiraeli ati omuntu bw'anaakolanga ekibi nga tagendereire, n'asobya mu kintu kyonakyona ku ebyo Musengwa Katonda bye yalagira, anaabanga n'okukola bino:

Abalevi 4:22

Omufuzi bw'anaabanga n'akoze ekibi nga tagendereire, n'asobya ku ebyo Musengwa Katonda bye yalagira,

Abalevi 5:17

“Omuntu bw'anaakolanga ekibi, n'asobya mu kintu kyonakyona ku ebyo Musengwa Katonda bye yalagira, waire nga taidhi, anaabanga n'omusango, era anaabonerezebwanga.

Abalevi 9:15

Aaroni bweyamala ebyo, yaaleeta ekigheebwayo eky'abantu: yaatoola embuzi ey'ekigheebwayo olw'ebibi, yaagiita era yaagighaayo olw'ebibi by'abantu ng'oti ni bweyakola ng'aghaayo olw'ebibi bye.

Okubala 15:16

Amateeka n'amalala ago, n'ebiragiro n'ebirala ebyo ebinaafuganga imwe n'abasenze ababa mu imwe.”

Okubala 15:22

“Aye kisoboka, omuntu yaasobya mu butali bugenderevu, yaaloba kutuukiriza biragiro bino byonabyona, nze Musengwa Katonda bye nakobera Musa.

Okubala 15:27

“Omuntu bw'akolanga ekibi nga tagendereire, aghangayo embuzi enduusi ey'omwaka omulala ng'ekigheebwayo olw'ebibi.

Okubala 15:29

Mubanga n'amateeka malala ago agavunaana omuntu akola ekibi nga tagendereire, k'abe omutyamye Omuisiraeli oba abe omusenze abanga ng'abalimu.

Okubala 5:6

“Koba Abaisiraeli oti omusaadha oba omukazi bw'anaakolanga ekibi kyonakyona, n'amenha obwesigwa eri Musengwa Katonda, anaabangaku omusango.