Abalevi 26:25 - Baibuli Ekibono kya Katonda 2014

²⁵ Ndidha kubaleeteranga entalo okubabonereza olw'okumenha endagaano yange n'imwe. Era bwe muneesololezanga aghalala mu bibuga byaimwe okwewonia, ndidha kubasindikangamu obulwaire obubi, muwalirizibwenga okweghaayo eri abazigu baimwe.

Abalevi 26:25 ပူးပေါင်းရင်းမြစ်များ

2 Samueli 24:15

Kale Musengwa Katonda yasindika ku Isiraeli ekibamba okuva ku nkyo eryo okutuusa ku kiseera ekyateebwagho. Abantu baafa okuva e Dani okutuuka e Beerisheba abaaghera emitwalo omusanvu (70,000).

1 Bakyabazinga 8:33

“Abantu bo Abaisiraeli bwe banaaghangulwanga abazigu baibwe olw'okukola ebibi y'oli, aye ni baira y'oli okwenenia era ni bakusaba nga bakweghemba mu isinzizo lino,

1 Bakyabazinga 8:37

“Mu nsi bwe munaagwangamu endhala, oba ni mubaamu endwaire ya kawumpuli, oba ebirime ni bifungalala ni biidhaku obukuku, oba ni byonoonebwa enzige oba ebisiisa ebindi, oba abazigu ni balumba abantu bo mu kindi ku bibuga byaibwe, oba ni ghabaagho ekibamba kyonakyona oba okulumizibwa kwonakwona,

2 Bakyabazinga 17:3

Agho kyabazinga Shalumaneseri ow'e Assiria, yaalumba Hoshea yaamughangula mu lutalo, Era Hoshea oyo yaaghanga Shalumaneseri omusolo.

2 Ebyomubyanda 24:24

Waire ng'eigye ery'Abasiria lyali itono, Musengwa Katonda yaligha okughangula eigye ly'Abayudaaya eryali eikologho lyene kuba abantu b'omu Buyudaaya baali baviire ku Musengwa Katonda, oyo Katonda wa badhaadha baibwe. Kale kyabazinga Yoashi baamubonereza batyo.

Zabbuli 94:1

Wo Musengwa Katonda, niiwe Katonda abonereza nga weesasuuza, idha oyoleke obusungu bwo.

Okuvaayo 5:3

Baamukobera bati: “Katonda ow'Abaheburayi yatweyolekera era buti tuli kukusaba otuleke tuje mu irungu nga tutambula olugendo olumala enaku eisatu, tugheereyo eyo omusengo eri Musengwa Katonda waife oyo; kuba bwe tutakola tutyo asobola okutusindikira obulwaire obubi, oba okutusindikira olutalo baatwita baatumalagho.”

Isaia 1:20

Aye bwe munaadheemanga obudheeme, mwidha kwitibwanga bwitibwe. Nze Musengwa Katonda, ninze ndhogeire.”

Isaia 65:12

Imwe muliitirwa mu ntalo mwatirimbulwa kuba bwe nabeeta timwanvugira waire okufaayo okuwulirisa bye nkoba. Aye mwakola ebibi ye ndi, mwalondagho okukola ebitansangaaza.

Yeremia 19:7

Mu kifo ekyo mwe nditabuliratabulira entegeka dhoonadhoona edh'abantu b'omu Buyudaaya n'ab'omu Yerusalemu. Ndireetera abazigu baibwe okubaghangula era baabaitira mu ntalo. Emirambo gyaibwe ndigigabula enhonhi n'ensolo edh'omu nsiko dhaagirya.

Yeremia 24:10

Ndibaleetera entalo era naabasindikira endhala n'endwaire ya kawumpuli, okutuusa lwe balizikirira ni bawaagho mu nsi ye nabagha beene ni badhaadha baibwe.”

Yeremia 50:28

“Wulira! Abaalumwike e Babilonia ni bawona, baize e Yerusalemu baloodhe nga Musengwa Katonda waife bwe yeesasuuza olw'ebyo Abababilonia bye baakola eisinzizo lye.

Yeremia 51:11

Musengwa Katonda asiikwire enzigu mu bakyabazinga ab'e Media, baidhe balumbe Babilonia, kuba ayenda kugizikiriza. Olwo agyesasulizeeku olw'okuzikiriza eisinzizo lye. Agho abaduumizi b'eigye einunuzi, baalagira bati: “Mughagale obusaale bwaimwe! Mugeme engabo dhaimwe!

Yeremia 9:16

Ndidha kubasansaaniza mu maghanga, beene ni badhaadha baibwe, ge batawulirangaku naire. Era ndidha kubasindikaku amagye gabalumbe, okutuusa lwe ndibazikiriza okubamalagho.”

Okulira 2:21

Abakaire n'abato baagaanibwa nga bafu, nga bagwire agho ghansi ku nguudo edh'ekibuga, abaisuka n'abaguna baitibwa n'empiima. Iwe mwene wabasala ku lunaku lwe wasungughaliraku waabaita ng'oziramu na kusaasira.

Ezekieli 14:17

“Oba bwe ndeetera olutalo okwidha mu nsi, ni ndulagira okwita abantu n'ensolo okumaliriragho,

Ezekieli 20:37

“Ndibafuga na mwigo naabaleetera okugondera endagaano yange.

Ezekieli 29:8

Kale ni, nze Musengwa Katonda kyenva ni nkoba nti: Bona eno iwe ensi Misiri, ndikusindikira olutalo, lwakwitamu abantu n'ensolo.

Ezekieli 33:2

“Iwe omuntu, kobera abantu b'eighanga lyo oti bweghabaagho ensi ye nsidikira olutalo, memale abantu ab'ensi eyo ni balonda munaibwe mulala ni bamufuula omukuumi, oyo ye balonze ati bw'ali n'okukola:

Ezekieli 5:17

Era ndibasindikira endhala n'ensolo enkambwe edh'omu nsiko, byabaitaku abaana baimwe. Naabasindikira n'endwaire, n'obutemo, n'entalo, byabaidhira okubaita. Nze Musengwa Katonda, ninze ndhogeire.”

Ezekieli 6:3

Okobe ensozi edho edh'omu Isiraeli, dhiwulire nze Musengwa Katonda bye ndi kukoba ensozi n'obusozi, aghalala n'obwinhamo n'ebiiko: Bona eno, nze mwene, ninze ndisindika entalo okuzikiriza ebifo ebigulumivu abantu bye basinzizaamu ebitali Katonda.

Hosea 11:6

Abazigu balirumba ebibuga byaibwe, baamenhamenha endhigi dhaabyo. Era balibazikiriza olw'okukola ebyo beene bye baayendanga.

Abalevi 26:6

“Nnaabaghanga emiraala mu nsi yaimwe, mwatendukanga nga ghazira kibatiisa. Era ndimalagho ensolo edh'akabi mu nsi yaimwe, ensi yaimwe yaaloba kubangamu ntalo.

Amosi 4:10

“Era ninze eyabasindikira ebibamba okubagwaku, ng'ebyo ebyagwa ku Bamisiri. Naita abaisuka baimwe mu lutalo era abazigu baaja n'embalaasi dhaimwe. Era naidhuza enhindo dhaimwe ekivundu eky'emirambo woonawoona ghe mwasimba weema dhaimwe. Aye era mwaloba okwira ye ndi.

Habakkuku 3:5

Asindika obulwaire bwamukulembera, yaalagira okufa kwamunonereza.

Okubala 14:12

Ndidha kubasindikira obulwaire obubi mbazikirize, iwe nkufuulemu eighanga einene era ery'amaani okusinga beene.”

Okubala 16:49

Abaafa obulwaire obubi obwo baali omutwalo mulala n'enkumi ina na lusanvu (14,700), nga tobaliireeku abo abaafiira mu keediimo ka Kora.

Okubala 31:3

Kale Musa yaakoba abantu ati: “Mu imwe mwerondemu abantu mubaghe eby'okulwanisa, baje balumbe Abamidia bababonereze nga beesasuuza nga Musengwa Katonda bw'alagiire.

Luka 21:11

Ghalibaagho musisi ow'amaani, ghaabaagho endhala n'endwaire ya kawumpuli mu biketezo kamaala, era ghabaagho ebitiisa n'obumanhiso obw'amaani okuva mu igulu.

Amateeka Agokubiri 28:21

Aidha kubasindikiranga kawumpuli abeesibengaku, okutuusa lw'anaabamalangagho mwenamwena okubaita, mu nsi ye muli kuja okwingiramu okutwala.

Amateeka Agokubiri 32:25

Abazigu baidha kubaitiranga mu ntalo mu nguudo, ate eka mu ndhu dhaibwe mwidhule ebitiisa. Abazigu baidha kwitanga abaisuka n'abaguna, era baitenga abakaire ab'envu n'abato abonka.

Amateeka Agokubiri 32:35

kuba olunaku luli kumpi okutuuka, lw'alibeesasuulizaaku ng'ababonereza. Ekiseera kiidha kutuuka bagwe, era akabi kali kumpi inho okubagwira.

Amateeka Agokubiri 32:41

ndidha kubangula empiima yange emesunkana, ngikozese okuleetagho enkola entuufu. Ndidha kwesasuuliza ku bazigu bange, mbonereze abo abankyagha.

Abalamuzi 15:11

Agho abasaadha enkumi isatu (3,000) ab'e Buyudaaya, baaja ku mpuku eri mu lwatika olw'olubaale, mu kiketezo eky'e Etamu. Baakoba Samusoni bati: “Toidhi ng'Abafilisiti n'abatufuga? Kale kiki kino ky'otukoze?” Yaabairamu ati: “Abo nabakola nga beene bwe bankola.”