Abalevi 25:9 - Baibuli Ekibono kya Katonda 2014

⁹ Agho ku lunaku olweikumi olw'omwezi ogwomusanvu, olunaku olw'okutoolebwaku ebibi, munaatumanga omuntu yaaja ng'afuuwa endeka mu nsi yaimwe mwonamwona.

Abalevi 25:9 ပူးပေါင်းရင်းမြစ်များ

Zabbuli 89:15

Wo Musengwa Katonda, nga ba nkabi abo abakukubira emizira, ni batambula nga bagonzi y'oli.

Zabbuli 89:16

Ni basagamba olw'eriina lyo olunaku lwonalwona, nga bakusaaka ebitaloodheka olw'obutuufu bwo.

Isaia 27:13

Ku lunaku olwo, eigwala lirivuga n'amaani, okweta Abaisiraeli boonaboona abaliba mu Assiria ni mu Misiri, baidha baasinza Musengwa Katonda ku lusozi olutukuvu mu Yerusalemu.

Abalevi 16:20

“Aaroni bw'anaamalirizanga okukola omukolo ogw'okutukuza Ekifo Ekitukuvu n'Eweema yoonayoona ey'Okwagaananirangamu ni Musengwa Katonda, ni alutaari, anaatwalanga ye Musengwa Katonda embuzi ere enamu.

Abalevi 16:29

“Eiteeka lino munaalikuumanga enaku dhoonadhoona: Ku lunaku olweikumi olw'omwezi ogwomusanvu, Abaisiraeli n'abasenze abaabasengamu, baneebonerezanga era tibaakolenga mulimo waire omulala.

Abalevi 16:30

Ku lunaku olwo ghanaakolebwangagho omukolo olwa imwe okutukuzibwa, mutoolebweku ebibi byaimwe byonabyona, mube balongoofu mu maiso ga Musengwa Katonda.

Abalevi 23:24

“Kobera Abaisiraeli oti ku lunaku olusooka olw'omwezi ogwomusanvu, ghanaabangagho okuwuumulira irala olw'ekiidhukizo. Kunaalangirirwanga nga bafuuwa endeka, era muneesolozanga okusinza.

Abalevi 23:27

“Olunaku olweikumi olw'omwezi ogwomusanvu, lunaabanga lwa kutoolebwaku bibi. Ku lunaku olwo, muneebonerezanga, era mwesoloza okusinza, mwaghaayo eri Musengwa Katonda ekigheebwayo ekyokebwa.

Abalevi 25:8

“Munaabalanga emyaka musanvu emikuzi musanvu, ng'egyo gyonagyona aghalala n'emyaka amakumi ana n'omwenda.

Abalevi 27:17

Bw'anaaghangayo eitaka eryo ng'omwaka omutukuvu gwakawaaku, linaabanga ku mughendo omwidhuvu ogulibaliriirwamu.

Abalevi 27:24

Mu mwaka omutukuvu, eitaka eryo linairizibwanga mwene lyo eyalitunda, oba abasika be.

Okubala 10:10

Aye era ni mu biseera byaimwe eby'eisanhu, ni ku mbaga edh'ebibinuko byaimwe ebyalagirwa, ni ku ntadiikwa y'omwezi, mwidha kufuuwanga amagwala nga muleese ebigheebwayo byaimwe ebyokebwa n'ebigheebwayo byaimwe olw'okutabagana. Ekyo kiidha kundeeteranga nze Katonda waimwe okubaidhukira. Ninze Musengwa Katonda waimwe.”

Okubala 36:4

Era omwaka omutukuvu ogw'Abaisiraeli ni bwe gulituuka ghazira kija kukyukamu. Obutaka bwaibwe buja kuva ku nsikirano ya badhaadha baife, bwongerwe ku butaka obw'ebika ebyo bye baliba nga babayiiremu.”

Ab'e Roma 10:18

Aye mbuuza: Kituufu tibaawulira bukwenda? Bwenebwene baabuwulira, ng'ebyaghandiikibwa bwe bikoba biti: “Amamiro gaibwe gaatuuka mu nsi yoonayoona. Ebibono byaibwe byawulirwa ensi y'ekoma.”

Ab'e Roma 15:19

mu maani ag'obumanhiso n'ebyewuunhio, ni mu maani aga Mwoyo Mutukuvu. Kale ntyo okuviira irala e Yerusalemu okutuukira irala mu Iluriko, nkobera abantu Amawulire Amalungi aga Kurisito.

1 Ab'e Thessalonika 1:8

Olw'ensambo ye mwebisangamu, ekibono kya Musengwa kyaja nga kiwulirwa mu Makedonia ni mu Akaia, era n'okwikiriza kwaimwe mu Katonda kwatuuka buli ghantu. Kale ghazira kye twetaaga kwogera,

Yoshua 6:4

Bakabona musanvu, nga buli muntu agemye endeka eyakolebwa mu iyiga ery'entaama, baidha kukulemberamu Sanduuku y'Endagaano. Ku lunaku olwomusanvu mulyezungulula ekibuga emikuzi musanvu nga bakabona bafuuwa endeka.