Abalevi 26:28 - Baibuli Ekibono kya Katonda 2014

²⁸ zeena ndibeefuulaku mu busungu naayongera okubabonereza emikuzi musanvu okusingagho olw'ebibi byaimwe.

Abalevi 26:28 ပူးပေါင်းရင်းမြစ်များ

Zabbuli 79:12

Weesasuulize ku maghanga ago agatuliiraine emikuzi musanvu, olw'okukuyeeyereza kwonakwona kwe babairenga bakola.

Isaia 27:4

Mpegaano ndekeire agho okusungughalira eisamba eryo. Nguli gabaire mawa na nkandwa nga bye ndi n'okulwanisa, nandibibunziiza byonabyona, naabyokera ghalala.

Isaia 59:18

Alibonereza abazigu be ng'ajiira ku bye baakola, ng'atwaliiremu n'abo ababa mu biketezo eby'eghala.

Isaia 63:3

Musengwa Katonda airamu ati: “Natyankirira amaghanga zenka ng'oti n'ole atyanka emizabbibu mu kikunhiro, aye mu bantu mwaloba kubaamu anhambaku. Nagatyankirira n'obusungu bwange, omusaayi gwago gwasambukira ku bivaalo byange byonabyona, byaidhula ebimyamya

Isaia 66:15

Bona, Musengwa Katonda aliidhira mu muliro ng'ali n'ebigaali eby'omu lutalo ebiziinhuuka ng'oti kiwunga, ng'aidha okwolesa obusungu bwe obubitirivu, n'okubonereza ng'akozesa enimi edh'omuliro.

Yeremia 21:5

Nze mwene nja kukulwanisa n'amaani gange goonagoona, mu busungu obubitirivu, n'ekiruyi era n'obukambwe.

Yeremia 7:20

Kale ni bona eno, obusungu bwange n'ekiruyi kyange ndidha kubimalira ku kifo kino, ni ku bantu, ni ku nsolo, ni ku miti, ni ku birime, ng'oti n'omuliro omuntu gw'atasobola kuzikiza.”

Okulira 4:11

Musengwa Katonda yadhuuna obutalekamu, era obusungu bwe bwayaka ng'oti muliro yaateera oluyiira olwayokya Sioni okutuukira irala ku misingi gyakyo.

Ezekieli 5:13

“Obusungu bwange butyo bwe bulibaidhira. Ndibamaliraku ekiruyi kyange, memale naasiima. Era bwendimala okubamaliraku ekiruyi kyange, olwo mulimanha nga nze Musengwa Katonda, ninze ndhogeiza enkikidi imwe abantu bange ye mwandeetera okuba nayo olw'obutaba beesigwa ye ndi.

Ezekieli 5:15

“Bwendibasalira omusango ni mbabonereza nga ndi mu busungu obubitirivu, olwo ab'amaghanga agabeezungulwire balitya inho. Mulifuuka kivumo era eky'okuyeeyereza ye bali, era mwafuuka akamanhiso ak'okubalabula. Nze Musengwa Katonda, ninze ndhogeire.

Ezekieli 8:18

Kale ni ndibakolaku n'ekiruyi ekindiku. Tirisaasiraku naire omulala ati oba okumugemerwa ekivunika. Era ni bwe balinsaba nga baleekaanira ghaigulu, tija kubawulira naire.”

Abalevi 26:24

zeena ndibeefuulaku naababonereza emikuzi musanvu okuwulagho olw'ebibi byaimwe.

Abalevi 26:27

“Era ebyo bwe binaalemwanga okubafuula abawulize, aye ni mwongera okukola empwitu,

Abalevi 26:41

ni bandeetera okubeefuulaku, ni mbasindika mu bunhage mu nsi y'abazigu baibwe, era baidhukulu baimwe abo bwe balimala okugonda, ni baganha okubonerezebwa olw'ebibi byaibwe,

Nahumu 1:2

Musengwa Katonda wa nkikidi, tayenda bantu be kusinza bakatonda bandi. Abatakola nga bw'ayenda ababonereza; abamutakania abasungughalira era yaabasasulamu ebibonerezo ebikakali.

Nahumu 1:6

Bw'asungughala ghazira abaagho nga mulamu, era ghazira aghanga kugumira busungu bwe obuli ng'oti muliro. Obusungu bwe obwo bwe butumbuka, ni bwe luba olubaale lumenhekamenheka, lwesa ng'oti nkungu.