Abalevi 26:43 - Baibuli Ekibono kya Katonda 2014

⁴³ Aye ensi enaasookanga kulekebwa agho yaazika, beene nga baziramu. Olwo yaawuumula, era ni beene baaganha okubonerezebwa olw'okudheemera ebiragiro byange, n'obutagema mateeka gange.

Abalevi 26:43 ပူးပေါင်းရင်းမြစ်များ

2 Ebyomubyanda 33:12

Agho bweyali ng'ali eyo mu kudaazibwadaazibwa, yeegayirira Musengwa Katonda we era yeewooya ekibitiriire mu maiso ga Katonda wa badhaadha be oyo.

2 Ebyomubyanda 36:21

Ekyo kyabaagho okutuukiriza Musengwa Katonda bye yayogera ng'abita mu Yeremia omulanzi, ati: “Ensi erirekebwa agho etyo okumala entangama ya myaka nsanvu ng'ewuumula, olw'okwesasuuza ekiwuumulo kya Sabbato kye baali tibakuzanga.”

Yobu 5:17

Bona eno, wa nkabi omuntu Katonda y'agolola okuva mu nsobi. Kale otanhoomanga kukangaivulwa kw'Oyo Aghanga Ebintu Byonabyona.

Zabbuli 119:67

Nali ndaaliimye okuva mu ngira entuufu, iwe wankangaivula, aye buti tiva ku kibono kyo.

Zabbuli 119:71

Okukangaivulwa kwange kwankola bukalamu, kuba kwandeetera okwega okukola by'olagira.

Zabbuli 119:75

Wo Musengwa Katonda, ndidhi ng'ensala yo ntuufu eziramu kwekubira, era ndidhi nga wankangaivula kuba oli mwesigwa mu by'osuubiza.

Zabbuli 50:15

Munsabenga nga muli mu bizibu, ndidhanga kubawonia, imwe muntengamu ekitiisa.”

Zabbuli 50:17

Timwenda kugalagirwa, era bye mbakoba mubisuula bw'ere.

Isaia 26:16

Wo Musengwa Katonda, abantu bo bwe baali mu buzibu, baidha baakwagala y'oli; bwe wabakangaivula, baakusaba nga bakweghemba.

Yeremia 31:19

Twakuvaaku twadaaliima, aye mangu ago twamala twenenia. Bwe watubonereza twagonda, twakoteka emitwe nga tuswaire inho. Ensoni dhaatugema twaswala, kuba twatoolera okwonoona nga tukaali bato.’

Danieli 9:14

Kale ni kyewava n'otegeka okutusindikira akabi ako, era n'omala n'okatutuusaaku kuba iwe Musengwa Katonda waife buliidho okola bituufu, aye ife titugondera by'okoba.

Abalevi 26:11

Nnaabanga mu imwe, era tiibakyaghenga.

Abalevi 26:15

era bwe munaalobanga okugema amateeka gange ni mukyagha obukyaghe bye mbakoba, era ni mutagondera biragiro byange byonabyona, mu nsambo eyo ni mumenha endagaano ye nakola n'imwe,

Abalevi 26:30

Ndidha kuzikiriza ebifo byaimwe ebigulumivu bye musinzizaamu emisambwa, era mmenheregho irala alutaari dhe muniokezaaku obubbaani olw'emisambwa egyo, n'emirambo gyaimwe ngisuule ku bifaananie eby'emisambwa egyo gye musinza. Mu busungu obungi

Abalevi 26:41

ni bandeetera okubeefuulaku, ni mbasindika mu bunhage mu nsi y'abazigu baibwe, era baidhukulu baimwe abo bwe balimala okugonda, ni baganha okubonerezebwa olw'ebibi byaibwe,

Amosi 5:10

Abantu imwe, mukyagha omuntu abatakania olw'okusaliriza mu mbuga dh'amateeka. Era n'omuntu ayogera amazima abasina.

Zekaria 11:8

Ghaabaagho abaayi basatu abankyagha ni bandeetera okubeesinwa. Kale naababinga mu mwezi mulala guti.

Yoanne 7:7

Ensi tesobola kubakyagha, aye nze enkyagha, kuba mpa obudhulizi ku bikolwa byayo ebibi.

Ab'e Roma 8:7

Okwemalira ku by'omubiri kuleetera omuntu okuba omuzigu wa Katonda, nga tawulira mateeka ga Katonda, era bwene taghanga ku gawulira.

Amateeka Agokubiri 32:36

Musengwa Katonda bw'alibona abantu be boonaboona nga bawoiremu amaani, alisala omusango baagusinga. Bw'alibona nga tighakaali yeesobola k'abe omwiru oba ow'eidembe, alibagemerwa ekivunika.