Abalevi 27:13 - Baibuli Ekibono kya Katonda 2014

¹³ Oyo agireese bw'anaayendanga okuginunula, anaasasulanga omughendo gwayo, yaagaitaku n'ekitundu kirala kirala ku buli bitundu bitaanu eby'omughendo ogwo.

Abalevi 27:13 ပူးပေါင်းရင်းမြစ်များ

Abalevi 22:14

“Omuntu atali wa ku lulyo lwa bakabona bw'anaalyanga ku kigheebwayo ekitukuvu nga tagendereire, anairizangagho kabona ekigheebwayo ekyo ekitukuvu, yaayongeraku n'omutango gwa kitundu kirala kirala ku buli bitundu bitaanu eby'ekigheebwayo ekyo.

Abalevi 27:10

Ensolo ey'ekigheebwayo, omuntu taagikyusengamu kutaagho yindi, oba okufaanisaamu enungi mu kifo ky'embi, oba embi mu kifo ky'enungi. Bw'anaakolanga atyo, olwo ensolo dhombi dhinaabanga dha Musengwa Katonda.

Abalevi 27:12

kabona yaabalirira omughendo ogugijaamu, ng'ajiira ku bulungi oba ku bubi bwayo. Omughendo gw'anaabaliriranga n'ogunaabanga ogw'enkomerero.

Abalevi 27:14

“Omuntu bw'anaaghangayo endhu ye ebe eya Musengwa Katonda, kabona anaabaliriranga omughendo ogugijaamu ng'ajiira ku birungi oba ku bitali birungi ebigiriku. Omughendo gw'anaabaliriranga n'ogunaabanga ogw'enkomerero.

Abalevi 27:15

Oyo agighaireyo bw'anaayendanga okuginunula, anaasasulanga omughendo gwayo, yaagaitaku n'ekitundu kirala kirala ku buli bitundu bitaanu eby'omughendo ogwo.

Abalevi 27:19

Ole aghaireyo eitaka eryo bw'anaayendanga okulinunula, anaasasulanga omughendo gwalyo ogubaliriirwa, yaagaitaku n'ekitundu kirala kirala ku buli bitundu bitaanu eby'omughendo ogwo, olwo lyasigalanga nga likaali lirye.

Abalevi 27:27

Aye ensolo eyo ezaaliibwa mu luzaalo olusooka bw'enaabanga nga ya nsolo etali nongoofu, enaanunulibwanga ku mughendo ogubaliriirwa ku mbala entongole, ni gugaitibwaku ekitundu ekirala ekirala ku buli bitundu ebyagwo ebitaanu. Bw'enaabanga nga tenunwirwa, enaaguzibwanga omuntu owundi ku mughendo gw'ebaliriirwamu.

Abalevi 5:16

Era anaaleetanga ekyo ky'ataaghaayo, yaayongeraku n'omutango gwa kitundu kirala kirala ku buli bitundu bitaanu eby'ekyo ky'ataaghaayo. Ebyo anaabireetanga eri kabona, kabona oyo yaaghaayo ensolo eyo yaaba ekigheebwayo ng'omusengo olw'ebibi by'omuntu oyo, era omuntu oyo yaasoniyibwa.