Abalevi 26:22 - Baibuli Ekibono kya Katonda 2014

²² Ndidha kusindikanga ensolo edh'omu nsiko, dhiite abaana baimwe era dhizikirize ebyayo byaimwe. Dhinaabakendeezanga obungi, engira dhaimwe dhaawolongera dhaazika.

Abalevi 26:22 ပူးပေါင်းရင်းမြစ်များ

2 Bakyabazinga 17:25

Bwe baali nga baakatoolera okubaayo, tibaasinzanga Musengwa Katonda. N'olw'ekyo Musengwa Katonda oyo kyeyava n'abasindikira empologoma ni dhibaitamu abandi.

2 Bakyabazinga 2:24

Elisha yaakyuka, yaalinga einhuma yaababona, era yaabakolimira mu liina lya Musengwa Katonda. Agho ebisolo ebikambwe bibiri ebikazi byava mu kibira, byayuzayuza abaana amakumi ana n'ababiri (42) ku abo.

2 Ebyomubyanda 15:5

Mu biseera ebyo tighaaligho miraala. Ng'omuntu tasobola kutambula n'aja era n'aira nga ghazira kimutuuseeku, kuba ghaaligho obutabanguko kamaala obweraliikirizanga abatyamye boonaboona ab'omu nsi.

Isaia 24:6

Musengwa Katonda kyaviire n'akolimira ensi, abantu baayo yaabasingisa omusango era yaabazikiriza mu bungi. Abasigairegho baaba nga bali bwa batono bati.

Isaia 33:8

Enguudo tidhikaabitikamu kuba dhitiisa, abatambuze abaadhibitangamu baawaayo. Endagaano kamaala dhimenheibwa, n'ebibuga byanhoomebwa. Era tighakaali ateebwamu kinhagansi.

Yeremia 15:3

‘Nze Musengwa Katonda ndidha kubataaku eby'okubazikiriza bina: olutalo lwidha kubaita, embwa dhiyuzeyuze emirambo gyaibwe, enhonhi dhibamoodhogole, n'ensolo edh'omu nsiko dhibakankamire okubamalagho.

Yeremia 42:2

ye ndi nze Yeremia. Bankoba bati: “Tukweghembye ganha otukolere kye tuja okukusaba! Tusabire eri Musengwa Katonda waife. Tusabire ife twenatwena abaawonagho, kuba eira twali abantu kamaala, aye mpegaano nga bw'obona twasigala batono bati.

Okulira 1:4

N'enguudo edhingira mu kibuga ekyo Sioni dhirira bulire, kuba abantu tibakaidha ku mbaga dha bibinuko bya kusinza Katonda ebyalagirwa. Emiryango gyakyo giwuubaire, ghazira akaabitamu. Bakabona baamu bali mu nnaku. Abaghala baamu abaayembanga bali agho badaaga budaage. Ekibuga kyonakyona kiri mu bulumi obutaloodheka.

Ezekieli 14:15

“Bwe nsindika ensolo edh'omu nsiko mu nsi, ni dhigyonoona nga dhija dhiita abantu, ensi eyo n'efuuka ebifulukwa era n'ewolongera nga ghazira na muntu agibitamu olw'okutya ensolo edho,

Ezekieli 14:21

Agho ni Musengwa Katonda akoba ati: “Bwenebwene tikirisingagho inho bwe ndisindika ku Yerusalemu ebibonerezo byange ebina ebikakali: olutalo, endhala, ensolo edh'akabi, n'endwaire ya kawumpuli, okuja okukiitamu abantu n'ensolo?

Ezekieli 33:28

Ndireetera ensi eno okusigala agho etyo ng'eri bifulukwa byereere omutaba bantu, era naanafuya n'abalwani baayo ab'amaani. Ensozi edh'omu Isiraeli dhirifuuka bifulukwa era dhaawolongera nga ghazira na muntu adhibitamu.

Ezekieli 5:17

Era ndibasindikira endhala n'ensolo enkambwe edh'omu nsiko, byabaitaku abaana baimwe. Naabasindikira n'endwaire, n'obutemo, n'entalo, byabaidhira okubaita. Nze Musengwa Katonda, ninze ndhogeire.”

Abalevi 26:6

“Nnaabaghanga emiraala mu nsi yaimwe, mwatendukanga nga ghazira kibatiisa. Era ndimalagho ensolo edh'akabi mu nsi yaimwe, ensi yaimwe yaaloba kubangamu ntalo.

Mika 3:12

Kale ni ku lwaimwe, olusozi Sioni balirulima ng'oti nimiro, ekibuga kya Katonda Yerusalemu kyasigala agho nga mmungo ya bifunfugu n'olusozi lwonalwona oluliku eisinzizo lwafuuka kibira.

Zekaria 7:14

Nabasansaania mu maghanga goonagoona ge baali tibaidhi naku naire, nga ndi ng'oti n'empewo eyeezungulula n'amaani. Olwo ensi yaibwe enungi einho yaasigala bwagho nga ghazira muntu agirimu, yaafuuka bifulukwa byereere.”

Amateeka Agokubiri 32:24

Baidha kufanga endhala n'omusuudha, bazikirizibwenga endwaire edhitiisa. Ndidha kubasindikangaku ensolo enkambwe dhibalye, n'emisota egy'obusagwa gibamoodhe.

Abalamuzi 5:6

Mu byanda bya Shamugari mutabane wa Anathi, mu biseera bya Yaeli, ababise baalekera okubita mu nguudo, n'abatambuze baabitanga eyo mu masokolosokolo.