Abalevi 26:34 - Baibuli Ekibono kya Katonda 2014

^34-35 Olwo ensi erisangaala okufuna emyaka egy'okuwuumula, imwe gye mutaagigha nga mukaagirimu. Erirekebwa agho etyo yaawuumula, nga imwe musansaaniire mu nsi y'abazigu baimwe.

Abalevi 26:34 ပူးပေါင်းရင်းမြစ်များ

1 Bakyabazinga 8:46

“Abantu bo bwe banaakolanga ebibi y'oli, nga bwekiri nti ghazira muntu atakola kibi, memale n'obasungughalira era n'oleka abazigu baibwe ni babaghangula era ni babatwala nga banhage mu nsi ey'abazigu k'ebe ey'okumpi oba ey'eghala,

2 Ebyomubyanda 36:21

Ekyo kyabaagho okutuukiriza Musengwa Katonda bye yayogera ng'abita mu Yeremia omulanzi, ati: “Ensi erirekebwa agho etyo okumala entangama ya myaka nsanvu ng'ewuumula, olw'okwesasuuza ekiwuumulo kya Sabbato kye baali tibakuzanga.”

Yeremia 34:17

Nze Musengwa Katonda nkoba nti mwandheemera mwaloba kugha Baisiraeli banaimwe idembe lyaibwe. Kale ni mubone eno, nze ndidha kubagha imwe eidembe ery'okufiira mu lutalo, n'ery'okufa endwaire ya kawumpuli, n'ery'okufa endhala. Ndidha kubafuula ekintu ekitiisa einho abantu boonaboona ku nsi.

Abalevi 25:10

Mu nsambo eyo munaatukuzanga omwaka ogwamakumi ataanu (50). Munaalangiriranga eri abatyamye b'omu nsi yaimwe muti baidha kulekulwa babe ba idembe. Mu mwaka ogwo abantu banairizibwanga ebintu byaibwe ebyatundibwa, era abantu abaatundibwa mu bwiru, banaalekulwanga bairayo mu bantu baibwe.

Abalevi 26:43

Aye ensi enaasookanga kulekebwa agho yaazika, beene nga baziramu. Olwo yaawuumula, era ni beene baaganha okubonerezebwa olw'okudheemera ebiragiro byange, n'obutagema mateeka gange.