Abalevi 26:9 - Baibuli Ekibono kya Katonda 2014

⁹ Imwe nnaabaghanga enkabi, n'okuzaala abaana kamaala, era nnaakuumanga endagaano ye nakola n'imwe.

Abalevi 26:9 ပူးပေါင်းရင်းမြစ်များ

Amainhama 1:28

Era yaabagha enkabi, yaabakoba ati: “Muzaale, mwale, mwidhuze ensi, mugifuge. Mufugenga ebyenhandha n'enhonhi, na kiisi kiramu ekitambula ku nsi.”

Amainhama 17:20

Era Ishimaeli yeena ndidha kumugha by'osabye: ndidha kumugha enkabi azaale abaana kamaala, era afune n'abaidhukulu kamaala. Aidha kuzaala abalangira ikumi na babiri, era ndidha kumufuulamu eighanga ery'amaani.

Amainhama 22:17

bwenebwene ndikugha enkabi, era ndikwaliza abaidhukulu baaba kamaala inho ng'oti n'emuunienie edh'oku igulu, era ng'oti n'omusenho oguli ku mbali okw'enhandha. Era baghangulenga ebibuga by'abazigu baibwe.

Amainhama 26:4

Ndidha kukugha abaidhukulu kamaala inho ng'oti n'emuunienie edh'oku igulu, era mbaghe ebiketezo eby'ensi bino byonabyona. Era mu baidhukulu bo, amaghanga goonagoona ku nsi mwe galigheerwa enkabi;

Amainhama 28:14

Baidhukulu bo baliba bangi ng'oti nkungu ey'oku nsi. Balibuna mu nsonda dhoonadhoona edh'ensi. Era mu iwe, ni mu baidhukulu bo, amaghanga goonagoona mwe galigheerwa enkabi.

Amainhama 28:3

Katonda Aghanga Ebintu Byonabyona akughe enkabi, ozaale abaana kamaala, osimukemu amaghanga kamaala.

Amainhama 48:4

Era yankoba ati, ‘Bona, ndikugha okuzaala abaana kamaala, baidhukulu bo naabafuula amaghanga kamaala. Era ndigha baidhukulu bo ensi eno, yaaba yaibwe ebyanda n'ebyanda.

Amainhama 6:18

Aye ndidha kukola endagaano yange n'iwe era oidha kwingira mu lyato eryo, iwe ni batabane bo, ni mukazi wo, ni baka batabane bo.

1 Bakyabazinga 3:8

Ate nze omugheereza wo ndi mu bantu be walondamu, eighanga eikologho, olukunkumuli olw'abantu abatasoboka kubalika.

2 Bakyabazinga 13:23

Aye Musengwa Katonda yaabagemerwa ekivunika, yaabasaasira. Yaira ku luuyi lwaibwe yaababeera olw'endagaano ye yakola ni Aburahamu ni Isaaka ni Yakobo, era yaaloba kubazikiriza waire okubabinga mu maiso ge ni ye buli eno.

Nehemia 2:20

Naabairamu nti: “Katonda ow'eigulu, aidha kutugha obughanguzi. Kale ni ife abagheereza be twidha kusitukiramu tuzimbe. Aye imwe mu Yerusalemu muno, muziramu mugabo gwaimwe, oba okubaamu n'ekintu ekyaimwe, waire ekiidhukizo obwidhukizo.”

Nehemia 9:23

Wabagha abaidhukulu kamaala, baayala ng'oti n'emuunienie edh'oku igulu, waabatuusa mu nsi ye wakoba badhaadha baibwe batwale ebe eyaibwe ku bwaibwe.

Zabbuli 107:38

Abagha enkabi baazaala abaana kamaala, n'ebyayo byaibwe byaloba kukendeera naire.

Zabbuli 89:3

Wakoba oti: “Nakola endagaano ni Daudi ye neerondera; era naasuubiza omugheereza wange oyo nti,

Okuvaayo 1:7

Aye Abaisiraeli abo, abaana be baaleka baazaalagana inho era baaba ba maani agataloodheka, kumpi baidhuza Misiri yoonayoona.

Okuvaayo 2:25

Katonda yaalingirira Abaisiraeli, yaamanha nga bali bubi, era yaabalumirwa.

Okuvaayo 6:4

Era nakola nabo endagaano okubagha ekiketezo eky'e Kanaani, ekiketezo mwe baabanga ng'abasenze.

Isaia 55:3

Mwidhe ye ndi mutege amatu; muwulirise bye nkoba musobole okufuna obulamu. Ndikola n'imwe endagaano etaliwaagho, ey'okugonza kwange okutakoma kwe nagonzangamu Daudi.

Yeremia 23:3

Nze mwene ndidha kusoloza abantu bange abaliwonagho nga mbatoola mu nsi dhoonadhoona ye nababingira, mbaize mu nsi yaibwe. Balizaalagana baaba kamaala.

Yeremia 23:4

Ndibateeragho abakulembeze okubalabiriranga, abantu bange abo baalekera agho okutya n'okweraliikirira, era ghaaloba kubaagho waire omulala ati abula. Nze Musengwa Katonda, ninze nkobye.”

Yeremia 33:3

“Bw'onandheta nze Musengwa Katonda, ndidha kukuvugira era nkukobere ebintu ebyewuunhisa ebyagisibwa by'otaidhi.

Ezekieli 16:62

Ndiizaagho endagaano yange n'iwe.

Ezekieli 36:9

Nze ndi ku luuyi lwaimwe, era nja kubona nti mulimwaku enimiro, era dhaasigibwamu ensigo.

Abalevi 26:15

era bwe munaalobanga okugema amateeka gange ni mukyagha obukyaghe bye mbakoba, era ni mutagondera biragiro byange byonabyona, mu nsambo eyo ni mumenha endagaano ye nakola n'imwe,

Luka 1:72

Alage okusaasira kwe yasuubiza badhaadha baife, aidhukire endagaano ye entukuvu.

Amateeka Agokubiri 28:11

Era Musengwa Katonda aidha kubaghanga ebirungi kamaala, muzaale abaana, mube n'ebyayo bingi era mwaze ebirime mu itaka lyaimwe, mu nsi Musengwa Katonda ye yasuubiza badhaadha baimwe okubagha.

Amateeka Agokubiri 28:4

“Mwidha kubanga n'enkabi, muzaale abaana kamaala era mwaze ebirime, n'ente, n'entaama, n'embuzi.

Amateeka Agokubiri 7:13

Aidha kubagonzanga, abaghe enkabi mweyongerenga okwala nga muzaala abaana kamaala. Aidha kughanga eitaka lyaimwe enkabi mufunenga emere, n'omwenge ogw'emizabbibu, n'omuzigo ogw'ebibala eby'emiti emyoliva. Aidha kuleeteranga ebyayo byaimwe okuzaalagana: ente, embuzi, n'entaama. Ebirungi ebyo byonabyona aidhanga kubibagheera mu nsi ye yasuubiza badhaadha baimwe okugibagha imwe.

Abaheburayi 8:9

Teriba oti n'endagaano ye nakola ni badhaadha baibwe, ku lunaku lwe nabagema ku mukono okubatoola mu nsi Misiri; kuba tibaakalangukira ku ndagaano ye nakola nabo. Zeena kyenava ni ndekayo okubafaaku.