Abalevi 26:39 - Baibuli Ekibono kya Katonda 2014

³⁹ Abatono ku abo abanaawonangagho mu nsi y'abazigu baibwe, banaasensemukanga baawaagho olw'ebibi byaibwe, n'olw'ebibi bya badhaadha baibwe.

Abalevi 26:39 ပူးပေါင်းရင်းမြစ်များ

2 Ebyomubyanda 34:24

Musengwa Katonda akoba ati, ebikolimo ebyogerwaku mu kitabo kino kye basomeire kyabazinga wa Buyudaaya, nja kubituusa ku kifo kino ni ku bantu baamu.

Ezera 9:7

Okuviira irala ku biseera bya badhaadha baife okutuusa ni ye buli eno, tukola inho ebibi. Era olw'ebibi byaife, ife, n'ebya bakyabazinga baife, n'ebya bakabona baife, tubairenga tugheebwayo mu ngalo dha bakyabazinga abamaghanga agandi, baatwitira mu ntalo, baatutwala mu bunhage, baatunhagaku ebyaife, era twaswala nga bwe tuli buti.

Nehemia 1:9

Aye bwe munaakyukanga ni mwira ye ndi, ni mujiira ku biragiro byange, ndidha kubakungaanianga ni bwe munaabanga nga musansaanire eyo eghala einho, mbaleete mu kifo kye nalonda okunsinzizangamu.’

Okuvaayo 20:5

Ebintu ebyo mutabisinzanga, kuba nze Musengwa Katonda waimwe ndi wa nkikidi ku bantu bange. Abo abankyagha mbabonereza, era naabonereza n'abaana baibwe, n'abaidhukulu, okutuukira irala ku luse olwokusatu n'olwokuna.

Okuvaayo 34:7

Ninze ayoleka enkumi n'enkumi edh'abantu okugonza kwange okwo okutakoma. Era mbasonigha olw'okukola ebibi, n'olw'obudheemu, n'olw'empwitu. Aye tiroba kubonereza baana na baidhukulu lwa bibi bya bazaire baibwe, mu nse dhoonadhoona okutuuka ku lwokusatu ni ku lwokuna.”

Isaia 14:21

Mukole mwite abaana ba kyabazinga oyo olw'ebibi bya badhaadha baibwe, balobe kusituka kutoola nsi efuuke yaibwe, na kugiidhuza yoonayoona bibuga.”

Isaia 24:16

Tuliwulira enhembo okuva ensi y'ekoma nga dhisaaka ekitiisa ky'oyo Omutukuvu. Aye nze nkoba nti nga nkagwireku! Ndi kuseenena buseenene mwoyo era naagoogomba naawaagho. Abantu ab'enkwe baba bwa mukusalira banaibwe nkwe. Era enkwe dhaibwe dheeyongera bweyongere okuba embi.

Yeremia 29:12

Olwo mulindheta okubayamba era mwansaba, naabawulirisa.

Yeremia 3:25

Twidha kulambaala mu nsoni, okuswala kwaife kutubwike ng'oti mwebwiko kuba ife ni badhaadha baife twakola ebibi eri Musengwa Katonda waife, okuva mu buto okutuusa ni ye buli eno, twaloba kugondera Musengwa Katonda waife by'akoba.”

Yeremia 31:29

Ekiseera ekyo bwe kirituuka abantu baliba tibakaakoba bati, ‘Abazaire baalya emizabbibu egikaagha, aye ate abaana n'abaagemwa engigina ku maino.’

Okulira 1:3

Abantu ab'omu kibuga ekyo n'ab'omu Buyudaaya mwonamwona baatwalibwa mu bunhage era eyo ye bali mu bwiru. Baba eyo mu maghanga agandi etali waibwe era ye batawuliriraku miraala naire. Beezungulwirwa abazigu be batasobola kunuuka.

Okulira 4:9

Abaafumitibwanga empiima baafanga bulungiku okusinga abaafanga endhala; kuba bano baalambukanga mpola okutuusa lwe baafanga, olw'okubulwa emere ey'okubabeesaagho nga balamu.

Ezekieli 18:19

“Aye musobola okwebuuza muti, ‘Lwaki omwana tibamuvunaana bibi ise bye yakola?’ Eky'okwiramu kiri nti omwana bw'aba nga yakola ebituufu ebigwaniire ng'ajiira ku mateeka, era nga yali mwegendereza okukuuma ebiragiro byange, aliba mulamu.

Ezekieli 20:43

Nga muli eyo muliidhukira emize gyaimwe n'ebikolwa byaimwe byonabyona bye mweyonoona nabyo. Olwo mwenenia era mwawulira n'enaku olw'ebibi byaimwe byonabyona bye mwakola.

Ezekieli 24:23

Timulireka kusiba bitambaala byaimwe ku mitwe, waire okuleka okuvaala engaito mu bigere olw'enaku. Era timulirira maziga waire okuwowoola. Aye muligoogomba mwawaagho olw'ebibi byaimwe, buli muntu yaasindira mwine enaku.

Ezekieli 33:10

Musengwa Katonda era yankoba ati: “Iwe omuntu, yogera eri ab'eighanga Isiraeli ku ebyo bye bakoba bati, ‘Ebibi byaife n'ensobi dhaife bitutwaliriiza inho, byatugoogombya twaweera mu luwu. Kale tunaaba tutya abalamu?’

Ezekieli 36:31

Agho muliidhukira empisa dhaimwe edhaali embi n'ebikolwa byaimwe ebyali ebibi. Olwo mwekyagha olw'ebibi byaimwe n'olw'ebikolwa ebyenhinhalwa bye mwakola.

Ezekieli 4:17

Emere n'amaadhi bija kubawaaku, olwo balingaganeku nga bawoiremu eisuubi, batuuke n'okugoogomba baweere mu luwu, olw'ebibi byaibwe.”

Ezekieli 6:9

baaba eyo mu bunhage. Abo balindidhukira nga bali eyo era baamanha nga bwe namenha emyoyo gyaibwe egitali myesigwa egyanvaaku, ni giira ku kusinza ebifaananie ebitali nze Katonda. Kale balituuka beene okwesinwa olw'ebibi byaibwe, n'olw'ebyenhinhalwa bye bakola.

Hosea 5:15

Ndiirayo mu kifo kyange ye mba, okutuusa lwe baliikiriza ni baatula ebibi byaibwe era ni baanoonia ye ndi. Bwe baliba mu kudaagadaaga kwaibwe baliinoonia ye ndi.

Zekaria 10:9

Waire nabasansaaniza mu maghanga, aye era balindidhukiranga nga bali eyo mu nsi edh'eghala. Era beene aghalala n'abaana baibwe balisigala nga bakaali balamu, baamala baira eka ewaibwe.

Okubala 14:18

‘Nze Musengwa Katonda ndwagho okusungughala, ngonza abantu obutalekera, era naasonigha aboonooni n'abadheemu. Aye tiriroba kubonereza aliku musango. Ndibonereza abaana n'abaidhukulu olw'ebibi eby'abazaire baibwe, okutuukira irala ku luse olwokusatu n'olwokuna.’

Amateeka Agokubiri 28:65

Era nga muli mu maghanga ago timulityama ni mutereera naire oba okubaaku ni ghe mweta aghaimwe. Aye Musengwa Katonda alibaleetera okutya, n'okweraliikirira, n'okuwaamu eisuubi.

Amateeka Agokubiri 30:1

Musa yaakoba Abaisiraeli ati: “Mpegaano mbaghaire okulondagho ku bintu bino ebibiri: okugheebwa enkabi oba okusindikirwa ebikolimo. Ebintu ebyo bwe birimala okubatuukaku nga muli eyo mu maghanga agandi, Musengwa Katonda waimwe y'alibasansaaniza, muliidhukiranga nga nabagha okulondagho ku ebyo.

Amateeka Agokubiri 5:9

Ebintu ebyo mutabisinzanga, kuba nze Musengwa Katonda waimwe ndi wa nkikidi ku bantu bange. Abo abankyagha mbabonereza, era naabonereza n'abaana baibwe n'abaidhukulu, okutuukira irala ku luse olwokusatu n'olwokuna.

Amateeka Agokubiri 8:20

Bwe muliroba okuwulira Musengwa Katonda waimwe, mulizikirira ng'oti n'amaghanga ago Musengwa Katonda g'aja okuzikiriza nga muli kumpi okugatuukaku.