Abalevi 27:31 - Baibuli Ekibono kya Katonda 2014

³¹ Omuntu bw'anaayendanga okununula ekirala ku bitundu ebyo, ka kibe eky'ensigo oba eky'ebibala eby'emiti, anaasasulanga omughendo ogukijaamu nga gubaliriirwa ku mbala entongole ey'eisinzizo, yaagaitaku n'ekitundu kirala kirala ku buli bitundu ebitaanu eby'omughendo ogwo.

Abalevi 27:31 ပူးပေါင်းရင်းမြစ်များ

2 Bakyabazinga 12:4

Agho Yoashi yaakoba bakabona ati: “Empiiya dhoonadhoona edhiva mu bintu ebigheebwayo ye Musengwa Katonda edhireetebwa mu isinzizo, edho nga n'empiiya kiisi muntu dh'agerekerwa okugha, era oteeku n'edho omuntu dh'aba nga yeeyamye mwene okugha,

Abalevi 27:27

Aye ensolo eyo ezaaliibwa mu luzaalo olusooka bw'enaabanga nga ya nsolo etali nongoofu, enaanunulibwanga ku mughendo ogubaliriirwa ku mbala entongole, ni gugaitibwaku ekitundu ekirala ekirala ku buli bitundu ebyagwo ebitaanu. Bw'enaabanga nga tenunwirwa, enaaguzibwanga omuntu owundi ku mughendo gw'ebaliriirwamu.

Abalevi 27:30

“Ekitundu ekirala ekirala ku buli bitundu eikumi eby'ebirime ebikungulwa mu nsi, kya Musengwa Katonda, ka kibe kya nsigo oba eky'ebibala eby'emiti.

Abalevi 27:32

Ku buli nsolo ikumi enfuge, endala enaabanga ya Musengwa Katonda. Ensolo dhaimwe, ka dhibe ente oba entaama oba embuzi, bwe dhinaabanga nga dhiri kubalibwa, ku buli ikumi munaatoolangaku ndala yaaba ya Musengwa Katonda.

Abalevi 5:16

Era anaaleetanga ekyo ky'ataaghaayo, yaayongeraku n'omutango gwa kitundu kirala kirala ku buli bitundu bitaanu eby'ekyo ky'ataaghaayo. Ebyo anaabireetanga eri kabona, kabona oyo yaaghaayo ensolo eyo yaaba ekigheebwayo ng'omusengo olw'ebibi by'omuntu oyo, era omuntu oyo yaasoniyibwa.