Abalevi 26:32 - Baibuli Ekibono kya Katonda 2014

³² Ensi yaimwe ndigisaanizaagho irala, n'abazigu baimwe abaliidha okugibaamu balyewuunhia okubona okuzikirira kwayo.

Abalevi 26:32 ပူးပေါင်းရင်းမြစ်များ

1 Bakyabazinga 9:8

Eisinzizo lino lirifuuka mmungo ya bimunku, era kiisi baliribitangaku balitengeesanga bwa mitwe beewuunhia. Era balibuuzanga bati, ‘Lwaki Musengwa Katonda yakola atyo ensi eno n'eisinzizo lino?’

Isaia 24:1

Bona, Musengwa Katonda alyonoonayonoona ensi eno yaagireka ng'eri bw'agho etyo aligifunhafunha yaaleetera abagibaamu okusansaana.

Isaia 5:6

Ndidha kulizisa, emizabbibu balobe kugiwooleranga waire okugirimangamu. Mwidha kumeramu bwa nkandwa na mawa, era nja kulobera n'ebire okugwisanga amaadhi mu isamba eryo.”

Isaia 5:9

Mpuliire Musengwa Katonda Afuga Amagye ng'akoba ati: “Bwenebwene endhu kamaala dhirifuuka bifulukwa, endhu enkologho era edhiboneka obulungi dhirisigala ndhereere omuzira bantu.

Isaia 6:11

Nze naabuuza nti: “Wo Musengwa Katonda, ekyo kiriba kityo kumala kiseera ki?” Yandhiramu ati: “Okutuusa ng'ebibuga bifuuse bifulukwa, nga tibikaalimu bantu babibaamu, n'amayumba nga tigakaalimu bantu, n'ensi ng'ezikiriire okuweekereragho.

Isaia 64:10

Ebibuga byo ebitukuvu byafuuka ng'oti irungu: olusozi Sioni luli ng'oti irungu, ekibuga Yerusalemu kyafuuka ng'oti kifulukwa.

Yeremia 12:11

Bagifiire bifulukwa byereere omuzira kalungi ke mbonaku. Ensi eyo yoonayoona efuuse irungu, aye ghazira na muntu afaayo naire.

Yeremia 18:16

Ensi yaibwe baagifuula ekintu ekitiisa einho, abantu kye baneesimoozanga buliidho. Buli muntu anaagibitangaku aidha kutengeesanga bwa mutwe olw'okutya okungi.

Yeremia 19:8

Ndizikiriza ekibuga kino mu nsambo etiisa einho, buli muntu yaakyesimoozanga bwesimooze. Era buli muntu anaabitangagho ensisi eidha kumugemanga olw'okuzikiriza okwo.

Yeremia 25:11

Ensi eyo yoonayoona eja kufuuka bifulukwa byereere mu nsambo etiisa einho, era amaghanga agaliiraine agho galigheerezanga kyabazinga wa Babilonia okumala entangama ya myaka nsanvu.

Yeremia 25:18

Ab'omu Yerusalemu n'ab'omu bibuga byonabyona ebya Buyudaaya, ghalala ni bakyabazinga n'abakungu baabyo baakinhwa. Olwo, ebibuga ebyo bisobole okufuuka ebifulukwafulukwa mu nsambo etiisa einho. Era olwo abantu babyesimoozenga bwesimooze era babikolimirenga, nga bwekiri ni ye buli eno.

Yeremia 25:38

Musengwa Katonda alekuliire agho abantu be, ng'oti n'empologoma bw'eva mu mpuku yaayo. Ebitiisa eby'omu lutalo n'obusungu bwa Musengwa Katonda obubitirivu, bireeteire ensi yaibwe okufuuka ng'oti bwa irungu.”

Yeremia 33:10

Musengwa Katonda akoba ati: “Abantu bakoba bati ekifo kino kiri ng'oti irungu, era bati kiziramu bantu bakibaamu waire ensolo. Era batuufu okukoba batyo, kuba ebibuga eby'omu Buyudaaya biziramu bantu, n'enguudo edh'omu Yerusalemu nkalu. Ghazira bantu babaamu waire nsolo dhibaamu. Aye mu bifo ebyo oliiramu okuwulira

Yeremia 44:2

Musengwa Katonda oyo Afuga Amagye, Katonda wa Isiraeli, yaakoba ati: “Imwe beene mwabona bukalamu akabi ke natuusa ku Yerusalemu, ni ku bibuga ebindi eby'omu Buyudaaya byonabyona. Ni ye buli eno byasigala agho bityo nga biri bifulukwa byereere omutaba bantu,

Yeremia 44:22

Ni ye buli eno ensi yaimwe yaasigala agho etyo ng'eri bifulukwa byereere omutaba bantu. Era abantu bagivumirira, baakozesa n'eriina lyayo ng'ekikolimo. Olw'okuba Musengwa Katonda yali tasobola kuguminkiriza bikolwa byaimwe ebibi ebyenhinhalwa.

Yeremia 9:11

Musengwa Katonda yankoba ati: “Ndidha kufuula ekibuga Yerusalemu kibe mmungo dha bifunfugu, era kibe ekifo omusula ebibe. Ebibuga by'omu Buyudaaya byonabyona bija kusigala bifulukwa byereere, ghabulegho omuntu abibaamu.”

Okulira 4:12

Mu bakyabazinga boonaboona ni mu bantu abandi boonaboona ab'oku nsi, yali ezira asobola kwikiriza nga ghaligho omuzigu oba omulumbagani yeenayeena, asobola okwingira mu miryango gya Yerusalemu.

Okulira 5:18

Olw'okuba olusozi Sioni lwasigalira agho nga tighakaali alubaaku, ebibe ni byonka ebirutambuliratambuliraku nga byagala eky'okulya.

Ezekieli 5:15

“Bwendibasalira omusango ni mbabonereza nga ndi mu busungu obubitirivu, olwo ab'amaghanga agabeezungulwire balitya inho. Mulifuuka kivumo era eky'okuyeeyereza ye bali, era mwafuuka akamanhiso ak'okubalabula. Nze Musengwa Katonda, ninze ndhogeire.

Danieli 9:18

Wo Katonda wange, tega kutu owulire, era ozibule amaiso obone nga ife bwetulekeibwa obwagho tutyo, n'ekibuga ekyetebwa ekikyo bwe kisigaire obwagho kityo. Tituli kukusaba lwa kuba twakola ebituufu, aye lwa kuba iwe oli n'okusaasira kungi inho.

Danieli 9:2

nze Danieli nali ndi kwetegereza ebyaghandiikibwa ebitukuvu, naabona ng'emyaka gija kuba nsanvu, ekibuga Yerusalemu gye kiri n'okumala nga kisigaire bifulukwa byereere, nga Musengwa bwe yamanhisa Yeremia omulanzi.

Habakkuku 3:17

Waire emiti emitiini giroba okutaaku ebibala, n'emizabbibu gyaloba okubala, n'emyoliva gyona gyabulaku ekivaaku, ni mu misiri mwabulamu ekikungulwa, n'entaama n'embuzi dhoonadhoona ni dhifa, ni mu kigo eky'ente ni mubula akamoola,

Luka 21:20

“Aye bwe mubonanga ab'amagye nga bali agho beezungulwire Yerusalemu, ng'olwo mumanha muti okuzikirizibwa kwakyo kutuuse.

Amateeka Agokubiri 28:37

Mu nsi Musengwa Katonda mw'anaabanga ng'abatwaire, abantu baayo bwe banaabonanga ebibatuuseeku, baidhanga kutya inho, olwo mufuuke eky'okwogerwaku era eky'okuyeeyereza.