Abalevi 4:25 - Baibuli Ekibono kya Katonda 2014

²⁵ Agho Kabona anainhikanga olwala lwe mu musaayi ogw'ensolo eyo, yaagusiiga ku bintu ebiri ng'oti mayiga ga nsolo ebiri ku alutaari eyokerwaku ebigheebwayo. Ogusigairegho yaagufuka ku ntobo y'alutaari eyo.

Abalevi 4:25 ပူးပေါင်းရင်းမြစ်များ

Okuvaayo 29:12

Oidha kutoola ogundi ku musaayi ogw'ente eyo ogusiige ku bintu ebiri ng'oti mayiga ga nsolo ebiri ku alutaari, ng'okozesa olwala lwo. Omusaayi ogunaaba gusigairegho, oidha kugufuka ku ntobo y'alutaari.

Isaia 40:21

Obwo bwenebwene timukiidhi era timukiwulirangaku? Ghazira muntu akibakoberangaku okuva mu mainhama? Era timukitegeerangaku okuva ku kutondebwa kw'ensi?

Abalevi 16:18

Olwo anaafulumanga yaaja ku alutaari eri mu maiso ga Musengwa Katonda, yaakola omukolo ogw'okutukuza ku lwayo. Yaatoola ku musaayi gw'ente enume, ni ku gw'embuzi, yaagusiiga ku bintu ebiri ng'oti mayiga ga nsolo ebiri ku alutaari eyo, ku nsonda dhaayo dhoonadhoona.

Abalevi 17:11

Obulamu bwa buli kintu ekiri n'omubiri buba mu musaayi. Eyo n'ensonga lwaki nabalagira okugufukanga ku alutaari olw'okutoola ku bantu ebibi byaibwe. Omusaayi, n'obulamu, era n'ogutoolagho ebibi.

Abalevi 4:18

Agho aidha kutoolangaku omusaayi ogundi, yaagusiiga ku bintu ebiri ng'oti mayiga ga nsolo ebiri ku alutaari eri mu maiso ga Musengwa Katonda. Omusaayi gwonagwona ogusigairegho anaagufukanga ku ntobo y'alutaari eyokerwaku ebigheebwayo, eri ku mulyango gw'Eweema ey'Okwagaananirangamu ni Musengwa Katonda.

Abalevi 4:24

Anaatanga omukono gwe ku mutwe gwayo, yaagiitira ku luuyi olw'omugooda olw'alutaari ng'olingiriire e buvandhuba, agho mu maiso ga Musengwa Katonda aghaitirwa ensolo edh'ebigheebwayo ebyokebwa; ekyo n'ekigheebwayo olw'ebibi.

Abalevi 4:30

Agho kabona anainhikanga olwala lwe mu musaayi gw'ensolo eyo, yaagusiiga ku bintu ebiri ng'oti mayiga ga nsolo ebiri ku alutaari eyokerwaku ebigheebwayo. Ogusigairegho yaagufuka ku ntobo y'alutaari eyo.

Abalevi 4:34

Agho kabona anainhikanga olwala lwe mu musaayi gw'ensolo eyo, yaagusiiga ku bintu ebiri ng'oti mayiga ga nsolo ebiri ku alutaari eyokerwaku ebigheebwayo. Ogusigairegho yaagufuka ku ntobo y'alutaari eyo.

Abalevi 4:7

Agho aidha kutoolangaku omusaayi ogundi, yaagusiiga ku bintu ebiri ng'oti mayiga ga nsolo ebiri ku alutaari eniokezebwaku obubbaani obw'akawoowo mu maiso ga Musengwa Katonda, eri mu Weema ey'Okwagaananirangamu ni Musengwa Katonda. Omusaayi gwonagwona ogusigairegho anaagufukanga ku ntobo y'alutaari eyokerwaku ebigheebwayo, eri ku mulyango gw'Eweema ey'Okwagaananirangamu Musengwa Katonda.

Abalevi 5:9

Era anaamansiranga ogundi ku musaayi gwayo mu mbali mw'alutaari ogusigairegho gwonagwona yaagukamulira ku ntobo y'alutaari eyo. Ekyo n'ekigheebwayo olw'ebibi.

Abalevi 8:10

Agho Musa yaatoola omuzigo ogusiigiibwa, yagusiiga ku Weema ey'Okwagaananirangamu ni Musengwa Katonda, era ni ku bintu byonabyona ebigirimu, olwo yaabitukuza okubyawula bibe ebya Musengwa Katonda.

Abalevi 8:15

Musa oyo yaagiita, era yaatoolaku omusaayi ogundi yaagusiigisa olwala lwe ku bintu ebiri ng'oti mayiga ga nsolo ebiri ku alutaari ku ndhuyi dhaayo dhoonadhoona okugyawulira Musengwa Katonda. Omusaayi ogwasigalagho gwonagwona, yaagufuka ku ntobo y'alutaari. Mu nsambo eyo yaagyawula ebe eya Musengwa Katonda era yaaghaayo omusengo olw'okugitukuza.

Abalevi 9:9

Batabane be baamuleetera omusaayi gw'ente eyo, yainhikamu olwala, yaagutoonhia ku bintu ebiri ng'oti mayiga ga nsolo ebiri ku alutaari ogwasigalagho yaagufuka ku ntobo y'alutaari eyo.

Ab'e Roma 10:4

Kuba Kurisito n'eyadibya Amateeka, olwo kiisi aikiriza aghange okuba omutuukirivu.

Abaheburayi 2:10

Kuba kyali kituufu Katonda eyatonda ebintu byonabyona era n'abibeesaagho, okuleeta abaana be kamaala mu kitiisa. Kye yava n'abona nga kigwaine oyo abakulembera okubatuusa ku bulokozi okumufuula atuukiriire, ng'amubisa mu kudaazibwadaazibwa.

Abaheburayi 9:22

Era mu Mateeka kumpi buli kintu kitukuzibwa na musaayi, era aghazira kuyugha musaayi, tighabaagho kusoniyibwa.