Abalevi 26:20 - Baibuli Ekibono kya Katonda 2014

²⁰ Bwe munaakolanga emirimo, amaani gaimwe ganaabafanga busa, kuba ensi teebazenga birime, n'emiti tigiibalenga bibala.

Abalevi 26:20 ပူးပေါင်းရင်းမြစ်များ

Amainhama 4:12

Bw'onaalimanga eitaka tiriidha kukughanga makungula naire; ku nsi oidha kutambulatambulanga eyo otyo ng'ozira gh'osula.”

1 Bakyabazinga 18:2

Kale Eliya yaaja yeeyoleka y'Ahabu. Olwo endhala yali eri kuluma inho mu Samaria.

Yobu 31:40

kale leka enkandwa dhikulemu mu kifo ky'engaano, n'obukaala mu kifo kya sayiri.” Ebibono bya Yobu bikanze agho.

Zabbuli 107:34

Eribaire eitaka eigimu alifuula ery'oluunhu erizira muganhulo, olw'obubi bw'abo abalityamaku.

Zabbuli 127:1

Musengwa Katonda mwene bw'atazimba ndhu, abagizimba badaagira bwereere; Musengwa Katonda mwene bw'atakuuma kibuga, omukuumi amogera bwereere.

Isaia 17:10

Iwe Isiraeli weerabiire Katonda wo akuwonia, waamuvaaku oyo ali ng'oti lubaale mwe weewogoma. Oize mu kusimba nimiro dh'omala n'osengamu emisambwa.

Isaia 17:11

Aye ebisimbe ni bwe bimereragho ku lunaku lwene lw'obisimbye mu nimiro edho, ni byanizaagho enkyo ly'olunaku lw'obisimbiireku, era tighalibaagho bikungulwa naire, okutoolaku okugemwa obw'enaku n'okulumizibwa okutakoma.

Isaia 49:4

Agho naakoba nti: “Bwenebwene nadaagiranga busa okukola, neemalangamu amaani gange bya bwereere. Aye ate nkakasa ng'aliinwanirira, era yampa empeera olw'ebyo bye nkola.”

Yeremia 12:13

Abantu bange baasiga engaano, aye baakungula mawa. Baafaabiikana inho, aye baaloba kufunamu muganhulo. Baaswala olw'obutabaagho ke bafunamu, kuba obusungu bwange obubitirivu bwabalemeesa.”

Hosea 2:11

Ndirekeza ebintu byonabyona ebimuleetera okusagamba: embaga edh'ebibinuko bye byonabyona eby'Okuboneka kw'Omwezi, n'edha Sabbato, n'edh'ebibinuko bye ebindi byonabyona ebyalagirwa.

Abalevi 26:4

nnaabaghanga amaadhi mu biseera byago, ensi yaabaza ebirime, n'emiti gyabala ebibala.

Habakkuku 2:13

Bona eno, Musengwa Katonda Afuga Amagye n'eyaleetera amaghanga ge mwaghangula, gakola emirimo emikalangufu, aye nga bye bakola bija kwokebwa bwokebwe. Era Musengwa Katonda oyo n'agaleetera okufaabiikana nga tigaja kuganhulwa naire.

Haggai 2:16

ng'omuntu asobola okuja ku mmungo ey'engaano ng'asuubira okwagaanayo kilo ebikumi bibiri, aye ghaabangagho bwa kilo kikumi kyonka. Ate omuntu bwe yajanga okusena lita ekikumi edh'omwenge ogw'emizabbibu ku kikunhiro, yayagaanangayo lita makumi ana (40) gonka.

1 Ab'e Korintho 3:6

Nze nasimba ensigo, Apollo yaafukirira, aye Katonda n'eyakuza.

Ab'e Galatia 4:11

Mpulira okutya nti omulimo gwe nabakolamu gwandiba nga gwafa bwereere.

Amateeka Agokubiri 11:17

Bwe mulikola mutyo, obusungu bwa Musengwa Katonda bulibatumbukiraku ng'oti muliro, Musengwa Katonda oyo yaalobera amaadhi okugwa, ensi yaakala yaaloba kubaza mere, era mwazikirira mangu, waire nga muliba mu nsi engimu Musengwa Katonda y'ali kubagha.

Amateeka Agokubiri 28:18

“Abaana baimwe be munaazaalanga baidha kukolimirwanga, n'ebirime bye munaalimanga mu itaka lyaimwe, ghalala n'ente n'entaama, n'embuzi dhaimwe, byona bikolimirwe.

Amateeka Agokubiri 28:42

Emiti n'ebirime byaimwe byonabyona, biidha kuliibwanga enzige.

Amateeka Agokubiri 32:22

Obusungu bwange bwidha kutumbuka ng'oti muliro, bwokye kiisi kiri ku nsi kyonakyona. Bwidha kwaka okutuuka e magombe ghansi eyo, bwokye emisingi gy'ensozi.