Abalevi 26:33 - Baibuli Ekibono kya Katonda 2014

³³ Ndidha kubaleeteranga entalo dhibaite, mbasansaanizenga eyo mu maghanga. Ensi yaimwe esigalenga agho etyo, n'ebibuga byaimwe mbisaaniegho.

Abalevi 26:33 ပူးပေါင်းရင်းမြစ်များ

1 Bakyabazinga 8:46

“Abantu bo bwe banaakolanga ebibi y'oli, nga bwekiri nti ghazira muntu atakola kibi, memale n'obasungughalira era n'oleka abazigu baibwe ni babaghangula era ni babatwala nga banhage mu nsi ey'abazigu k'ebe ey'okumpi oba ey'eghala,

2 Bakyabazinga 25:9

Yaayokya eisinzizo lya Musengwa Katonda, n'ekisaagaati kya kyabazinga, n'ebizimbe byonabyona ebikologho eby'omu Yerusalemu.

2 Ebyomubyanda 7:19

Aye bwe mulinvaaku ni mudheemera amateeka n'ebiragiro byange bye mbaghaire, ate ni mwira ku kugheereza n'okusinza bakatonda abandi,

Nehemia 1:3

Bankoba bati: “Abo abaawonagho ni bava mu bunhage, bali mu buzibu obw'amaani era baswavu inho. Ekimante ekyezungululanga ekibuga Yerusalemu kyamenhebwa n'emiryango gyakyo gyayokebwa omuliro.”

Nehemia 1:8

Idhukira ekibono kye wakoba omugheereza wo Musa, oti, ‘Bwe mutaabenga beesigwa ye ndi, ndidha kubasansaanizanga eyo mu maghanga.

Zabbuli 106:27

asansaanie abaana baibwe n'abaidhukulu, eyo mu nsi edh'abatatya Katonda, bafiire eyo mu nsi edh'eghala.

Zabbuli 44:11

Watuleka baatwita ng'oti ntaama, watusansaaniza mu maghanga agandi.

Zabbuli 44:12

Abantu bo waabatundamu akaghendo akazira ghe kaaga, waaloba kufunamu magoba naire.

Isaia 1:7

Ensi yaimwe bagizikiriiza, n'ebibuga byaimwe baabyokya omuliro byasiriira; abantu abagwira balumbye ensi yaimwe; baaginhaga era baazikiriza n'ebigirimu nga mubona muti.

Isaia 6:11

Nze naabuuza nti: “Wo Musengwa Katonda, ekyo kiriba kityo kumala kiseera ki?” Yandhiramu ati: “Okutuusa ng'ebibuga bifuuse bifulukwa, nga tibikaalimu bantu babibaamu, n'amayumba nga tigakaalimu bantu, n'ensi ng'ezikiriire okuweekereragho.

Yeremia 13:24

Musengwa Katonda aidha kubasansaania ng'oti n'empewo eva mu irungu bw'esansaania ebikaba.

Yeremia 15:4

Ndidha kubafuula ekintu ekitiisa einho abantu boonaboona ku nsi, olw'ebyo Manasse mutabane wa Hezekia bye yakola mu Yerusalemu nga ni kyabazinga wa Buyudaaya.’

Yeremia 31:10

Musengwa Katonda akoba ati: “Imwe amaghanga mumpulirise, era mulangirire bye nkoba mubituuse mu biketezo eby'oku nhandha ebiri eghala, muti, ‘Musengwa Katonda mwene n'eyasansaania abantu be. Era mwene oyo n'alibasoloza, n'abakuuma ng'omwayi bw'akuuma ebyayo bye.’

Yeremia 4:7

Azikiriza amaghanga aviireyo, aviireyo ng'oti mpologoma eva mu kisaka kyayo. Aidhie okufafaagania ensi yaimwe; ebibuga byaimwe biidha kufuuka bifulukwa byereere, nga biziramu bantu babibaamu.

Yeremia 7:34

Mu bibuga bya Buyudaaya ni mu nguudo dha Yerusalemu, ndidha kulekeza emizira egy'abali mu binhumo ni mu kusagamba, ndekeze n'egy'abo abali mu mbaga edh'obugole kuba ensi eyo ya kufuuka bifulukwafulukwa omutaba bantu.”

Yeremia 8:3

Abantu boonaboona ab'omu ighanga lino eibi, abaliwonagho eyo yoonayoona ye ndiba mbabingiire, balyegomba okufa okusinga okuba abalamu. Nze Musengwa Katonda Afuga Amagye, ninze nkobye.”

Yeremia 9:16

Ndidha kubasansaaniza mu maghanga, beene ni badhaadha baibwe, ge batawulirangaku naire. Era ndidha kubasindikaku amagye gabalumbe, okutuusa lwe ndibazikiriza okubamalagho.”

Okulira 1:1

Ha, ekibuga ekyaidhulanga abantu kamaala, kyasigalira kweinhamira. Ekibuga ekyateebwangamu ekitiisa ensi yoonayoona, buti kiri ng'oti namwandu! Ekyalinga ng'oti ni muka omufuzi, buti kyafuuka ng'oti mukazi mwiru.

Okulira 1:3

Abantu ab'omu kibuga ekyo n'ab'omu Buyudaaya mwonamwona baatwalibwa mu bunhage era eyo ye bali mu bwiru. Baba eyo mu maghanga agandi etali waibwe era ye batawuliriraku miraala naire. Beezungulwirwa abazigu be batasobola kunuuka.

Okulira 4:15

Nga kiisi muntu ababonaku abasama busame ati: “Ja ere. Oli mwonoonefu. Ja, ja, ja. Tongema naku.” Kale baatambulatambulanga eyo batyo nga bazira ghe baba, era nga mu nsi dhoonadhoona ezira abasangaaza.

Okulira 4:16

Musengwa mwene yabasansaania, nga takaabafaaku, nga takaata mu bakabona kitiisa, era nga takaagemerwa bakulembeze kivunika.

Ezekieli 12:20

Ebibuga byonabyona buti ebirimu abantu birizikirizibwa, ensi eyo yaasigala agho bifulukwa byereere. Olwo balimanha nga ninze Musengwa Katonda.”

Ezekieli 20:23

Kale, nze n'okwiramu kabiri okwerayirira mwene nga bali eyo mu irungu, nti ndidha kubasansaaniza eyo mu maghanga, mbaidhuze eyo mu nsi enhingi.

Ezekieli 22:15

Abantu bo ndibasansaaniza eyo mu maghanga, naabaidhuza eyo mu nsi enhingi, olwo naakumalamu ebikolwa byo ebibi byonabyona.

Ezekieli 5:2

Ekitundu ekisooka oidha kukyokera mu kibuga ng'enaku edh'okuzingiza ekibuga ekyo dhiwoireku. Ekitundu ekyokubiri oidha kukigema mu ngalo oje ng'okisalasala n'empiima obukutukutu okwezunguluza ekibuga. Ate ekitundu ekyokusatu ekinaaba kisigairegho, oidha kukisansaaniza mu mpewo ekitwalirize. Nze mwene ndisowolayo empiima mu kiruutu yaaja ng'ebingirira enviiri dho.

Hosea 9:6

Okuzikirira bwe kulituuka ni kubasansaania, Abamisiri balibasoloza imwe baabaziika e Menfisi. Aghaali eby'obukombe byaimwe ebya feeza ghalimeragho bisaka, n'aghaali weema dhaimwe ghaameregho amawa.

Amosi 9:4

Ni bwebalitwalibwa abazigu baibwe mu bunhage, era nja kulagira abantu babaite. Mmaliriire okubakola akabi, se ti kubayamba.”

Zekaria 7:14

Nabasansaania mu maghanga goonagoona ge baali tibaidhi naku naire, nga ndi ng'oti n'empewo eyeezungulula n'amaani. Olwo ensi yaibwe enungi einho yaasigala bwagho nga ghazira muntu agirimu, yaafuuka bifulukwa byereere.”

Luka 21:24

Abandi balibaita n'empiima, abandi balitwalibwa mu maghanga goonagoona nga banhage, era Yerusalemu kiriniinirirwa abamaghanga agandi okutuusa enaku edh'abamaghanga agandi lwe dhiriwaaku.

Amateeka Agokubiri 4:27

Musengwa Katonda alibasansaaniza eyo mu maghanga agandi, era batono ku imwe abalisigala nga bakaali balamu.

Yakobo 1:1

Ninze Yakobo omugheereza wa Katonda, era owa Musengwa Yesu Kurisito. Mpandiikira ebika eikumi n'ebibiri ebisansaaniire woonawoona. Mbalamwisa inho.