Abalevi 4:15 - Baibuli Ekibono kya Katonda 2014

¹⁵ Era abakulu ab'ebikunsu banaatanga emikono gyaibwe ku mutwe gwayo, nga bali mu maiso ga Musengwa Katonda, era baagiitira agho.

Abalevi 4:15 ပူးပေါင်းရင်းမြစ်များ

2 Ebyomubyanda 29:23

Olwo baaleeta embuzi enume mu maiso ga kyabazinga n'ag'abantu abeesoloiza, ng'ekigheebwayo olw'ebibi, era abo baadhitaaku emikono gyaibwe.

Okuvaayo 24:1

Agho Musengwa Katonda yaakoba Musa ati: “Iwe, ni Aaroni, ni Nadabu, ni Abihu, aghalala n'abakulu ab'ebikunsu mu Isiraeli nsanvu, muniine olusozi nga mwidha ye ndi nze. Aye bwe munaaba nga mukaali ghalaku, musooke mukube amakiryaivu munsinze.

Okuvaayo 24:9

Agho Musa, ni Aaroni, ni Nadabu, ni Abihu, ghalala n'abakulu ab'ebikunsu mu Isiraeli nsanvu, baaniina olusozi

Abalevi 1:3

Bw'anaabanga ng'aja kughaayo musengo ogwokebwa gwonagwona ni guwaagho ng'atoola mu nte dhe, aidha kughangayo enume eziraku kikyamu kyonakyona. Anaagigheerangayo ku mulyango gw'Eweema ey'Okwagaananirangamu ni Musengwa Katonda, olwo Musengwa Katonda oyo asobole okumusiima.

Abalevi 1:4

Omuntu oyo aidha kutanga omukono gwe ku mutwe gwayo, olwo Musengwa Katonda asiimenga omusengo gwe, olw'okutoolebwaku ebibi bye.

Abalevi 16:21

Anaatanga emikono gye gyombi ku mutwe gw'embuzi eyo enamu, yaalaamiriza ng'ayatula ebyonoono n'ebibi eby'Abaisiraeli n'obudheemu bwonabwona yaabisindika ku mutwe gwayo, olwo yaagisindiikiriza mu irungu ng'etwalibwa omuntu eyategekebwa okukola ekyo.

Abalevi 4:16

Olwo Omukulu wa Bakabona aidha kutoolanga ku musaayi gw'ente eyo, agutwale mu Weema ey'Okwagaananirangamu ni Musengwa Katonda.

Abalevi 4:4

Aidha kugireetanga ku mulyango gw'Eweema ey'Okwagaananirangamu ni Musengwa Katonda, era anaatanga omukono gwe ku mutwe gwayo, yaagiitira agho mu maiso ga Musengwa Katonda.

Abalevi 8:14

Agho Musa yaaleeta ente egheebwayo olw'ebibi, Aaroni ni batabane be baata emikono gyaibwe ku mutwe gwayo.

Abalevi 8:18

Agho Musa yaaleeta entaama enume ey'ekigheebwayo ekyokebwa. Aaroni ni batabane be, baata emikono gyaibwe ku mutwe gwayo.

Abalevi 8:22

Agho Musa yaaleeta entaama enume eyokubiri, ey'okwawulibwa kwa bakabona. Aaroni ni batabane be baata emikono gyaibwe ku mutwe gwayo.

Okubala 11:16

Agho Musengwa Katonda yaakoba Musa ati: “Nsololeza abantu nsanvu boidhi nga bakulu ba bikunsu mu Isiraeli era abakulembeze, obaleete mu Weema ey'Okwagaananirangamu ni Musengwa Katonda, beemerere agho ghalala n'iwe.

Okubala 11:25

Agho Musengwa Katonda yaikira mu kire yaayogera ni Musa, era yaatoola ku mwoyo ogwali ku Musa yaaguta ku bantu abo. Era omwoyo ogwo bwe gwabaidhaku baayogera eby'obulanzi. Aye baakoma ku olwo, tibaakikola mukuzi gundi.

Okubala 8:10

Bw'onaaba oghaayo Abalevi ye nze Musengwa Katonda, Abaisiraeli baidha kuta emikono gyaibwe ku Balevi abo,

Okubala 8:12

Agho Abalevi baidha kugema ku mitwe egy'ente enume dhombi, eyindi mugigheeyo ng'ekigheebwayo olw'ebibi ate eyindi mugigheeyo ng'ekigheebwayo ekyokebwa. Olwo Abalevi batoolebweku ebibi byaibwe.