Abalevi 26:42 - Baibuli Ekibono kya Katonda 2014

⁴² olwo ndituukiriza endagaano ye nakola ni Yakobo, ni Isaaka era ni Aburahamu, era tija kwerabira nsi ye nabasuubiza.

Abalevi 26:42 ပူးပေါင်းရင်းမြစ်များ

Amainhama 15:18

Ku lunaku olwo, Musengwa Katonda yaakola endagaano ni Aburamu. Yaakoba ati: “Baidhukulu bo mbaghaire ensi eno yoonayoona okuva ku nsalosalo ya Misiri okutuuka ku mwiga omukologho Eufurate.

Amainhama 26:2

Musengwa Katonda yaabonekera Isaaka, yaakoba ati: “Otaikirira mu Misiri; sigala mu nsi eno, obe ghe nnaakukoba.

Amainhama 26:24

Musengwa Katonda yaamubonekera obwire obwo, yaakoba ati, “Ninze Katonda wa lata wo Aburahamu. Otatya, kuba ndi n'iwe. Ndikugha enkabi, era naakugha abaidhukulu kamaala, olw'omugheereza wange Aburahamu.”

Amainhama 26:5

kuba Aburahamu yawulira bye namusikiriranga, era yaagondera amateeka gange goonagoona n'ebiragiro byange.”

Amainhama 28:13

Era okuja okubona, nga Musengwa Katonda ayemereire ghaigulu ghaago. Yaakoba ati: “Ninze Musengwa Katonda, Katonda wa dhaadha wo Aburahamu, era Katonda wa Isaaka. Ensi eno gy'olambaireku ndigikugha iwe ni baidhukulu bo.

Amainhama 28:15

Bona, ndi n'iwe, ndidha kukukuumanga yoonayoona y'onaajanga, era ndidha kukwiza mu nsi eno; tirikulekulira agho, okutuusa nga mmaze okutuukiriza ebyo bye nkukobye.”

Amainhama 35:11

Era yaamukoba ati: “Ninze Katonda Aghanga ebintu byonabyona. Zaala abaana kamaala, mweyongere obungi amaghanga kamaala galisimuka mu iwe, era oliba dhaadha wa bakyabazinga.

Amainhama 35:12

Era ensi ye nagha Aburahamu ni Isaaka, ndigikugha iwe, naagigha ni baidhukulu bo abaliiragho.”

Amainhama 9:15

ndidha kwidhukiranga endagaano yange ye nkoze n'imwe, era ye nkoze na buli kitonde ekiramu. Era amaadhi tigakairamu kufuuka mwidhuzo kabiri okuzikiriza ebiramu byonabyona.

Amainhama 9:16

Bwe kanaabonekanga mu bire, ndidhanga kukalingaku ndidhukire endagaano etawaagho ye nkoze na buli kitonde ekiramu kyonakyona ekiri mu nsi.

Zabbuli 106:45

Ku lwaibwe yaidhukira endagaano ye era yaabairiramu olw'okugonza kwe okutakoma.

Zabbuli 136:23

Oyo n'eyatubeera ng'omuzigu atughangwire; okugonza kwe tikukoma, kubaagho byanda na byanda.

Okuvaayo 2:24

Katonda yaawulira okulira kwaibwe, era yaidhukira endagaano ye ni Aburahamu, ni Isaaka era ni Yakobo.

Okuvaayo 6:5

Ate ekindi naawulira okulira okw'Abaisiraeli, Abamisiri be baafuula abairu, naidhukira endagaano yange.

Isaia 14:1

Musengwa Katonda aliiramu okugemerwa Abaisiraeli ekivunika, yaabalonda kabiri okuba abantu be. Era alibaizaayo mu nsi yaibwe, baaba omwo. N'abasenze baliidha baabeeyimbaku, baabanga ghalala ni baidhukulu ba Yakobo abo.

Ezekieli 16:60

Aye nze ndikuuma endagaano ye nakola n'iwe ng'okaali muto, era ndikola niiwe endagaano ey'ebyanda n'ebyanda.

Yoeli 2:18

Agho Musengwa Katonda yaalumirwa ensi ye, era yaasaasira abantu be.

Luka 1:72

Alage okusaasira kwe yasuubiza badhaadha baife, aidhukire endagaano ye entukuvu.

Amateeka Agokubiri 4:31

kuba Musengwa Katonda waimwe wa kivunika. Talibalekulira agho waire okubazikiriza, era talyerabira ndagaano ye yakola ni badhaadha baimwe.”

Amateeka Agokubiri 9:27

Idhukira abagheereza bo, Aburahamu, Isaaka, ni Yakobo. Otalingirira mpwitu ya bantu bano, waire ebibi byaibwe, oba waire okwonoona kwaibwe.

Abalamuzi 2:1

Agho malaika wa Musengwa Katonda yaava e Giligali, yaaja e Bokimu. Yaakoba Abaisiraeli ati: “Nabatoola mu nsi Misiri, naabaleeta mu nsi ye nasuubiza badhaadha baimwe. Naakoba nti, ‘Tirimenhagho ndagaano ye nakola n'imwe.