Abalevi 26:13 - Baibuli Ekibono kya Katonda 2014

¹³ Ninze Musengwa Katonda waimwe, eyabatoola mu Misiri, mulekere okuba abairu. Naatoolagho obuyinza obwali bubasibiire ghansi, naabatambuza nga mwesimbye.”

Abalevi 26:13 ပူးပေါင်းရင်းမြစ်များ

Zabbuli 116:16

Wo Musengwa Katonda, nze ndi mugheereza wo nga maama bwe yali. Niiwe omponiiza okufa!

Okuvaayo 14:8

Musengwa Katonda yaakalangusa omwoyo gwa kyabazinga ow'e Misiri yaaloba kutya, yaatoolera okubinga ng'ayenda okugema Abaisiraeli abaali bali kutambula nga ghazira kye batya.

Okuvaayo 20:2

ati: “Ninze Musengwa Katonda waimwe, eyabatoola mu Misiri ye mwali nga mukola obwiru.

Okuvaayo 6:7

Ndidha kubafuula bantu bange, era nze mbenga Katonda waimwe. Olwo mulimanha nga ninze Musengwa Katonda waimwe, nga mbatwikwire emirimo emikalangufu Abamisiri gye babakaka okukola.

Isaia 51:23

Ekikopo ekyo ndikigemya abo ababalumya ni bakoba bati, ‘Mweyale ghansi ku itaka tubatambulireku tuje’, era mwena ni mutaagho emigongo gyaimwe ni gifuuka oluguudo kwe batambulira.”

Isaia 9:3

Oleeteire abantu okweyongera obungi mu ighanga, waabaleetera okweyongera okusangaala. Basagambira mu maiso go ng'oti bwe basagamba mu makungula, oba ng'oti n'abantu bwe basagamba nga bagabana omunhago.

Yeremia 2:20

Musengwa Katonda akoba ati: “Imwe Abaisiraeli, mwava ira nga muloba nze okubafuga, mwandheemera, mwakoba muti, ‘Titwidha kumusinzanga.’ Era mwasinzizanga emisambwa ku buli lusozi olugulumivu, na buli ghansi mu kinsense eky'omuti omuzibirivu.

Yeremia 28:2

Musengwa Katonda Afuga Amagye, Katonda wa Isiraeli, akoba ati: “Namenhamenha obuyinza bwa kyabazinga w'e Babilonia, bwe yabakakaatikaku ng'oti kikoligo mu nkoto y'ensolo.

Yeremia 28:4

Era nja kwiza kyabazinga wa Buyudaaya Yehoiakini mutabane wa Yehoiakimu, ghalala n'abantu boonaboona ab'omu Buyudaaya abaatwalibwa e Babilonia mu bunhage. Yii, bwenebwene nze nja kumenhamenha obuyinza bwa kyabazinga ow'e Babilonia. Nze Musengwa Katonda, ninze nkobye.”

Ezekieli 30:18

Lwe ndikomya obufuzi bwa Misiri enzikiiza erigema mu kibuga Tehafunehesi, olwo naalekeza amaani agabaleetera okwekuluntaza. Ekire kirighemba ku Misiri, abantu baamu baatwalibwa mu bunhage.

Ezekieli 34:27

Ensi eidha kubazanga ebirime, emiti gibalenga ebibala, n'abantu babenga mu nsi mu miraala. Era bwe ndimala okumenhamenha ebikoligo ebiri mu nkoto dh'abantu bange, ni mbawonia abo abaabafuula abairu, olwo balimanha nga ninze Musengwa Katonda.

Hosea 11:4

Nabatwalanga na kisa, naabaleeteranga okwidha ye ndi nga mbagonza. Nabaghembereranga ng'oti n'aghemberera omwana okumusirisaagho, era naakutamanga okubaliisa.

Abalevi 25:38

Ninze Musengwa Katonda waimwe eyabatoola mu Misiri, ni mbagha ensi Kanaani, era ni mba Katonda waimwe.

Abalevi 25:42

kuba Abaisiraeli bairu bange, be natoola mu Misiri. Kale batatundibwanga mu bwiru.

Abalevi 25:55

Kuba Abaisiraeli bairu bange, ninze eyabatoola mu Misiri. Ninze Musengwa Katonda waimwe.

Nahumu 1:13

Buti ni, nja kumenhamenha ebikoligo Abassiria abo bye baabata imwe mu nkoto, n'endhegere dhe baabasibya.”