Abalevi 26:16 - Baibuli Ekibono kya Katonda 2014

¹⁶ ndibabonereza nti: ndireeta entiisa mu imwe. Omusuudha ogw'amaani n'endwaire edhitawonezeka biribatulughaza amaiso, byaleetera obulamu bwaimwe okuja nga buwaagho. Mulisiga ensigo aye tidhiribagasa, kuba abazigu baimwe balibaghangula baalya bye musize.

Abalevi 26:16 ပူးပေါင်းရင်းမြစ်များ

1 Bakyabazinga 8:37

“Mu nsi bwe munaagwangamu endhala, oba ni mubaamu endwaire ya kawumpuli, oba ebirime ni bifungalala ni biidhaku obukuku, oba ni byonoonebwa enzige oba ebisiisa ebindi, oba abazigu ni balumba abantu bo mu kindi ku bibuga byaibwe, oba ni ghabaagho ekibamba kyonakyona oba okulumizibwa kwonakwona,

Yobu 18:11

Ebimutiisa bimuli ku buli luuyi, bimubingirira buli gh'atoola ekigere.

Yobu 20:25

Kalimubitamu kaafuluma, omunwa gwako ogumesunkana gwabita mu ini lye, entiisa yaamugema.

Yobu 31:8

kale bye nsiga ka biriibwe abandi. Emere ye mbaza ka bagiighe bagisuule.

Zabbuli 109:6

Wo Katonda wange, omuzigu wange musimbe mu maiso ag'omulamuzi omubi asaliriza, era owundi ku bazigu be beene n'abe amulumirize.

Zabbuli 73:19

Tibalwagho naire kuzikirira, kutemya na kuzibula, ng'entiisa ebeeyaagho.

Zabbuli 78:33

Kyeyava n'aleetera enaku dhaibwe okuwaagho amangu ng'oti muuka gwa mu nhindo n'enkomerero y'emyaka gyaibwe n'eba ya kikutuko.

Okuvaayo 15:26

Musengwa Katonda yaabakoba ati: “Bwe muliba abawulize obulungi bwene, nga mukola ebyo ebituufu ye ndi, era nga mugondera amateeka gange n'ebiragiro, tija kubabonereza na bulwaire ku obwo bwe nasindikira Abamisiri. Kuba ninze Musengwa Katonda abawonia endwaire.”

Ensambo 3:33

Musengwa Katonda akolimira ab'endhu edh'abakozi ab'ebibi, aye yaagha enkabi ab'endhu edh'abatuufu.

Isaia 10:4

Muliba nga muzira kindi kya kukola okutoolaku okutwalibwa mu busibe, oba okwitibwa mu lutalo. Aye waire ng'ebyo bimaze okubaagho, obusungu bwe bwidha kusigala nga bukaaligho. Era asigale ng'akaagalwire omukono gwe okubabonereza.

Isaia 62:8

Musengwa Katonda yeerayiriire mu buyinza bwe ati: “Bwenebwene tiriirayo kuwaayo mere yaimwe ya mpeke kuliibwa bazigu baimwe. Abagwira tibalinhwa mwenge gwaimwe gwa mizabbibu gwe mwafaabiikanira.

Isaia 7:2

Kyabazinga wa Buyudaaya bwe yawulira nga Abasiria beeyimbye n'Abaefuraimu, agho mwene ghalala n'abantu be emyoyo gyabatengera ng'oti n'emiti egy'omu kibira bwe gitengeeta n'empewo.

Yeremia 12:13

Abantu bange baasiga engaano, aye baakungula mawa. Baafaabiikana inho, aye baaloba kufunamu muganhulo. Baaswala olw'obutabaagho ke bafunamu, kuba obusungu bwange obubitirivu bwabalemeesa.”

Yeremia 15:3

‘Nze Musengwa Katonda ndidha kubataaku eby'okubazikiriza bina: olutalo lwidha kubaita, embwa dhiyuzeyuze emirambo gyaibwe, enhonhi dhibamoodhogole, n'ensolo edh'omu nsiko dhibakankamire okubamalagho.

Yeremia 15:8

Ensi yaimwe nagyongeramu banamwandu bangi, okusinga n'omusenho oguba ku mbali kw'enhandha. Naitira abaisuka baimwe mu maani ghagati, bainhaibwe enaku yaabaluma. Nabasindikira obulumi n'okutya nga tibabyetegekeire naire.

Yeremia 20:4

Musengwa Katonda mwene akobye ati, ‘Bona, ndidha kukufuula ekintu ekitiisa eri iwe mwene n'eri bakagwa bo, era olibona nga boonaboona baitibwa abazigu baibwe mu lutalo. Nja kughaayo abantu b'omu Buyudaaya boonaboona mu ngalo dha kyabazinga w'e Babilonia. Abandi alibatwala e Babilonia ng'abanhage, ate abandi yaabaita.

Yeremia 5:17

Balirya emere yaimwe ni byonabyona bye muli kukungula. Balizikiriza emizabbibu gyaimwe n'emitiini gyaimwe, baasaaniagho embuzi dhaimwe n'ente dhaimwe, era baita batabane baimwe ni baghala baimwe. N'ebibuga byaimwe ebyezungulwirwa ebimante ebigumu bye mwesiga, balibizikiriza mu lutalo.”

Ezekieli 24:23

Timulireka kusiba bitambaala byaimwe ku mitwe, waire okuleka okuvaala engaito mu bigere olw'enaku. Era timulirira maziga waire okuwowoola. Aye muligoogomba mwawaagho olw'ebibi byaimwe, buli muntu yaasindira mwine enaku.

Ezekieli 33:10

Musengwa Katonda era yankoba ati: “Iwe omuntu, yogera eri ab'eighanga Isiraeli ku ebyo bye bakoba bati, ‘Ebibi byaife n'ensobi dhaife bitutwaliriiza inho, byatugoogombya twaweera mu luwu. Kale tunaaba tutya abalamu?’

Amosi 5:11

Mutuntuza abaavu, era mwabakaka babaghe imwe engaano yaibwe. Kale ni waire mwazimba endhu edh'amabaale amabaadhe edh'omulembe, timulidhisulamu. Waire mwasimba amasamba ag'emizabbibu agasanhusa, timuja kunhwa ku mwenge gwamu

Mika 6:15

Mwidha kusiganga, aye nga timukungula, mukamule omuzigo mu bibala eby'emiti emyoliva, aye nga timughanga kugukozesa. Era mukunhe omwenge ogw'emizabbibu, aye gubaleme okunhwaku.

Haggai 1:6

Mwasiga bingi aye mwakungula bitono. Muli n'emere ey'okulya aye tebamala kubaigusa. Muli n'omwenge ogw'okunhwa aye tigubamala ndiwo! Muli n'engoye edh'okuvaala aye tidhibamala kusuugha. Abakozi empeera ye bafuna tebamala mu byetaago byaibwe.

Zekaria 14:12

Musengwa Katonda alibonereza abantu b'amaghanga agalitanula olutalo ku Yerusalemu, ng'abasindikira endwaire embi einho: emibiri gyaibwe girivunda nga bakaatambula, amaiso gaibwe gaabavundira mu bighanga, n'enimi dhaibwe dhaabavundira mu kanwa.

Malaki 2:3

Ndibonereza abaana baimwe, n'imwe beene naababbaaka obusa bw'ensolo dhe mughaayo ng'emisengo. Era ndibabinga ghe ndi.

Amateeka Agokubiri 28:51

Balirya ensolo dhaimwe n'emere yaimwe ye mulimye, aghazira kubalekeragho ngaano, na mwenge gwa mizabbibu, na muzigo gwa bibala bya miti myoliva, oba ente, n'entaama, n'embuzi. Balikola batyo okutuusa lwe balibasaanizaagho irala.

Amateeka Agokubiri 32:25

Abazigu baidha kubaitiranga mu ntalo mu nguudo, ate eka mu ndhu dhaibwe mwidhule ebitiisa. Abazigu baidha kwitanga abaisuka n'abaguna, era baitenga abakaire ab'envu n'abato abonka.

Abaheburayi 10:31

Nga kitiisa okugwa mu mikono gya Katonda omulamu!

Abalamuzi 6:11

Agho malaika wa Musengwa Katonda yaidha mu kiketezo ekyetebwa Ofura. Yaatyama ghansi gh'omuti omukologho ogwa Yoashi Omubiezeri. Gideoni, mutabane wa Yoashi oyo, yali ng'ali kukuba ngaano mu kikunhiro ky'omwenge gw'emizabbibu, olw'okwenda okugikweka ku Bamidia.

1 Samueli 2:33

Aye omuntu ow'omu ndhu yo, ye ndirekagho okugheerezanga ku alutaari yange, aja kulira amaziga n'amaiso gende bwa kumutuumamu, n'enaku emulume ku mwoyo gwende bwa kumutuumamu. Eizaire lyaimwe lyonalyona liidha kwitibwanga bwitibwe.