Abalevi 4:21 - Baibuli Ekibono kya Katonda 2014

²¹ Agho ente eyo enaatwalibwanga kuliya kwa weema, Omukulu wa Bakabona yaagyokera eyo ng'oti ni bw'ayokya ere y'aba ng'aghaireyo olw'ekibi kye. Ekyo n'ekigheebwayo olw'ebibi eby'abantu boonaboona aghalala.

Abalevi 4:21 ပူးပေါင်းရင်းမြစ်များ

Ezera 8:35

Mu kiseera ekyo, abo boonaboona abaira okuva mu bunhage, baaghaayo ebigheebwayo ebyokebwa eri Katonda wa Isiraeli. Baaghaayo ente enume ikumi na ibiri ku lwa Isiraeli yoonayoona, baaghaayo entaama enume kyenda na mukaaga, n'entaama ento nsanvu na musanvu. Era baaghaayo n'embuzi enume ikumi na ibiri, ng'ekigheebwayo olw'ebibi. Ebyo byonabyona baabighaayo eri Musengwa Katonda ng'ekigheebwayo ekyokebwa.

Okuvaayo 29:14

Aye emamba ey'ente eyo n'oluwu lwaku era n'obusa, oidha kubyokya omuliro mu kifo aghazira weema dha bantu, ng'ekigheebwayo ekyokebwa olw'ebibi.

Ezekieli 45:22

Ku lunaku olwo olusooka, kyabazinga anaatangagho ku lulwe ni ku lw'abantu boonaboona, ente enume entototo ng'ekigheebwayo olw'ebibi.

Abalevi 16:15

“Agho anaitanga embuzi ey'abantu ey'ekigheebwayo olw'ebibi, yaatwala omusaayi gwayo munda mw'olutimbe, yaagumansira ku kisandikiza eky'Esanduuku ey'Endagaano, ni mu maiso ag'esanduuku eyo, nga bw'akola ku musaayi gw'ente enume.

Abalevi 16:21

Anaatanga emikono gye gyombi ku mutwe gw'embuzi eyo enamu, yaalaamiriza ng'ayatula ebyonoono n'ebibi eby'Abaisiraeli n'obudheemu bwonabwona yaabisindika ku mutwe gwayo, olwo yaagisindiikiriza mu irungu ng'etwalibwa omuntu eyategekebwa okukola ekyo.

Abalevi 16:27

Ente enume n'embuzi edh'ekigheebwayo olw'ebibi, dheene musaayi ogwingizibwa mu Kifo Ekitukuvu olw'okukola omukolo ogw'okutukuza, dhinaafulumizibwanga ku luya dhaatwalibwa mu kifo omutaba bantu, dhaayokebwa. Amawu, emamba n'ebyenda byadho, binaayokebwanga.

Abalevi 4:13

Abaisiraeli boonaboona aghalala bwe banaabanga nga n'abakoze ekibi nga tibagendereire, ni basobya ku ebyo Musengwa Katonda bye yalagira, era ekibi ekyo ni kitamanhikiragho,

Abalevi 4:20

Anaakolanga ku nte eyo nga bw'akola ku nte ey'ekigheebwayo olw'ebibi, olwo agheeyo omusengo olw'ebibi by'abantu abo basoniyibwe.

Abalevi 6:11

Agho anaatoolangamu ebivaalo ebyo yaavaala ebindi, yaatwala eivu kuliya kwa weema, mu kifo ekirongoofu.

Abalevi 6:23

Ekigheebwayo eky'emere ey'empeke ekigheebwayo kabona, tikiiriibwengaku. Kinaayokebwanga kyonakyona.”

Abalevi 8:17

Ebyasigalagho byonabyona ku nte eyo: oluwu, emamba, n'obusa, yaabyokya omuliro mu kifo aghazira weema dha bantu, nga Musengwa Katonda bweyamulagira.

Okubala 15:24

Aye okusobya bwe kuba nga tikwakolebwa mu bugenderevu era ng'abantu boonaboona tibaakimanha, olwo abantu boonaboona baghangayo ente ento enume ndala olw'ekigheebwayo ekyokebwa, ekiri n'akawoowo akansangaaza nze Musengwa Katonda. Era bateerangaku ekigheebwayo eky'emere ey'empeke, n'ekigheebwayo eky'ebyokunhwa, ng'amateeka bwe galagira. Era baghangayo n'embuzi ndala enume ng'ekigheebwayo olw'ebibi.

Matayo 20:28

Ng'Omwana w'Omuntu bw'ataidha kugheerezebwa aye okugheereza, n'okughaayo obulamu bwe olw'okununula abantu kamaala.”

2 Ab'e Korintho 5:21

Kurisito tiyali na kibi, aye ku lwaife Katonda yamutaaku ebibi byaife tusobole okubita mu oyo okugabana ku butuufu bwa Katonda.

Abaheburayi 13:11

Olw'ekyo Omukulu wa Bakabona atwala omusaayi gw'ensolo mu Kifo Ekitukuvu Einho, yaagughaayo olw'ebibi, aye emamba yaadho yaayokebwa luuyi etaba bantu.