Abalevi 26:12 - Baibuli Ekibono kya Katonda 2014

¹² Nnaabanga mu imwe, nga ninze Katonda waimwe, mwena munaabanga bantu bange.

Abalevi 26:12 ပူးပေါင်းရင်းမြစ်များ

Amainhama 17:7

Era ndidha kutaagho endagaano yange n'iwe, era ni baidhukulu bo ab'omu nse dhoonadhoona edhiriiragho, ebenga ndagaano etawaagho. Ndidha kubanga Katonda wo, era Katonda wa baidhukulu bo.

Amainhama 17:8

Ndidha kukugha iwe ni baidhukulu bo ensi eno buti y'olimu ng'omusenze. Ensi yoonayoona Kanaani eidha kubanga ya baidhukulu bo ebyanda n'ebyanda era nze ndidha kubanga Katonda waibwe.”

Amainhama 3:8

Agho baawulira Musengwa Katonda ng'ali kutambula mu nimiro eigulo nga kuwoze era beegisa mu miti egy'omu nimiro nga tibenda ababone.

Amainhama 5:22

Okuva olwo Enoka yaaba ng'atambulira mu Katonda, yaaghangaala emyaka egindi bikumi bisatu (300). Era yaazaala n'abaana abandi.

Amainhama 5:24

Enoka oyo yaamala obulamu bwe ng'atambulira mu Katonda era yaamala yaabulagho bubule, kuba Katonda yamutwala.

Amainhama 6:9

Bino n'ebifa ku Noa. Yali muntu akola ebituufu, ng'aziraku kibi mu bantu ab'omu biseera bye

2 Samueli 7:7

Mu bifo byonabyona bye mbairenga njaamu nga ndi n'Abaisiraeli boonaboona, waali owuliireku nga mbuuza waire omulala ati ku bakulembeze be nataagho okulabiriranga abantu bange Abaisiraeli, nti lwaki timunzimbira ndhu ya miti mivule?’

Zabbuli 50:7

“Imwe abantu bange mumpulirise, ndi ni kye mbakoba; imwe Abaisiraeli, ndidha kubalumiriza. Ninze Katonda, Katonda waimwe.

Okuvaayo 29:45

Era nnaabanga mu bantu bange Abaisiraeli, era nnaabanga Katonda waibwe.

Okuvaayo 29:46

Baidha kukitegeera nga ninze Musengwa Katonda waibwe eyabatoola mu Misiri, mbabengamu. Ninze Musengwa Katonda waibwe.”

Okuvaayo 3:6

Era yeeyongera okumukoba ati: “Ninze Katonda wa lata wo, Katonda wa Aburahamu, Katonda wa Isaaka era Katonda wa Yakobo.” Musa yeeghemba mu maiso ng'ali kutya okulinga ku Katonda.

Okuvaayo 6:7

Ndidha kubafuula bantu bange, era nze mbenga Katonda waimwe. Olwo mulimanha nga ninze Musengwa Katonda waimwe, nga mbatwikwire emirimo emikalangufu Abamisiri gye babakaka okukola.

Isaia 12:2

Bona, Musengwa Katonda n'omulokozi wange; ndidha kumwesiganga nga ghazira kye ntya. Musengwa Katonda oyo n'amaani gange, oyo n'olwembo lwange, era n'omulokozi wange.

Isaia 41:10

Otatya, kuba nze ndi ghalala n'iwe. Oteeraliikirira, kuba nze ninze Katonda wo. Ndidha kukuyamba nkughe amaani, era nkulwanirire nkuleetere okughangula.

Yeremia 11:4

Endagaano eno nagikola ni badhaadha baibwe, bwe nabatoola mu nsi Misiri, ye baabanga ng'oti n'abali mu muliro ogw'amaani ogusaanuusa ekyuma ekigumu einho. Naabakoba okungonderanga n'okukolanga kiisi kye nalagira olwo babenga bantu bange, nze mbenga Katonda waibwe.

Yeremia 30:22

Beene baliba bantu bange, nze naaba Katonda waibwe.

Yeremia 31:33

Ekiseera ekyo bwe kirituuka, eno n'endagaano ye ndikola n'Abaisiraeli: Ndibataamu amateeka gange, naagaghandiika ku myoyo gyaibwe. Nze ndiba Katonda waibwe, beene baaba bantu bange.

Yeremia 32:38

Baliba bantu bange, nze naaba Katonda waibwe.

Yeremia 7:23

Aye nabalagira kino nti, ‘Mumpulirenga, olwo nze ndidha kubanga Katonda waimwe, imwe mube bantu bange. Mujiirenga ku mateeka ge mbagha, olwo byonabyona biidha kubajiiranga bukalamu.’

Ezekieli 11:20

Baajiiranga ku mateeka gange era baagemanga bye nkoba. Olwo baabanga bantu bange, nze naabanga Katonda waibwe.

Ezekieli 36:38

Ebibuga ebyayonoonebwa biriidhula abantu, ng'oti ni Yerusalemu bwe kyaidhulanga entaama edh'okughaayo ng'emisengo ku mbaga edh'ebibinuko ebyalagirwa. Olwo balimanha nga ninze Musengwa Katonda.”

Yoeli 2:27

Olwo imwe Abaisiraeli mulimanha nga nze mba mu imwe, era nga nze Musengwa Katonda, ninze zenka Katonda waimwe, ezirayo wundi. Abantu bange tibaliirayo kabiri kuswazibwa.”

Zekaria 13:9

Era abo abaliba mu kitundu ekyo ekirala ndibatukuza ng'oti ni feeza bwe bamukenenula mu muliro, era naabagezesa ng'oti ni zaabu bwe bamugezesa. Balinsaba, era zeena naabairamu. Ndibeeta bantu bange, era boona bandheta Katonda waibwe.”

Okubala 5:3

Mubingengagho abasaadha n'abakazi boonaboona abatali balongoofu, balobe kwonoona kifo ghe mwasimba weema dhaimwe, ghe mba n'imwe abantu bange.”

Matayo 22:32

‘Ninze Katonda wa Aburahamu, Katonda wa Isaaka, Katonda wa Yakobo?’ Ti Katonda wa bafu aye Katonda wa balamu.”

2 Ab'e Korintho 6:16

Eisinzizo lya Katonda liisania litya n'ebyo ebisinzibwa ebitali Katonda? Kuba ife, niife eisinzizo lya Katonda Omulamu, era nga Katonda mwene bw'akoba ati: “Ndidha kubanga mu bantu bange, era mu abo mwe naatambuliranga Ndidha kubanga Katonda waibwe, boona baidha kubanga bantu bange.”

Amateeka Agokubiri 23:14

Mukuumenga ekifo ghe munaasimbanga weema dhaimwe nga kirongoofu. Kuba Musengwa Katonda waimwe aidha kubanga ghalala n'imwe mu kifo ekyo ng'abakuuma, olwo abasobozesenga okughangula abazigu baimwe. Mweghalenga ekintu ekibi kyonakyona, ekighanga okumusungughaza n'abavaaku n'abalekulira agho.”

Amateeka Agokubiri 23:15

Musa yaakoba Abaisiraeli ati: “Omwiru bw'aneibanga ku musengwa we n'aidha n'asenga ewuwo, otamwizangayo ye musengwa we oyo.

Abaheburayi 11:16

Aye mperaano kyali nti baali bali kwegomba obutaka obusinga obukalamu n'obwo obw'omu igulu. Kale Katonda kyava tagemwa nsoni kwetebwa Katonda waibwe, kuba yabategekera ekibuga.

Okwolekebwa 2:1

“Ghandiikira malaika w'Ekikunsu eky'Abaikiriza mu Kurisito eky'Efeso oti: oyo agemye emuunienie omusanvu mu mukono gwe omusaadha, atambulira ghagati gh'ebikondo eby'entaala omusanvu ebya zaabu, akoba ati:

Okwolekebwa 21:7

Oyo aghangula, alifuna ebyo. Nze ndiba Katonda we, mwene yaaba mwana wange.