Abalevi 3:17 - Baibuli Ekibono kya Katonda 2014

¹⁷ Mutalyanga ku masavu oba ku musaayi; eryo n'erinaabanga eiteeka ery'olubeerera, lye munaakuumanga buli ghe munaabanga enaku dhoonadhoona.”

Abalevi 3:17 ပူးပေါင်းရင်းမြစ်များ

Amainhama 9:4

Aye kye mutateekwa kulya, n'emamba ng'erimu omusaayi; kuba omusaayi n'obulamu.

2 Ebyomubyanda 29:35

Okwongereza ku bigheebwayo ebyayokebwa byonabyona okuwaagho, ghaaligho n'amasavu ag'ebigheebwayo olw'okutabagana, n'ebigheebwayo ebifukibwa, ebyagheerwayo aghalala n'ebigheebwayo ebyayokebwa ebyo. Kale okusinza okw'omu isinzizo kwaizibwagho kutyo.

Nehemia 8:10

Buti mwireyo ewaimwe, mulye ebisavu, munhwe omwenge ogw'emizabbibu oguwooma einho, era mugabireku n'abo abazira ghe batoola kuba olunaku lwa Musengwa Katonda waife luno lutukuvu. Agho ni mutanakughala, kuba eisanhu Musengwa Katonda ly'abagha imwe, n'eribaleetera okuba ab'amaani.”

Okuvaayo 27:21

Buli igulo Aaroni ni batabane baidha kugikunaanianga bagireke ng'eyaka obutazikira okutuusa ku nkyo, agho mu maiso ga Musengwa Katonda, ku luya kw'olutimbe oluli emberi y'Esanduuku ey'Endagaano, mu Kifo Ekitukuvu Einho, agho mu Weema ey'Okwagaananirangamu ni Musengwa Katonda. Eiteeka eryo linaakuumibwanga Abaisiraeli boonaboona ense n'ense.”

Okuvaayo 28:43

Aaroni ni batabane baidha kuvaalanga ebivaalo ebyo buliidho memale bangire mu Weema ey'Okwagaananirangamu ni Musengwa Katonda, oba baseete ye Alutaari okugheereza nga bakabona mu Kifo Ekitukuvu. Bwe batakola batyo balyereetaku omusango era baafa. Kino kiragiro ekitaja kuvaagho eri Aaroni n'abaana be era n'abaidhukulu.

Ezekieli 33:25

“Agho ni bakobere oti nze Musengwa Katonda nkoba nti: Mulya emamba ng'ekaalimu n'omusaayi gwayo, mwasinza ebintu ebisinzibwa ebitali nze Katonda, era mwatemula abantu. Era mwalowooza muti mulitwala ensi eno yaaba yaimwe?

Ezekieli 44:15

Musengwa Katonda era yaakoba ati: “Aye ghaligho bakabona Abalevi ab'oku nda ya Zadoki, abaasigala nga bakampeereza mu isinzizo lyange n'obwesigwa mu kiseera Abaisiraeli abandi boonaboona kye banviiraku ni badaaliima. Bakabona abo n'abaidha okumpeerezanga nga baseeta ye ndi okughaayo amasavu n'omusaayi eby'emisengo.

Ezekieli 44:7

Boonoona eisinzizo lyange eitukuvu nga baganha abagwira abatali bakekete okulingiramu. Abantu abo abatajiira ku mateeka gange naire, baja baingira mu isinzizo nga n'abantu bange bali kughaayo ye ndi amasavu n'omusaayi, ebiva mu misengo gye bampeereza. Olwo abantu bange abo baamenha endagaano yange olw'ebyenhinhalwa ebyo byonabyona abantu abo bye bakola.

Abalevi 10:15

Banaaleetanga ekisambi ekigheebwayo obugheebwe n'ekifuba ekigheebwayo nga kiwuubibwa, nga baleeta amasavu okuba ekigheebwayo eri Musengwa Katonda ekyokebwa. Ebitundu ebyo banaabiwuubanga, bibe ebigheebwayo mu maiso ga Musengwa Katonda nga biwuubibwa. Era binaabanga bibyo era bya baana bo enaku dhoonadhoona, nga Musengwa Katonda bweyalagira.”

Abalevi 10:9

“Iwe ni batabane bo, bwe munaabanga munhweire ku mwenge ogw'emizabbibu, oba ekitamiiza ekindi kyonakyona, mutaingiranga mu Weema ey'Okwagaananirangamu ni Musengwa Katonda. Bwe mulikikola, muja kufa. Eiteeka eryo linaakuumibwanga ab'olulyo lwaimwe enaku dhoonadhoona.

Abalevi 16:29

“Eiteeka lino munaalikuumanga enaku dhoonadhoona: Ku lunaku olweikumi olw'omwezi ogwomusanvu, Abaisiraeli n'abasenze abaabasengamu, baneebonerezanga era tibaakolenga mulimo waire omulala.

Abalevi 16:34

Eiteeka eryo munaalikuumanga enaku dhoonadhoona, nga mutaagho omukolo ogw'okutukuza, omukuzi mulala buli mwaka, olw'okutoola ku Baisiraeli ebibi byaibwe.” Musa yaakola nga Musengwa Katonda bweyamulagira.

Abalevi 17:7

Kale Abaisiraeli tibaidha kwongeranga kuba batali beesigwa eri Musengwa Katonda, nga baghaayo emisengo gyaibwe eri emisambwa egiri ng'oti mbuzi. Eiteeka eryo banaalikuumanga enaku dhoonadhoona.’

Abalevi 19:26

“Mutalyanga mamba ng'ekaalimu omusaayi. Mutakolanga bya bulogo oba eby'okulagulwa.

Abalevi 23:14

Mutalyanga ku ngaano mpyaka naire, k'ebe nga mbisi, oba nga nkalange, oba ng'ekoleibwamu omugaati, okutuusa nga mumaze okuleeta ekigheebwayo kya Katonda waimwe. Eiteeka lino linaakuumibwanga ab'olulyo lwaimwe boonaboona, enaku dhoonadhoona, buli ye banaabanga.

Abalevi 23:21

Ku lunaku olwo munaalangiriranga, mwesoloza okunsinza. Mutakolanga mulimo waire omulala ku egyo gye mukola buliidho. Eiteeka lino munaalikuumanga ebyanda n'ebyanda, mu nse dhoonadhoona, eyo yoonayoona ye munaabanga.

Abalevi 24:3

Buli igulo, Aaroni aidha kugikunaanianga, agireke ng'eyaka obutazikira okutuusa ku nkyo, agho mu maiso ga Musengwa Katonda, ku luya kw'olutimbe oluli emberi ow'Esanduuku ey'Endagaano, mu Kifo Ekitukuvu einho agho mu Weema ey'Okwagaananirangamu ni Musengwa Katonda. Eiteeka eryo liidha kukuumibwanga ebyanda n'ebyanda.

Abalevi 24:9

Emigaati egyo ginaabanga gya Aaroni ni batabane be, era bagiriiranga mu kifo ekitukuvu, kuba ekyo n'ekitundu ekitukuvu einho eky'eby'okulya ebigheebwayo eri Musengwa Katonda.”

Abalevi 3:16

Kabona anaayokeranga ebyo byonabyona ku alutaari ng'ekigheebwayo eky'eby'okulya ekyokebwa, olw'akawoowo kaakyo akasangaaza Musengwa Katonda. Amasavu goonagoona ga Musengwa Katonda.

Abalevi 4:1

Musengwa Katonda yaalagira Musa,

Abalevi 6:15

Anaayoolangaku omuganda ku buwunga obwo obuseereibwa obukalamu, n'omuzigo, n'obubbaani bwonabwona ebireeteirwaku, byonabyona yaabyokera ku alutaari, ng'akamanhiso akooleka nga byonabyona bigheereibwayo eri Musengwa Katonda. Akawoowo kaabyo kasangaaza Musengwa Katonda.

Abalevi 6:18

Mu byanda byonabyona ebiriidha, kiisi musaadha ku b'oku lulyo lwa Aaroni anaabanga wa idembe okukiryaku, ogwo nga n'omugabo gwaibwe ogw'olubeerera ku by'okulya ebigheebwayo eri Musengwa Katonda nga byokebwa omuliro. Kiisi anaakigemangaku, anaabanga mutukuvu.”

Abalevi 6:22

Mu byanda byonabyona ebiriidha, ekigheebwayo kino kinaagheebwangayo mwidhukulu wa Aaroni yeenayeena anaabanga nga n'akola ng'Omukulu wa Bakabona. Kinaayokebwanga kyonakyona ekiramba.

Abalevi 7:23

akobere Abaisiraeli ati: “Mutalyanga masavu ga nte, oba ag'entaama, oba ag'embuzi.

Abalevi 7:34

Ekifuba ekigheebwayo nga kiwuubibwa n'ekisambi ekigheebwa kabona nga kitoolebwa ku musengo ogugheebwayo olw'okutabagana, mbitoire ku Baisiraeli okuva ku misengo gye baghaayo olw'okutabagana, naabigha Aaroni n'abaana be. Bino Abaisiraeli banaateekwanga okubigha bakabona enaku dhoonadhoona.

Abalevi 7:36

Ku lunaku olwo Musengwa Katonda yalagira Abaisiraeli okughanga bakabona abo omugabo ogwo. Ekyo Abaisiraeli bali n'okukituukirizanga enaku dhoonadhoona.”

Okubala 19:21

Ekiragiro ekyo baidha kukikuumanga ebyanda n'ebyanda. Oyo anaamansiranga amaadhi agakozesebwa mu kutoolagho ebibi, aidha kwozanga ebivaalo bye. N'oyo anaagemanga ku maadhi ago agakozesebwa mu kutoolagho ebibi, aidha kubanga nga tiimulongoofu okutuuka olw'eigulo.

Matayo 16:24

Agho Yesu yaakoba Abeegeresebwa be ati: “Oba nga ghaligho ayenda okuunonereza, alobe kwefaaku naire, abbeede omusalaba gwe annonereze

Matayo 26:28

kuba guno musaayi gwange, ogw'endagaano empyaka oguyuyibwa olw'abantu kamaala okusoniyibwa ebibi.

Ebikolwa by'Abatume 15:29

Mweghalenga okughangayo emisengo eri ebisinzibwa ebitali Katonda, mweghalenga okulya omusaayi, mweghalenga okulya ebitugiibwa, mweghalenga n'obwenzi. Bwe muneeghala ebintu ebyo munaaba mukoze bukalamu.”

Ab'Efeso 1:7

Olw'okufa kwa Kurisito ng'omusengo, tufuna okununulwa nga tusoniyibwa ebibi byaife olw'ekisa kya Katonda ekyodo,

Ab'Efeso 5:26

Yaakitukuza ng'akinaaza n'amaadhi n'ekibono,

Amateeka Agokubiri 12:16

Aye mutalyanga ku musaayi gwa nsolo yoonayoona. Mwidha kuguyughanga bwa ku itaka ng'oti maadhi.

Amateeka Agokubiri 12:23

Aye mwegenderezenga mulobe kulya ku musaayi, kuba omusaayi n'obulamu. Kale ni mutalyanga bulamu ghalala na mamba.

Amateeka Agokubiri 12:24

Mutalyanga musaayi. Muguyughenga bwa ku itaka ng'oti maadhi.

Amateeka Agokubiri 15:23

Aye mutalyanga ku musaayi gwadho. Mwidha kuguyughanga bwa ku itaka ng'oti maadhi.”

Amateeka Agokubiri 32:14

Ente dhaibwe dhaabagha omuzigo, n'embuzi dhaibwe dhaabagha amata. Baazaaza entaama ensavu einho, baafuna engaano enungi einho, baakunha omwenge ogw'emizabbibu omuka oguwooma.

1 Timotheo 4:4

Kiisi kitonde ekya Katonda kikalamu era ghazira kya muziro, kasita kiriibwa n'okweyanza;