Abalevi 25:36 - Baibuli Ekibono kya Katonda 2014

³⁶ Otamutoolangaku magoba waire, aye otyanga Katonda wo, waaleka Muisiraeli mwino yaaba gh'oli.

Abalevi 25:36 ပူးပေါင်းရင်းမြစ်များ

Nehemia 5:15

Abafuzi abansooka okufuga Buyudaaya, baakaluubirizanga abantu nga babasalira okuleeta emere, n'omwenge ogw'emizabbibu, n'ebitundu bya feeza amakumi ana (40). Ate n'abagheereza b'abafuzi abo, boona baakaluubirizanga abantu. Aye nze nga tikola ntyo, kuba nga ntya Katonda.

Nehemia 5:3

Ghaabaagho abandi nga bakoba bati: “Ife tuli kusinga enimiro dhaife, n'amasamba gaife ag'emizabbibu, n'endhu dhaife, okufuna engaano ey'okulya tuwone endhala.”

Zabbuli 15:5

Bw'awola empiiya tasuubira magoba, era ole tasobola kumugula kulumiriza muntu aziraku musango. Omuntu ng'oti n'oyo ghazira kisobola kumutengeesa.

Okuvaayo 22:24

nsungughale era nkusindike ofiire mu lutalo. Olwo weena bakazi bo babe banamwandu, n'abaana bo babe bamulekwa.

Okuvaayo 22:25

“Bw'owolanga empiiya omuntu yeenayeena ku bantu bange abaavu b'olimu, otakolanga ng'abaghozi abandi, n'omutoolaku magoba.

Ensambo 28:8

Omuntu afuuka omukombe ng'aseera afune amagoba, obukombe bwe bulija y'oyo agemerwa abaavu ekivunika.

Isaia 24:2

Kiisi muntu alibisibwa mu nsambo n'endala: abantu babuliidho ni bakabona, abairu ni basengwa baibwe, abaguzi n'abatunzi, abawola n'abo ababeewolaku, ababandha n'abo ababandhibwa.

Yeremia 15:10

Ye nga nkagwireku nze Yeremia! Maama yanzaalira ki ku nsi kuno? Ku nsi kuno ndi n'okusoola era n'okutakana n'abantu boonaboona. Tiwolangaku muntu, waire nze mwene okwewola ku muntu yeenayeena, aye ate abantu boonaboona bankolimira.

Ezekieli 18:13

era yaawola omuntu lwa kumufunaku magoba olwo mwene yeeyongere okuba omukombe. Bwenebwene omuntu oyo agwaniire okuba omulamu? Busa naire, tibalimulekagho nga mulamu. Alifa olw'okukola ebyenhinhalwa ebyo byonabyona, era aliba nga ni mwene eyeereeteire okufa.

Ezekieli 18:17

Nga yeesamba okukola ebibi, tawola muntu lwa kumufunaku magoba olwo mwene yeeyongere okuba omukombe, akuuma ebiragiro byange era yaajiira ku mateeka gange. Omuntu oyo talifa lwa bibi ise bye yakola. Bwenebwene aliba mulamu.

Ezekieli 18:8

Atawola muntu lwa kumufunaku magoba olwo mwene yeeyongere okuba omukombe, era eyeesamba okukola ebibi, ate n'asalira abantu emisango mu mazima.

Ezekieli 22:12

Era mu iwe mulimu abagulirirwa okutemula abantu. Mwabaamu abawola banaibwe olw'okubafunaku amagoba olwo beene beeyongere okuba abakombe. Era mwabaamu n'abatoola ebintu bya banaibwe mu kukupankupania. Abantu abo baaneerabira ira.” Musengwa Katonda atyo bw'akoba.

Abalevi 25:17

Mutaseeragananga, aye mutyenga Musengwa Katonda waimwe.

Abalevi 25:37

Otamusabanga magoba ku mpiiya dh'omuwola, oba ku mere y'omuguza.