Abalevi 26:26 - Baibuli Ekibono kya Katonda 2014

²⁶ Ndidha kubasindikiranga endhala, emere yaimwe ekendeere, abakazi eikumi babe nga beetaaga bwa ziiko ndala yonka okufumbiramu emigaati egirigho. Banaagibapimiranga bupimire mwagirya gyonagyona, aye ate mwaloba kwiguta.

Abalevi 26:26 ပူးပေါင်းရင်းမြစ်များ

2 Bakyabazinga 6:25

Okuzingiza okwo kwaleeta endhala ey'amaani mu kibuga, omutwe gw'endogoyi gwatuuka okugula ebitundu ekinaana ebya feeza, n'akatundu akalala ku buli butundu obuna obwa saabira w'enjiibwa kaagula ebitundu bitaanu ebya feeza.

Zabbuli 105:16

Bwe yabaleetera endhala okugwa mu nsi mwe baali, n'ababuzaaku kiisi kantu koonakoona akasobola okuliibwa,

Isaia 3:1

Bona eno, Musengwa Katonda Afuga Amagye aja kutoola mu Yerusalemu ni mu Buyudaaya, kiisi kintu ekisobozesa abantu okuba abalamu: Aja kutoolagho emere yoonayoona, atoolegho n'amaadhi goonagoona.

Isaia 5:10

Eisamba ery'emizabbibu ery'eyiika eikumi, liidha kuvangamu bwa lita munaana edh'omwenge ogw'emizabbibu. Ate omusiri ogusigibwamu ekiibo ekiramba eky'ensigo, gwidha kukungulwangamu kaibo bwibo.”

Isaia 9:19

Olw'ekiruyi Musengwa Katonda Afuga Amagye ky'ali nakyo, ensi ekunaine omuliro, abantu baaba ng'oti n'enku dhe guli kwokya, ghaabulagho omuntu waire omulala ati asaasiraku muganda we n'aloba kumukola kabi.

Isaia 9:20

Abantu balinhakula buli ghantu mu nsi eyo aye nga tibamatira, era baalya buli kamere ke balyagaana ghano ni ghale aye nga tibaiguta. Balituuka n'okulya abaana abaibwe beene.

Yeremia 14:12

Ni bwe banaasiiba, nze tija kuwulirisa bye bansaba nga bandirira. Era ni bwe banampanga ebigheebwayo ebyokebwa n'ebigheebwayo eby'emere y'empeke, nze tiidha kubasiimanga. Aye ndidha bwa kubazikiriza mu ntalo era mbasindikire endhala n'endwaire ya kawumpuli bibaite.”

Ezekieli 14:13

“Iwe omuntu, ensi bw'ekola ebibi n'ensungughaza ng'ezira bwesige ye ndi, ndigolola omukono gwange naagibonereza, naazikiriza emere yaayo, naagisindikira endhala era naita abantu baayo n'ensolo.

Ezekieli 4:10

Emere oidha kulyanga ya kibu kirala olunaku, era nga mpime bupime eidha kughezanga guraamu ebikumi bibiri n'asatu (230) dhonka.

Ezekieli 4:16

Era yaayongera okunkoba ati: “Iwe omuntu, bona eno, nja kulekeza emere okwidha mu Yerusalemu. Abantu baidha kulyanga mere mpime bupime nga bali mu kutya kwereere, n'amaadhi goona banhwenga mapime bupime nga beeraliikirivu.

Ezekieli 4:17

Emere n'amaadhi bija kubawaaku, olwo balingaganeku nga bawoiremu eisuubi, batuuke n'okugoogomba baweere mu luwu, olw'ebibi byaibwe.”

Ezekieli 5:16

Ndirekeza emere ye mubairenga mufuna, olwo endhala yaabaluma, mwawulira obulumi ng'oti n'obw'obusaale obuliku obusagwa, obulasiibwa okwidha okubazikiriza.

Hosea 4:10

Baliryanga era baalyanga aye nga tibaiguta. Era balikolanga obwamalaaya obw'omu masabo aye nga tibazaalagana naire; kuba banvaaku nze Musengwa Katonda baira ku kusinza bakatonda abandi.”

Abalevi 26:27

“Era ebyo bwe binaalemwanga okubafuula abawulize, aye ni mwongera okukola empwitu,

Mika 6:14

Mwidha kulyanga aye nga timwiguta; mwidha kusigalanga nga muli bayala ng'oti timuliire naku. Ebintu bye munaawoniangagho timuja kughanga kubitereka, era bye munaagezangaku okutereka ndidha kubizikirizanga.

Haggai 1:6

Mwasiga bingi aye mwakungula bitono. Muli n'emere ey'okulya aye tebamala kubaigusa. Muli n'omwenge ogw'okunhwa aye tigubamala ndiwo! Muli n'engoye edh'okuvaala aye tidhibamala kusuugha. Abakozi empeera ye bafuna tebamala mu byetaago byaibwe.